لامـوريــنـــــــــــا🇲🇽🇲🇦"
"𝓛𝓪 𝓶𝓸𝓻𝓮𝓷𝓪🇲🇦🇲🇽"٠ بقلم : ميرا 💆🏻♀️
٠ الجزء : 5شافت فيه بالخف قبل ماتنهد و ترجع تشوف قدامها فصمت ، حتى اللسان باش غتدوي ثقال عليها ، رجعات كسيرات عوتاني على الجهد و فنفس الوقت خدامة كتجبد فباكية "دالكارو"..
راضية : بريكة ؟
مهدي : (كيحل فالصاك مركز معاه) والو !
لاحت الباكية و عاودات تنهدات مركزة مع الطريق ، و مهدي حداها عاقد حواجبو و كيدوي..
مهدي : بابابا على سلعة !
كيجبد فدوك الساشيات الصغار و ايحقق فيهم..
مهدي : لفينطانيل ؟
راضية : "لفينطانيل".."الهيروين الأفغاني".."لإي أس دي"..كلشي كاين
مهدي : و هربتي ليهم ؟
حنحنات بسبب بحة صوتها قبل ماترجع تكمل كلامها..
راضية : أش بانليك
حرك راسو لجنب ، أبدا واش تعجب..
مهدي : كي ديما..
زيرات على ايديها و قلبات الدورة ، خلاتو كيشوف فدراعها كيف مازال لي كينزف..
مهدي : فين الطوموبيل ؟
وقفات الطوموبيل فبلاصة مظللة ، سطاسيونات ، حلات الباب و جاوباتو بوحد الهدوء غريب فحالا ماشي هي لي كانت مقمرة بحياتها قبيلا..
راضية : مشات !
هبطات مصغرة عينيها فالفيلا لي قدامها ، فيلا بمنظر زوين و نقي من الشوفة لولة تعرفها ساوية الخيخ دالفلوس ، دورات عينيها لقات مهدي حتى هو هبط ، شدات فجنبها بألم عاد تحركات لداخل و مع بغات تدخل مع لقات جوج دالرجال حدا الباب ، بجوج بيهم مبودرين ، سمرين ، مخسرين ، القاصح فالوجه و الصح فالكتاف الكوسطو حدا خوه..!
تخطاتهم و دخلات داخل هاد الفيلا لي كانت قادرة تعجبك من الشوفة لولة بسبب ألوانها الفاتحة لي زادو برزو مع أشعة الشمس الخفيفة ، و مع الديكور و الأثاث كولهم عبارة عن قطع أثرية المكان ولا أشبه بمتحف ، دخلات لصالون و علات عينيها قدامها كتشوفيهم ، حتى وقفات و ركزات بشوفتها عليه هو بالضبط لي غير لمحها جايا وقف و ضحك بالجهد حال ليها ايديه..
"راضيية..بنتي العزيزة ! "
❌#أرائكم..فنظركم شكون زعما ايكون مهدي و هدا لي كيقوليها "بنتي"👌🏻💣
أنت تقرأ
LA MORENA🇲🇦🔞لامورينــــــــا🇲🇽🔞
Action"هي" مطالبة من طرف العدالة..و "هو" المطالب بها🔥❗️ لعشاق #الأكشن🔥#التشويق..#الحماس..#الصراع..#تهريب_المخدرات🚬..و المزيد في رواية "لامورينــــا🇲🇦🇲🇽"