"لامـوريــنـــــــــــا🇲🇽🇲🇦"
"𝓛𝓪 𝓶𝓸𝓻𝓮𝓷𝓪🇲🇦🇲🇽"
٠ بقلم : ميرا 💆🏻♀️
٠ الجزء : 47
مباشرة دخلات أميمة موسعة تبسيمتها ، عينيها مبوقين بالنعاس و شعرها شاد الريزو الفوق..
أميمة : بويناس دياس
صباح (بادلاتها و الابتسامة و قربات عندها عنقاتها) : بويناس دياس..فيقتك ؟
أميمة (حركات راسها بالنفي كتحك فعينيها) :
لا أنا لي فقت باش نوجد ليك الفطور و نرجع نعس..
رمشات فيها كتفكر ليلة البارح و نطقات باستفسار..
صباح : معاش دخ دخلتي البارح ؟
حطات ايديها على فمها كتفوه و تفكر معاش دخلات..
أميمة : ايمكن الخمسة !
تنهدات كتشوفيها ، وخا دوي هدرتها مابقا عندها فاش تنفع البنت راسها قاصح الكلام كيدخل ليها من ودن و كيخرج ليها من ودن ، شوية دورات أميمة راسها و هي تلمح سلة ديال التصبين فالجنب و شيرات ليها..
أميمة : هبطيهم دوزهم الخدامة ملي تجي
علات حواجبها حركات راسها برفض من هاد الكلام..
صباح : نو نو حشو حشومة..مايمكنش نخلي وحدة تص تصبن ليا حوايجي
وسعات شوفتها باستغراب ماعارفاش علاش كتفكر بهاد الطريقة..
أميمة : علاش ؟ شنو حشومة فهدشي ؟
صباح : حشومة ! عمرك تعطي لناس ايصبنو ل ليك حوايجك خاص نتي لي تص تصبنيهم
زادت وسعاتهم فيها و ضحكات بدهشة مصدومة من كلامها..
أميمة : أنا ؟؟ هههه نووو ميمكنش نصبن..نتي ماعارفاش ربيعة اش كدير ليا باش نشقا..نسيق و نصبن..ولكن أنا..
علات راسها الفوق كتشوف فايديها البيضين كيف مصبوغين و مقادين من دكشي ، عاد دورات عينيها جبهتها غمزاتها بالخف..
"أنا خلاقيت باش ايخدمو عليا ماشي باش نخدم عليهم..!"
أنت تقرأ
LA MORENA🇲🇦🔞لامورينــــــــا🇲🇽🔞
Hành động"هي" مطالبة من طرف العدالة..و "هو" المطالب بها🔥❗️ لعشاق #الأكشن🔥#التشويق..#الحماس..#الصراع..#تهريب_المخدرات🚬..و المزيد في رواية "لامورينــــا🇲🇦🇲🇽"
