"لامـوريــنـــــــــــا🇲🇽🇲🇦"
"𝓛𝓪 𝓶𝓸𝓻𝓮𝓷𝓪🇲🇦🇲🇽"
٠ بقلم : ميرا 💆🏻♀️
٠ الجزء : 9
_من بعد نهار طويل و عريض داز بكاع الجهد لي فيه ، شرقات الشمس و طلع النهار ، السما صفات و الحال بدا ايسخن ، بارد الكتاف راه فين موسد المخاد و سارح عجولو ، و حار النفس خدام على راسو و نافع ناسو..!
فوحد من الدروبة ديال "أكابولكو" ، المدينة الكحلة و أخطر قنت فالميكسيك ! مدينة مسرجة من العنق حتى العنق و ولادها كلهم حافضين وراقيهم ، هنا كاين كلشي ، و كلشي ساخط و طاغي و معاادي مع القانون ، ماكاين غير الضرب و الجرح و حتى القسمة مع لي تعدا ، مدينة مكيزعمش عليها الواحد ، لدرجة حتى من البوليس عمرك تلقاهم خاطوين الخطوة فدروبتها.. !
وسط درب "فاركاص" ، درب معروف و شعبي بامتياز بناسو و أجوائو المكسيكية ، الولاد الصغار كيلعبو بيناتهم و العيالات حالين بيبانهم و خايدين فشغالاهم ، الشابات خارجين بملابس فاضحة ماكاين غير تزيار و التقزاب و أغلبيتهم عايشين فديور الذعارة لي موجودين و بالكترة فالدرب و الشباب شادين القنيتة و كل كيضبر على راسو ، كارو .جوج طريفات ، جوج كيفيفات ، النيبرو و هاهو دار طبلة صغيرة ! أما لي كيكونسومي حكاية أخرى ، خاربينها بالمضى و القباحة ، ايقدرو ايكونو فحال بزاف ولكن هاد القوم بالضبط لي معشش هنا زاييدين عشرة فالدوز..
فوحدة من وسط هاد الديور ، دار بابها محلقين ليه ماليه على الحالة و مظهرها الخارجي مابيهش مقارنة مع الديور لاخرين ، كانت ناعسة بهدوء مغمضة عينيها حتى حلاتهم مع الفيقة لولة حمريين بالجهد ، لاحت الغطا لجهة الثانية و وقفات متاجهة للباب لوراني ديال لاطيراس الصغيرة لي عامرة محابق ، حلاتو بالجهد حتى تردخ و تما قدرات توضاح ليها الصورة و صوت الغوات لي كان قوي بين جيرانهم ، الدار على الدار و الحيط ملاصق مع الحيط ، الغوات كيتسمع فحالا جالسين حدا راسها ولا هوما بغاو ايحشمو ، كلمة ليا كلمة ليك و مع كيدويو "بالاسبانية" مزروبة و بالجهد كملو الباهية..!
_"مببدلني بخااااااانزززة..أدووووي"
_"كااااياااطي لااا بووطا بووكا ! قلنا ليك راها صحبتي ! "
يالاه غترجع تشبط فيه بالغوات حتى كتلمحها من التحت واقفة و عينيها مظلمين بالحمورية ، و على هي حشمات ؟ أبدا ! عاودات دارت ايديها على جنبها و زادت غوتات..
_"شفتي..شفتي أرازيا أش دااير فيا ؟ بور كيان ؟ بور اونا بوطا !"
_"هييييه ! راه غنصرفق قحـ بة مك قدامها !! "
راضية : (غوتات حتى صقلو بجوج) واااااااايييه ! (هزات صبعها بتحذير) لي عند ديييييلمو شي قلـ وة ايريكليها لداااخل..تبريييت مننكم ديييك المرة..المررة جاايا أقسسسم بااالله حتى نقوودو السواايع !!
_"رااه ماشي انااا راه ه.."
_"(شدها من شعرها مدخلها) زييييدي قداامي..زييييدي اييينعل ديييلمها حياااة مع جنسك ! "
خنزرات قدامها مغزفة و رجعات دخلات ، كسرو فيها النعاس و خسروها على الصباح ، تنهدات كتماسي بين عينيها ، بطبعها دمها بارد ، مكتعصبش دغيا ، مكتحملش تعصب و ماعندهاش مع لي كيعصبها ! ماعندهاش مع فحال هاد الفيقات حيت كتعرف بلي النهار غيدوز ناقص مغتلقى ماتلبق ليه و هدشي بوحدو ، كيمرضها ..
سدات الروبيني و هزات عينيها فالمراية كتشوف فراسها ، كانت جامعة شعرها الأسود لفوق و لابسة غير بيل كحل مبين لحمها لي معلم من كاع الجوايه ، تقدر تلقا "ضربة" فدراعها كيفما تقدر تلقا وشمة فايديها ، أولا نقولو "وشمات" فلحمها ، تقدر تلقا "سيكاطريكس" فكتفها كيفما تقدر تلقا "جرحة" جنب عنقها ، و الواعرة هي الا جيتي تحسبهم عمرك غتسالي !
صغرات عينيها كتحقق فوجهها عاد نزلات شوفتها لفمها المجروح لي كرمات فيه الجرحة و زراقت ، أساسا كان زراق بكثرة الدخان لي كدخلو لريتها و دبا زادت كملات عليه..
تبسمات باستهزاء و شافت فالوشمة لي فصبعها عاد قلبات الدورة خارجة من الحمام ، رغم كاع هدشي ، رغم أنها مبدلة ، مفشكلة ، خاسرة ! إلا أن هدشي ماخفاش زين حروفها ، حروفها الحارين لي مع الدقة لولة تعرفهم "عربيّن"..
دخلات لكوزينة خمسة دقايق و خرجات هازة كاصرونة فيها الما كيغلي مع فورشيط و كاس دالقهوة فايديها ، نيشان لاطيراس لي كانت ضايرا بالمحيبقات و فيها جلسة صغيرة ، جلسات فالكرسي ، جبدات كارو شداتو ففمها عاد جبدات بريكة و شعلاتو ، نترات منو نترة طويلة حتى عمرات صدرها مزياان عاد عاودات خرجات الدخان و تبعاتو نيشان بجغمة من قهوتها ، شافت فالماء الطايب لي جابت معاها و عاودات شعلات بريكتها كتسخن الفورشيط بالعافية ،حتى سخنات و عرات على لونها الحمر عاد هزاتها ناوية تحطها على الوشمة حتى كتلمحها جايا ، مبتاسمة وحد التبسيمة حلوة و من وجهها تعرفها يالاه فايقة ، زربات فخطاويها باش توصل للجردة و غير وصلات تحنات عندها معنقاها بكل جهدها..
راضية : (بعدات الكارو لجنب و حطات الفورشيط) صَبَاحْ..؟
#يتبع..
❌❌حبابي زيرو معايا السمطة❗️❌ شخصيات جداد مهيمين بزاااف غيبانو !! و غدا غيكون #أهم حدث..الحدث لي غيقلب القصة رأس على عقب غيهرب ليكم الفريخ معاه🔥بغيت نشوف #أرائكم و #تحاليلكم باش نعرفكم واش شادين معايا🤌🏻بونوي😘❤️🔥
أنت تقرأ
LA MORENA🇲🇦🔞لامورينــــــــا🇲🇽🔞
Acción"هي" مطالبة من طرف العدالة..و "هو" المطالب بها🔥❗️ لعشاق #الأكشن🔥#التشويق..#الحماس..#الصراع..#تهريب_المخدرات🚬..و المزيد في رواية "لامورينــــا🇲🇦🇲🇽"
