LA MORENA🇲🇦🔞لامورينــــــــا🇲🇽🔞

53

"لامـوريــنـــــــــــا🇲🇽🇲🇦"
"𝓛𝓪 𝓶𝓸𝓻𝓮𝓷𝓪🇲🇦🇲🇽"

٠ بقلم : ميرا 💆🏻‍♀️
٠ الجزء : 53

رمش فيه بثقالة ، كان مازال واقف حدا الباب و كيشوف ليه فوجهو بتعابير باردة ، خشا ايديه فجيابو و نطق بهدوء ، الهدوء لي خلا صوتو الغليض و نبرتو القاصحة تردد فالغرفة كاملة..

"شحال من قنت كنتو غتفركعو"

حرك راسو بالزربة كيحل فعينيه بزز و جاوبو بخوف كينفي كلامو..

"ماعرفتش..ماشي أنا..ماقالوش ليا..وحق لا إلاه إلا الله..تيق بيا !!"

كيحرك راسو هنا و لهيه بهستيرية خايف من لي جاي ، أما "هو" فحيد جاكيطة ديالو حطها فوق الكرسي باش ايبقا بتريكو كحل لاصق على كسدتو العريضة ، هز باندة كحلة كيدورها على ايديه السمرين و علا راسو كيشوفيه غير من التحت حتى بانت تفاحة أدم بارزة ، هداك لي معلق ماكانش عارف شنو كيضور فبالو ، الصمت و الكلام القليل لي جمعو بيه خلا قلبو ايبدا ايضرب بالخوف ، هو  لي فالدقيقة نفسها شاف فالبوليسي ، هاد الأخير غير من الشوفة فهم شنو خاصو ايدير ، هز جوج ديال لوحات كحلين و قرب منو لصقهم ليه مع لحمو و هو هكاك مربوط و كيتحرك فكاع الجوايه و ايغوت على حر جهدو باش ايهرب من هاد التعذيب..

"شيييف..لاااا..لااااا !! الله ايرحم ليك الواااليييدين تييييييق بيااااا !!!"

حرك راسو بالايجاب و هز وحد الجهاز صغير كيقادو فايديه..

"تايق بيك"

فرمشة عين و وسط داك الصراخ كامل ورك على البوطونة حتى بدا السيد كيترعد بطريقة قوية بسبب الصعقات الكهربائية لي كان كيتعرض ليهم !كيتضرب بالضو من ساسو لراسو بالجهد حتى كيبغي الحبل ايتقطع بيه بكثرة ما كيتهز، الصعقات كيتكررو و الحصة التعديبية مازال دايمة ، روحو كتخرج قدامو بأبشع الطرق و هو كيشوفيه عاض على سنانو ، ما مراعي لا الإنسانية لا للرحمة و محيد السماح من عقلو..

زاد زير على سنانو بالجهد و شدو من فكو كيزير عليه و ايعاود حتى خرج لسانو..

"قلت لرااابطة تااعت ممك ماتبلعععش لسااانك معااياا !! باااغي تمو ووت مجرررتل القلااا وي ؟؟ (مخرج فيه عينيه و كيزير) أاادوي باااغي تموووت!!!"

مع غوت ديك الغوتة الحارة مع دخل وحد من البوليس حاني عينيه باحترام و كيحنحن..

البوليسي : موسيو جبران..سمحليا على الإزعاج..بغيت غير نقوليك بلي كلشي واجد..كاين شي تعليمات أمون شيف ؟

لاح داك الجهاز و حيد الباندة كيمسح فايديه ، عاد خرج لعندو كيشوفيه بمعنى دوي كمل هدرتك..

البوليسي : مون شيف بصح عندنا كاع المعلومات عليهم و سيفطو لينا الملف ولكن يالاه علمونا و مازال ماعرفنا الموقع بالضبط !

أيوب (شمر بنيفو كيشوف قدامو عاقد حواجبو) :
بلوكيو الجهة الثانية من الديوانا..و خليهم ايدخلو باش نسلمو عليهم..

بلاما ايزيد اينطق بكلمة رجع دخل لديك الغرفة المظلمة و سد الباب مخلي البوليسي واقف كيحك فراسو مستغرب من هاد البرود ديالو ، ماعارفش بلي فحال هاد القضايا ولاو كيجيوه فحال الزيارة ، القضايا لي خاصو ايوقف فيهم نيت هما القضايا الكبار لي تقدر تفركع فيهم البلاد على قدها فحال القضية لي داخل فيها هاد السيد لي معلقو ! أما فحال هادشي ديال التهريب بالنسبة ليه مايستاهلش التخمام ، غير فرقة ديال البوليس قادية غراض، و كونما كان خاصو ايرجعهم للمكسيك بايديه موحال واش كان أصلا ايتحرك من بلاصتو..!

البوليسي بقا واقف شحال شوية حتى كيبانليه أيوب شير للسيد لي معاه و فالبلاصة هز سطل ديال الما كبو على هداك لي معلق و رجع ركب ليه اللوحات ، باش ايعاود ايهز الجهاز و ايعاود ايورك عليه بقوة أكثر من اللول ، الما مع الصعقات الكهربائية لي كيضربوه بالجهد خلاوه ايتنفض من بلاصتو و ايغوت بقوة لدرجة البوليسي لي واقف برا وسع عينيه على الجهد ، الد م هرب من وجهو و فالبلاصة مشا كيجري هارب من هاد المنظر و من البلاصة كاملة..!!

#يتبع..🔥
حطيت ليكم كثر من عشرة ديال الأجزاء..التتمة مور أرائكم حبوباتي القصة دخلات فالعظام ديال أحداثها و الأكشن بدا❤️🔥