"لامـوريــنـــــــــــا🇲🇽🇲🇦"
"𝓛𝓪 𝓶𝓸𝓻𝓮𝓷𝓪🇲🇦🇲🇽"
٠ بقلم : ميرا 💆🏻♀️
٠ الجزء : 6
سميتها خرجات مطولة من فمو بوحد الحماس فشكل ، غير من اللمعة ديال عينيه تعرف بلي كاين شي حاجة مور هاد الحماس كامل ، زادت قربات و لاحت صاك ليه فوق طابلة..
راضية : أمانتك أمِتْوَلي..
منين ديك الخصيلة ؟ من ديك الشجيرة ! و هاد المرة الشجيرة كانت هي "متولي"..الراجل لي دا و جاب فالزمان و وخا هكاك مازال شاد فراسو و ماباغيش ايتهد قدام الدنيا ، دوز على راسو لي عامر شيب و هز الصاك بين ايديه ضاحك حتى لضراس..
متولي: ماعندي مايتسالك
مهدي (دخل كيشوف فيهم) السلام عليكم !
فالصالون ماكانش غير متولي بوحدو ، بل كانو حتى جوج دالناس أخرين ، "سكينة" ، البنت لي منهم و فيهم ، بنت غير من حروفها تعرفها مازال صغيرة ، زوينة و مسرارة بحروف فاتحين ضاربة كوب كاغسون لشعرها جاياها مواتية مع الدورة ديال وجهها ، كانت تابتة حتى سمعات صوتو ، صوتو لي خلاها دور وجهها فالبلاصة بوحد التبسيمة معناها بوحدو ، حداها "خالد" لي كان مفرق عليهم رجليه و طالق عروقو ، جلستو تعطيك خبارو ، حرش و حاس بجنابو ، تابت ولكن مطور ، الزين العربي و اسمر اللون..!
خالد : (وقف عنقو عناق رجالي) خوادري..كييف راك
مهدي (كيضرب ليه على كتافو) مخايّر أخوو الله ايحفظك (دور راسو جهتها معلي حاجبو) نتي والو ماتسلميش ؟
سكينة (وسعات تبسيمتها و وقفات عنقاتو بالجهد) نسلم علاش لي مانسلمش غير هو..
قربات من ودنيه و نطقات بهمس خفيف خلاتو ايتبورش بالسيف عليه..
"سلامنا حنا كيكون بوحدو..ولا لا؟"
كلهم و بدون استثناء كانو كيدويو "بالعربية" ، باللغة الأم ، الهدرة القاصحة و النطق المسرح لي مكيعرفو ليه غا ماليه ، و "متولي" حداهم كيقلب فالسلعة و الرضى مع بزاف ديال الراحة باينين فعينيه ، قدامو راضية كتشوفيه بهدوء ، حتى دخلات عليهم كتمختر فمشيتها و تمصغ فالمساكي ، بيضة و مزعرة حروفها بالصبايغ ، هازة صاكها الحمر و جايا كتمايل بقميصها لي بارز قوامها الممتلئ و ضاحكة ليهم من الضرسة حتى لضرسة..
" هاااني جييت..(جمعات الضحكة و طرطقات عينيها) واااا هياااا ميييمتي !! مااال اييديك ؟؟"
كلهم ضارو كيشوفوها فين كتشوف ، لقاوها حاطة الشوفة على ايد راضية لي جامعاها بين لفوطوي لدرجة حتى وحد ماشافها ، غير هو هاد السيدة عندهم قشاعة كتعرف النملة و أش هازة ! حداها سكينة لي غير شافتها خسرات سيفتها مبورشة من المنظر..
سكينة : شنو وقع ليك ؟
خالد : (قرب منها) ربيعة جيبي دوا
راضية : (جبدات كارو و وقفات) غير ريح أخالد..(دورات عينيها)..ماكاين والو أربيعة
هزات ايديها لي عامرة دهوبات كتشالي بيها الفوق..
ربيعة: شنوو ؟ ماكاين والو ؟؟ نتي مسطية نوو ؟! أراي ايديك خلينا نقيوها ليك..
طبطبات ليها على ايديها بلاما تجاوبها ، من هاد الحركة فهمات بلي وخا ايديرو لي دارو مغتبغيش تخليهم ايداويوها ليها ، مالقات مادير من غير أنها تشوف فخالد لي أشار ليها باش تسكت بلاما تزيد تدوي ، و تجلس حدا متولي مكونة ، خلاتهم حتى سكتو عاد رجعات نطقات كتشوف فمتولي..
راضية : السلعة كاملة
متولي حتى سد الصاك و سالا عاد قدر انتابه لايدها ، معذور و هو السلعة حولاتو و طيرات ليه العقل.. !
متولي : سيري داوي ايديك السلعة كاملة
مدات ايديها كتماسي فجبهتها ماحاملاهمش كلهم ايعاودو نفس الحاجة و ايحكرو عليها ، اتجاهلات كلامو اللخر و كملات هدرتها..
راضية : مزيان..غنديها لخوصي غدا..(هزات الصاك و قلبات طريق خارجة)..خليتكم على خير
متولي : بلاااتي ! (كلهم شافو فيه) ديها ليه غدا فصباح.. فالعشية بغيتك فموضوع مهم..(ضور عينيه فيهم)..بغيتكم كاملين
راضية : كنسمعك أمتولي (علات حاجبها) أش كاين .. ؟
رمش فيها كيحنحن و ايلعب بايديه بتوتر ، كيهز عينيه فراضية كيلقاها حاضية معاه و ايزيد ايتوتر ، فاللخر عاود حنحن و نطق..
متولي : لي كاين هو..
#يتبع..🔥
أنت تقرأ
LA MORENA🇲🇦🔞لامورينــــــــا🇲🇽🔞
Aksiyon"هي" مطالبة من طرف العدالة..و "هو" المطالب بها🔥❗️ لعشاق #الأكشن🔥#التشويق..#الحماس..#الصراع..#تهريب_المخدرات🚬..و المزيد في رواية "لامورينــــا🇲🇦🇲🇽"
