"لامـوريــنـــــــــــا🇲🇽🇲🇦"
"𝓛𝓪 𝓶𝓸𝓻𝓮𝓷𝓪🇲🇦🇲🇽"
٠ بقلم : ميرا 💆🏻♀️
٠ الجزء : 11
قطعات معاه و رجعات مركزة قدامها ، و ماهي إلا ساعة حتى كانت وصلات قدام وحد الكوخ صغير وسط الجرادي و الشجر ، زيرات على صاك بين ايديها و هبطات كدور فعينيها حتى لمحاتو فالجردة واقف حدا الباربيكيو كيقلب فالشوا و فنفس الوقت كيضحك مع البنت لي معاه ، حتى كيسمع صوتها من اللور ، و غير من نبرتها الخاصة قدر ايعرفها شكون..
"خوصي"
دور عينيه جيهتها حتى لمحها واقفة بنفس تعابيرها الباردة لي ولف عليهم و عاد مازاد ضحك..
خوصي : راازيا ! أموور ميا !
راضية (علات فيه حاجبها) : دوز ندويو..
خوصي : ههههه وخا..(غمز البنت لي معاه)..مي كورازون خلينا وحد شوية بوحدنا نسالي و نجي عندك وخا ؟
تسنات حتى دخلات البنت عاد جلسات و حطات الصاك فوق الطبلة..
راضية : جلس
خوصي (كينش على الأكل) : بلااتي ناكلو الشوا بعدا
ماجاوباتوش و حتى هو من سكاتها فهمها و ماخفاتش عليه..حط دكشي و جلس قبالتها..
خوصي : وخا ألالة بلا شوا علينا أراي ماعندك..جبتي ليا السلعة ؟
شيرات ليه بعينيها لصاك خلات شوفتو توساع فرمشة عين ، هز كتافو و تقاد فجلستو...
خوصي : مااعليكش !
و يالاه حنحن و مد ايديه باش ايجر الصاك و هي تسبقو حيداتو ليه بالخف..
راضية : عرفتي شنو كاين هنا ؟
خوصي (عاطي اهتمامو كولو ليها) : كنسمعك !
حلات ليه الصاك قدامو و حتى هو مازادش تعطل ، مد صبعو الصغير غطسو وسط وحد الخنشة و عاود خشاه فمو كيدوق و كيزيد ايوسع شوفتو..
خوصي : نقي ! منين ضبرتي عليه ؟!
راضية (تنهدات كتماسي فعينيها متجاهلة السؤال) : جبتو ليك حيت نتا لول لي طلبتي عليه
خوصي (ضحك كيشوفيها و ايعاود ايشوف فالصاك) : هههه الله أوودي..و قولي ليا (عاود حنحن)..بشحال هاد الخير ؟"
تكات على الكرسي جامعة ايديها حتى هي مازادتش عطلاتاو..
راضية : عشرة دالمليون بيزو..
خوصي (وجهو تزير) : وايلي أرازيا هدا هو ثمن المعرفة !
راضية (عاقدات حواجبها) : خوصي..ماغانقص والو
خوصي : ولكن..
راضية (قاطعاتو) : عطيني كلمة وحدة ولا طلقني..مازال تابعني بنادم كيرغب على هاد السلعة !
خوصي : ماخليتي ليا ما نقول ..(وقف كيحك فلحيتو)..صبري
راضية : عارف خدمتي كيدايرا..الفلوس كاش..نشدهم فايدي..(ضربات بايديها فوق طبلة) و مبروك عليك !
دوز الاتصال فتيليفونو و بعد كيدوي و هي متبعة معاه..دقائق حتى كانت نفسها ديك البنت خرجات و مدات ليه فاليز صغيرة فالكحل..خداها من عندها و عاود رجع لعند راضية حطها ليها فوق الطبلة..
خوصي : هاهوما فلوسك واجدين..(حلها قدامها)..كونما كنتي عزيزة و عارف خدمتك كيدايرة مانزعمش معاك"
تبسمات بسخرية كتشوف فالفاليز كيف كتبري مع الشمس..
راضية : حتى دبا مازال الحال..ماتزعمش معايا
خوصي (حس براسو غيهجرو و هو ايقلبها ضحك) :
ههههه وايلي حتى نتي خضرة كتر مني فالضحك..على حنا نلقاو فحالك ؟
دوزات ايديها على الفلوس رجعات سدات عليهم مزيان عاد هزاتها فايديها و تحركات كتشير ليه..
راضية : بصحتكم
خوصي : (صفر عليها) هييه !
دورات راسها لعندو ، لقاتو كيشير ليها لجهة فمها بصبعو..
خوصي :كيبانليا كليتي العصا هاد المرة ؟
حركات ليه راسها بالايجاب ، عرفاتو قشع الضربة لي جنب فمها و غمزاتو بالخف..
راضية : كيبانليا عند الحق هاد المرة !
و عاودات دورات وجهها مكملة فطريقها..مخلياه موراها كيضحك و ايعاود بصوت عالي..
خوصي : رازية..العز بيك و صافي ههه
أنت تقرأ
LA MORENA🇲🇦🔞لامورينــــــــا🇲🇽🔞
Acción"هي" مطالبة من طرف العدالة..و "هو" المطالب بها🔥❗️ لعشاق #الأكشن🔥#التشويق..#الحماس..#الصراع..#تهريب_المخدرات🚬..و المزيد في رواية "لامورينــــا🇲🇦🇲🇽"
