"قولي ليا.."علات فيه عينيها و نطقات مبتاسمة..
"نعام ؟ "
_"شنو كتعرفي على القدوة.. ؟"
سدات عينيها و عاودات حلاتهم فيه محافظة على ابتاسمتها ، عاد رجعات نطقات بهدوء..
"قدوة ؟ علاش هاد السؤال ؟"
تبسم مخرج لسانو جنب فمو ، و رجع نطق كيفليها بشوفاتو..
"وحدة فحالك..ماغتكونش ربات هاد المناعة غير هكاك ..!"
عض على شفايفو مصغر عينيه فيها..
"منين جبتي هاد الكاراكطير..شكون علمك ؟ "
ضرب بصباعو فالكاس مركز معاها..
"هي ؟"
ميل فيها راسو و رجع نطق..
"هو ؟"
قابلاتو بابتاسمة جانبية ، و حطات ايديها على الطبلة مشابكاهم..
"هي.."
زفرات بهدوء معلية حاجبها..
"هي لي علماتني نولي و نكون..علماتني كيفاش نتربا و نربي..هي لي عمر شي وحدة فحالها ماغاتعاود.."
_"هي ؟ شكون هي..؟ "
_"هي..قصتها طويلة ! "
_"مزيان ، هاد المرة نتي عارفة و أنا عارف ، بلي ماغايسالي هاد الكاس حتى تكوني عاودتيها ليا .."
و رجع كيضور الكاس فاديه مخليها هازة عينيها الفوق ، كتفكر شحال من مرة سولها نفس السؤال و عمرها عطاتو راس الخيط ، ولكن اليوم ، اليوم بصح ولات كتحس بلي محتاجة تعاود تفكر هاد القصة ، كتحس بلي بصح مستاعدة تعاود ليه هاديك "القصة" لي كلشي بدا منها..
جبد كارو شعلو..و رجع راسو لور مغمض عينيه..
"كنسمعك.."
تنهدات مطولة ، عاد شافت الفوق و طلقات لسانها..
"كلشي بدا قبل عشرين عام هادي..."
"لامـوريــنـــــــــــــــــا🇲🇽🇲🇦"
"𝓛𝓪 𝓶𝓸𝓻𝓮𝓷𝓪🇲🇦🇲🇽"•ايلا كتسولوني على "التقديم"..غنقوليكم مرحبا بيكم حتى نتوما ترجعو معانا لقبل عشرين عام هادي 💆🏻♀️ و ايلا كنتو كتقلبو على "الحب"..على "الغرام"..على "الراحة" و "الألوان الزهرية"..كنبغي نقوليكم بلي ماشي هادي هي المحطة لي خاصكم توقفو فيها 👌🏻 هنا مغتلقاوش أحداث كتراعي لمشاعر الجنس اللطيف لي هما حنا أكيد ! مغتلقاوش "جوج دالناس" و "شميعة" الوسط ايخليوكم غارقين معاهم فليالي الأنس..ولكن فالمقابل غتلقاو "لافييسطا🔥"..غتلقاو بلي سافرتو لبلد "لانيغرا🇲🇽"..غتلقاو راسكم وسط "الصداع.."الحيحة".."العافية".."الأكشن".."القرطاس"..والأهم..غتلقاوها "هي"..غتلقاو "لامورينـــــــا🇲🇦🇲🇽" كتسناكم..!
"سالوه😉🥂.."
أنت تقرأ
LA MORENA🇲🇦🔞لامورينــــــــا🇲🇽🔞
حركة (أكشن)"هي" مطالبة من طرف العدالة..و "هو" المطالب بها🔥❗️ لعشاق #الأكشن🔥#التشويق..#الحماس..#الصراع..#تهريب_المخدرات🚬..و المزيد في رواية "لامورينــــا🇲🇦🇲🇽"