"لامـوريــنـــــــــــا🇲🇽🇲🇦".
"𝓛𝓪 𝓶𝓸𝓻𝓮𝓷𝓪🇲🇦🇲🇽"
٠ بقلم : ميرا 💆🏻♀️
٠ الجزء : 1
_مدينة أكابولكو - ولاية غيريرو "المكسيك"
الصمت ، الهدوء ، السكينة ، كلمات بساط ولكن كافيين باش ايعطيوك الوصف الكامل و المثالي ديال الطريق الرئيسية لي كتدي لجبال "سييرا مادري ديل سور" ، الطريق الخالية ، الطريق لي قادرة تعطيك راحة البال ولي ماكيتسمع فيها غير أصوات الرياح لي مطيرين أوراق الشجر ، نفسهم الشجار لي تهزو وراقهم بالجهد طايرين الفوق فاش دازت "هي"..!
فرمشة عين ، و فوسط داك الهدوء كامل ، دازت "سيارة سوداء" بسرعة فائقة كسرات الصمت فخطرة وحدة و غير من الصوت و العجاج لي خلات موراها تقدر تعرف بلي مرورها ماكانش عادي ! ثواني قلال حتى بدا كيتسمع صوت تاني ، صوت غادي و كيتجهد حتى فجأة ، تجهد دقة وحدة..!
كانو سيارات "الشرطة" كاسرين الدنيا ، كيدوزو وحدة مورا وحدة محيحين بصفاراتهم ، ربعة دالسيارات كاملين مكمولين كيتسابقو كلهم تابعين "السيارة السوداء" ، نفسها السيارة لي مكسيرية بالجهد مخلياهم مقا تلين باش مايتلفوهاش..
داخل هاد السيارات بالضبط كانت نايضة الروينة و الصداع على الجهد ، كلشي مسطريسي و الهدرة كلها ضايرة "بالإسبانية" ، اللغة الأم لي كلما زادو غوتو بيها كلما صمكو الدنيا ، و غير من الشوفة لولة تعرف بلي القضية هنا بصح خاطيها اللعب..!
كان هاز فايديه جهاز اللاسلكي و كيغوت على حر من جهدو مخلي كشاكشو خارجين..
"غااااتهرب ! فااااهم شكنقوول ؟ فااااهم شناهياااا غاااتهرب ؟؟!"
_"حنا تابعينها..خيفي ! غير تهدن راها قدامنا ماعندها فين تهرب"
ضحك مغدد و عاود غوت حتى قفز هداك لي صايك حداه..
"كتفلاااا علياااا ؟؟ كتريگل علياااا ؟!!"
بالسطريس لي ركب فيه "الخيفي" ديالهم ، بدا كيغوت و اينفض فالبوليسي لي حداه..
" واااا تحرررك !! تحررررررك خرج عييينك فيين وصلاااات !! "
قبل مايعاود ايطلع النفس و ايبرد شوية ، كان الخيفي سبقو و رجع كيتبورد عليهم بالغوات..
"لامااشدااتش ، لااامااتكسراتش وعاوداات هرباات فحال المرااات لي سبقووها غنخرررج عللللى حياااااة مككم ، نرزيييكم وااااحد بواااحد (زير على سنانو بتأكييييد لكلامو) وااااااحد بواااحد ..! "
فهاد الوقيتة ، و وسط هاد الحيحة كاملة ، كانت "السيارة السوداء" مازال مكسيرية و غير من السرعة لي مكسيرية بيها تقدر تعرف بلي لي صايكها ماناويش ايهز ايديه ولا ايستسلم ! وخا متبوعة بفرقة ديال الشرطة الدولية و مازال جايها الخير لور بشعار وحد و لي هو "ايشدوها".."هي" لي كانت مزيرة على الفولون و كتشوف فالطريق بعينين تابتين..!
❌كيف جاتكم البدية🤭❤️🔥🤌🏻
أنت تقرأ
LA MORENA🇲🇦🔞لامورينــــــــا🇲🇽🔞
Action"هي" مطالبة من طرف العدالة..و "هو" المطالب بها🔥❗️ لعشاق #الأكشن🔥#التشويق..#الحماس..#الصراع..#تهريب_المخدرات🚬..و المزيد في رواية "لامورينــــا🇲🇦🇲🇽"
