"لامـوريــنـــــــــــا🇲🇽🇲🇦"
"𝓛𝓪 𝓶𝓸𝓻𝓮𝓷𝓪🇲🇦🇲🇽"
٠ بقلم : ميرا 💆🏻♀️
٠ الجزء : 18
_"فدرب فارغاس.."
كانت "صباح" مازال كتفطر ، كتشرب الحليب هو لول كيف مولفة عاد كتهز الطوسط كدهنو بالمربى المفضل ديالها ، "مربى التوت" لي لونو داكن و مذاقو ميخليهاش تشبع منو ، كلات لول و زادت ثاني حتى جات راضية كتحنحن و بلاما تشوفيها عرفاتها هي غير من ريحتها ، تنهدات و جلسات قبالتها كتشوفيها كيف كتاكل بكل شهية..
راضية : بصحتك..
صباح (وسعات عويناتها و نطقات بالداريجة معكلة) : عاطيك ص صحة..
رمشات بعينيها و بقات حاضياها ، حتى لوحد اللحظة لي سهات فيها و هي كتشوف فختها كيف كتهز من المربى ، صغرات عينيها و بقات ساهية فديك القرعة ، و فاللخر مافيقاتها غير صباح لي وقفات كتسنا فيها باش ايخرجو ، عقدات حواجبها و دماغها خدام كيفكر عاد وقفات..
راضية : مشينا ؟
صباح ومات ليها براسها و سبقاتها باش تحل الباب ، أما راضية فعاودات شافت فديك القرعة لثواني عاد خرجات حتى هي ، نيشان لطوموبيل لي كانت مبلاصية حدا الباب ، حلاتها و طلعات ، حتى تأكدات بلي كلشي بيخير و مزيان عاد كسيرات منطالقة للكلية لي كتقرا فيها ختها ، الطريق كانت خاوية شي لي ربحهم الوقت و خلاهم ايوصلو دغيا ، وقفات بالطوموبيل قدام الدخلة دالكلية لي كانت كبيرة و قدامها جوج جرادي ، كلية خاصة بالطب و غالية كتحط عليها الزبابل دالفلوس كل عام رزقها كامل مخصصاه غير لختها ، مع الدخلة كيبانو ليك طلاب كثار جايين و وحدين أخرين هابطين ، حلات الباب و خرجات كتشوفيها لقاتها هزات صاكادو ديالها و خرجات حتى هي كتشوف فالكلية و تبلع فريقها ، مرضها "بالتوحد" دفعها تخاف من كثرة الناس وخا حاولات تخطاه ، وخا حاولات تغلب فراسها و تنساه ، إلا أنه فالأخير "مرض" ، و المرض كيبقى "حقيقة"..!
راضية : فالعشية غنجي ليك بالموطور
ماكان حتى جواب من طرف صباح ، غير كتبلع فريقها و كتحاول تبتاسم ، الشئ لي لاحظاتو راضية..
راضية : مديرونجيك شي وحد ؟
صباح (حركات ليها راسها بالنفي كترمش فيها بعويناتها) : نو..
راضية : تبغي ندخل معاك ؟
صباح (شدات ليها فايديها كطمنها) : نوو..أ أنا غير..غير كيي كيوقع ليا هاكا صباح
راضية : (هزات صبعها بتحذير) إلا ديرونجاك شي وحد قصديني
صباح : (عنقاتها كتنهد) وخا..
راضية : (زيرات عليها) يالاه سيري
طلقات منها باش تمشي و صباح غاديا و كدير باي باي بايديها ، بقات متبعاها بعينيها حتى دخلات و دارت حتى هي باش تمشي ، حتى كيبانليها العساس دالكلية واقف قبالتها و كيفرنس..
العساس : ماتخافيش عليها راني حاضيها..
راضية : كيضسر عليها شي وحد ؟
العساس : أنا كاين و ايضسرو عليها..الله أودي !
راضية : (ومات ليه براسها) كانت شي حاجة علمني
العساس : (كيحك فراسو) غير و هو ولات كتبان ليا هاد الأيام مع وحد الولد..حضي معاها
راضية : (يالاه بغات تسد الباب و هي تحبس) مافهمتش
العساس : وااا الوقت و الزمان هدا..الدريات واااعرات فهاد العمر ماتعرفيها اش كدير موراك
"ماتعرفيها أش كدير موراك" ، الجملة لي حسات بيها فحال شي سهم عامر استفزاز و تسيفط ليها نيشان ، جبدات ورقة ديال الفلوس من جيبها لاحتها عليه و ضربات ليه بالجهد على كتفو حتى وسع عينيه..
راضية : مكنقولش لك جيب ليا التبركيكة كنقولك علمني..ديك الدرية را بنتي..باش تقوليا موراك ولا قدامك راك كتعايرني الخوادري..حاطينك راجل ماشي قو اد..تفركها !
قبل ماينطق كانت كسيرات ليه عند رجليه خلاتو غير كيرمش بعينيه و ايشوف فالفلوس..
العساس : راجل ماشي قواد ؟ كيفاش هدشي ؟؟
أنت تقرأ
LA MORENA🇲🇦🔞لامورينــــــــا🇲🇽🔞
Action"هي" مطالبة من طرف العدالة..و "هو" المطالب بها🔥❗️ لعشاق #الأكشن🔥#التشويق..#الحماس..#الصراع..#تهريب_المخدرات🚬..و المزيد في رواية "لامورينــــا🇲🇦🇲🇽"
