"لامـوريــنـــــــــــا🇲🇽🇲🇦"
"𝓛𝓪 𝓶𝓸𝓻𝓮𝓷𝓪🇲🇦🇲🇽"
٠ بقلم : ميرا 💆🏻♀️
٠ الجزء : 20
صباح قفزات كتشوفيه ، بلعات ريقها و حركات ليه راسها بالزربة..
صباح : و وخا..
غير نطقات بجاوبها و هي طير من حداه ، خلاتو كيستوعب شوية بالشوية باش فاللخر ايوسع تبسيمتو و ايتنهد فرحان بهاد الحوار الصغير لي دار بيناتهم..
أما صباح فضرباتها بجرية وحدة حتى لعند راضية لي كانت كتشوف فأليكس و حتى هو كيشوف جيهتها حاضي ختها لي وقفات حداها كتفرك فأيديها بتوتر..
صباح : خ ختي..
راضية (دورات فيها عينيها ) : بيخير ؟ (مدات ليها الكاسك) طلعي
صباح خداتو من عندها بفرحة ، كتموت على الدراجات النارية و بالأخص ديال راضية ، هاد الأخيرة لي رجعات كتشوفيه و حتى أليكس انتابه لشوفاتها و بقا غير كيرمش فيها ، حركات ليه راسها بهدوء و حطات صباعها بجوج حدا عينيها بمعنى "حضي معايا" ، الحركة لي خلاتو ايتخربق ! مافهم والو ولا غير كيتسائل مع راسو شكون هاد السيدة و شنو علاقتها بصباح ؟ عقلو حبس و للحظة بقا حاضيهم بشوفاتو حتى ركبو بجوج و انطالقو عاد ساط بالجهد حاط ايديه مور عنقو..
أليكس : شكون هاديك؟ علاش كدير فيا دوك الشوفات..شنو زعما تكون بيناتهم شي حاجة ؟ (عقد حواجبو) زعما تكون حبيبتها ؟!
أنت تقرأ
LA MORENA🇲🇦🔞لامورينــــــــا🇲🇽🔞
Action"هي" مطالبة من طرف العدالة..و "هو" المطالب بها🔥❗️ لعشاق #الأكشن🔥#التشويق..#الحماس..#الصراع..#تهريب_المخدرات🚬..و المزيد في رواية "لامورينــــا🇲🇦🇲🇽"
