"لامـوريــنـــــــــــا🇲🇽🇲🇦"
"𝓛𝓪 𝓶𝓸𝓻𝓮𝓷𝓪🇲🇦🇲🇽"٠ بقلم : ميرا 💆🏻♀️
٠ الجزء : 25_"عند راضية.."
طفات الكارو فالطفاية و وقفات ناوية تدخل للكوزينة ، حتى حبسات فبلاصتها مصغرة عينيها ، و قربات بالشوية كطل على جيرانها لي كانو مضاربين داك النهار ، كان جارها هاز رويضة كبيرة ديال كاميو كيفش فيها و ايسب فمرتو لي على ما كيبان هي لي خسراتها ليه ، لكن هدشي كامل ماكانش هامها ، و ماكانتش مركزة معاه ، كثر ما كانت مركزة مع "الرويضة"..
فالبلاصة ضورات راسها عاضة على حنكها من الداخل كتخمم ، حتى طاحت عليها الفكرة "المايسترو" ، شكون قال جيرانها لي ديما فارعين ليها مخها غيفيدوها بشي حاجة.. ؟
بقات هكا حتى سمعات تيليفون كيصوني و جاوبات فالبلاصة على الخط..
راضية : مهدي
مهدي : وي راضية كيدايرا ؟
راضية : كيداير نتا..
مهدي : الحمدالله
راضية : قوليا ايمتى غتجيب ليا السلعة
مهدي : اليوم مع الجوج دليل كيف قلنا
راضية : مزيان
مهدي : كيدايرا صباح ؟
راضية : بيخير
مهدي : كاينا معاك دبا
راضية : لا
مهدي : غتمشي تجيبيها
راضية (صغرات عينيها و عقلها غايب مع تخمامها) :
كتقول بلي الورشة قريبة..بغات تجي بوحدها..مهدي ؟مهدي : وي..
راضية : كاميو كونطونور شحال فيه من رويضة
مهدي : عشرة
وسعات شوفتها كتضرب الحساب ، و هو معاها فالتيليفون كيحاول ايفهم..
راضية : وجد ليا الروايض كاملين فهاد اليومين..
من هدرتها عرف بلي كتوجد لشي حاجة مهمة خاصهم ليها جلسة مفصلة ديال الشرح ، تفاهمو
و قطعو الخط بقات واقفة شادة التيليفون كضربو مع ايديها و دخلات تقضي شغالها.._"فالزنقة و بالضبط فراس الدرب.."
ظلام الليل هو سيد المكان فهاد الوقت ، مكيبان غير الضو ديال الديور لي سادين بيبانهم و كل وحد مركن فعشتو ، مع الدورة ديال الدرب كانت جايا صباح هازا الصاكادو و كترمش قدامها راجعة لدارهم ، حتى لوحد اللحظة ماعرفات فيها لا كيفاش لا ايمتى تجرات من ايديها بالجهد و تردخات مع الحيط ، قلبها برد عليها و الدم تجمد فعروقها ، حتى من ريقها ماقدراتش تسرطو ولات غير كتنهج مخرجة عينيها بكثرة الخوف كتحس بقلبها غيطيح ، و مع علات عينيها مع كيبان ليها وحد عينيه حمرين و فمو عاطية منو ريحة الحشيش مجهدة كيشوفيها كيف كترجف بين ايديه و كيزيد إيكاليها مع الحيط..
"هيرموسا.."
قرب من شعرها كيشم فيه بجنون حتى بدا فمها كترعد و بدات كتبكي بين ايديه..
"شديتك ولا لا..(كيدوز بصبعانو على ذراعها بشهوة)..امم؟"
❌صباح مسكينة🥹
أنت تقرأ
LA MORENA🇲🇦🔞لامورينــــــــا🇲🇽🔞
حركة (أكشن)"هي" مطالبة من طرف العدالة..و "هو" المطالب بها🔥❗️ لعشاق #الأكشن🔥#التشويق..#الحماس..#الصراع..#تهريب_المخدرات🚬..و المزيد في رواية "لامورينــــا🇲🇦🇲🇽"