"لامـوريــنـــــــــــا🇲🇽🇲🇦"
"𝓛𝓪 𝓶𝓸𝓻𝓮𝓷𝓪🇲🇦🇲🇽"
٠ بقلم : ميرا 💆🏻♀️
٠ الجزء : 3
بلع ريقو كيحاول ايفهمو بالعقل ، كيحس بالريق هرب ليه بالخلعة..
البوليسي : راه الجرف هداك أخيفي واش غتمشي تمو ت ؟؟ غتقـ تل راسها ؟!
ميخائيل : مشيتو مع الطريق لاخرى ؟ مشيييييتو معاااها ؟؟؟ (مسح على وجهو غيتسطى) غادي بجماعة المكلخين (زاد غوت) ..مكلخيييين ديييلمكم قدااامكم وووحدة لاعباها صعيبة و نتوما غادييين للساهلة..أش غنقووليكم ؟؟ (شد على صدرو لي حس بيه تزير)..يييلعن أصل ممممكم !!
و قطع معاهم قبل مايجاوبوه ، مع الشاف حتى وحد ماعندو الحق ايدوي و لي دوى ماهو فخير ، فالبلاصة ضارو للطريق الثانية مكسيريين على جهدهم طوموبيل مور طوموبيل و كلشي مسلح ! و غير ضارو مع الدورة و هي تبناليهم "السيارة السوداء" قربات لحافة الجرف..
زادو كسيراو حتى قربو ليها تما فين جبدو السلاح ، قبل ماكانوش قادرين ايتيريو فيها حيث كانت بعيدة و بلعاني كتزيكزاكي ليهم ، ولكن دبا ملي تقادو معاها مابقا عندهم مناش ايخافو ، فيكساوها مزيان ، وحد ، جوج ، ثلاثة ، و تسمعات الدقة لولة !
بداو كيتيريو فالروايض باغيين ايتقلو ليها سرعتها باش ايشدوها بالخف ، كانت عندهم مهارة خطيرة فالإصابات ، القرطاس كامل جا غير فالروايض ، بغاوها "حية" كيف وصاهم ميخائيل لي جايينو الأوامر من الفوق و بالضبط من عند "الانتربول" ، لكن للمرة الألف غيلقاو راسهم راجعين لنفس النقطة ، و للمرة الألف غيلقاو راسهم مبلوكيين و حسابهم كولو مفصل و مضروب فالزيرو .. !
ماجاو فين ايلحقو عليها حتى كانت "السيارة السوداء" تلاحت من الجرف ، فراناو كاملين دقة وحدة و هبطو كيجريو جيهتها ، فديك اللحظة بالضبط ميخائيل وصل للفينال ، ولا غير كيجري شاد على راسو ماعارفش واش بصح فايق ولا غير مرفوع ماقادرش ايستوعب ، واش لاحت راسها ولا جاب ليه الله ؟؟ واش بصح لاحت راسها من وسط الطوموبيل ؟؟! مازال يالاه وقفو حدا الجرف ، حتى كيلقاو راسهم راجعين لور بالسيف عليهم ملي شافو السيارة لتحت تفركعات بقوة لدرجة خلات الما ايطاير و ايتراش فكل مكان !
و ما هي إلا دقائق معدودة حتى كانت تفرتكات كاملة دقة وحدة ، قطعة بقطعة ، حديدة بحديدة ، حتى تذمرات بمرة..!
#يتبع..🔥
أنت تقرأ
LA MORENA🇲🇦🔞لامورينــــــــا🇲🇽🔞
Aksiyon"هي" مطالبة من طرف العدالة..و "هو" المطالب بها🔥❗️ لعشاق #الأكشن🔥#التشويق..#الحماس..#الصراع..#تهريب_المخدرات🚬..و المزيد في رواية "لامورينــــا🇲🇦🇲🇽"
