"لامـوريــنـــــــــــا🇲🇽🇲🇦"
"𝓛𝓪 𝓶𝓸𝓻𝓮𝓷𝓪🇲🇦🇲🇽"٠ بقلم : ميرا 💆🏻♀️
٠ الجزء : 21"عند سكينة.."
كانت جالسة فوق النموسية و حانية راسها كتشوف فتيليفون ، لابسة طريكو طويل مغطي ليها النص فركابيها و وجهها شاحب و الكحل سايح من عينيها ، حداها قرعة دالشراب و طبسيل شفاف فوق منو الغبرة ، غير من عينيها تعرفها ماشي هي هاديك ، شحال و هي حاضية تيليفونها فاللخر لاحتو و خشات ايديها فراسها ، أنفاسها بداو كيتصارعو و الدموع نزلو كيجريو ، عيات تصبر فاللخر زيرات على فمها و بدات كتبكي بجنون و تزيد تزير على راسها..
سكينة : مابقاش كيعيط..مابقاش كيسول فيا..مابقا عندي حد..كلشي مشا..(كتزيد تجهد فبكاها) كلشي
-فهاد الوقت كانت "راضية" جالسة حاطة صبعها جنب فمها و ساهية قدامها ، ماناعساش ليلة كاملة عينيها حمرين بالعيا وخا هكاك الدماغ شغالة مش بتنام ، تنهدات و مدات ايديها جهة قرعة دالمى ، و مع هزاتها مع بانت ليها "كورة ديال الصوفة" ، شربات بالخف و هزاتها كدورها بين ايديها و تحقق فيها و تعاود ، حتى علات صوتها..
راضية : صبااااح
صباح : (من بيتها) سيي ؟
راضية : أجي
وقفات من بلاصتها و خرجات عندها فالبلاصة كترمش فيها بعينيها ، و راضية غير حسات بيها جات كملات هدرتها متبتة عينيها على ديك صوفة..
راضية : منين شريتي هادي ؟
عقدات حواجبها كتحاول تفكر شوية ومات براسها..
صباح : من عند مول صو صوفة لي قبالتنا..لي عندو معمل
راضية : عندو معمل كينسجو فيه صوفة ؟ (صباح حركات ليها راسها بالإيجاب)أنا جايا..لاجاك الجوع سخني الماكلة"
فالبلاصة زيرات على صوفة فايديها و وقفات خارجة ، صباح مسكينة وخا مافهمات والو إلا أنها ماحاولاتش تسولها ، طبعها بعيد على شي حاجة سميتها الفضول خصوصا فالحوايج لي كيتعلقو براضية ، حيت الجانب الآخر من حياة الشريفة ختها ، لحد هاد ساعة مازال مكتعرف عليه والو !
اكتفات أنها تومي ليها براسها و تنطق بكل هدوء..
صباح : وخا..
أنت تقرأ
LA MORENA🇲🇦🔞لامورينــــــــا🇲🇽🔞
Action"هي" مطالبة من طرف العدالة..و "هو" المطالب بها🔥❗️ لعشاق #الأكشن🔥#التشويق..#الحماس..#الصراع..#تهريب_المخدرات🚬..و المزيد في رواية "لامورينــــا🇲🇦🇲🇽"