"لامـوريــنـــــــــــا🇲🇽🇲🇦"
"𝓛𝓪 𝓶𝓸𝓻𝓮𝓷𝓪🇲🇦🇲🇽"٠ بقلم : ميرا 💆🏻♀️
٠ الجزء : 46_"فالميكسيك.."
كان خالد عاقد حواجبو و مركز و متولي واقف عند راسو كيمسح على جبهتو و مرة مرة كيطل على الساعة..
متولي : الستة دصباح هادي دازو ولا باقي ؟
ماجاوبوش دقائق و هو خدام كيشوف و ايتأكد ، و فنفس الوقت كيدوي مع السيد فالتيليفون ، فلوس صحيحة محطوطة على ود هاد القطعة و كلشي خدام معاهم ، حتى ريحو خالد بكلامو..
خالد : دازو..
_"فهاد الوقت فالطوموبيل.."
كان مهدي رجع ديمارا كيشوف فالكاميو موراهم قاطع بكل هدوء ، تبسم بالجنب راضي على الأوضاع لي واقفة فصفهم..
مهدي : خطوة وحدة..و غدا مع راس العام نكونو فالمغرب
راضية (حركات ليه راسها بالايجاب كتحيد فالحزام) :
و هاديك الخطوة هي لي عليها داير الفيلم كامل..(شيرات ليه باش ايوقف و حلات الباب)..خرج أجي بلاصتي..أنا لي غنصوك هاد ليلةكان بصح وصل لقمة العيا ، ضهرو و رجليه تقسمو عليه و هدشي لاحظاتو ، بكثرت ماعيا ماحاولش ايعارضها فالبلاصة هبط عاقد حواجبو تبادلو البلايص و رجع راسو لور مغمض عينيه حتى كيسمع فراضية كديماري..
راضية : خاص نبقاو خدامين لابغينا نوصلو غدا
تنهد كيخمم فهاد الفيلم لي تلاحو ليه حتى بدات عينيه كديه ، مدة و الصمت سايد فالطوموبيل سكينة سرحات العجول ساعات هادي و مهدي مغمض عينيه بهدوء ، بقات غير راضية لي مكسيرية فديك الطريق الخاوية حتى تفكرات صباح ، عرفاتها غتكون فايقة على ود القراية و فالبلاصة هزات التيليفون مدوزة لابيل..
_"فالميكسيك.."
حلات عويناتها الفاتحين كترمش قدامها ، ثواني و ناضت كتكسل فوق النموسية و يالاه نوات توقف حتى سمعات الصونيط ديال تيليفونها ، فالبلاصة وسعات عينيها و جاوبات..
صباح : راازييية !
راضية (قادات التيليفون فايديها و نطقات بالدارجة كيف مولفة معاها) : فقتي
صباح وقفات من بلاصتها بفرحة كضحك و تبتاسم فحالا كتشوفها..
صباح : اه ..توحشتك بزاف..قريبة تر ترجعي ؟
راضية : يامات قليلة و نرجع..مرتاحة نتي بعدا
صباح : مرتاحة ب بزاف
راضية : و القراية
شافت فالساعة و رجعات شافت فحوايجها كتحك فراسها بحيرة..
صباح : خاصني نوض دبا نل نلبس..
راضية : سيري..فالعشية نعاود نعيط ليك
صباح : طي طيكيرو موشو "كنبغيك بزاف"
على إثر هاد الجملة لي كانت خارجة من فمها بكل صدق و حب و برائة ظهرات تبسيمة خفيفة جنب شفايفها و قاطعات معاها عاد رجعات مركزة مع الطريق ، أما فالجهة الثانية عند صباح ، فوقفات جمعات فراشها ، حلات الشرجم دالبيت باش تخرج ريحة النعاس و دخلات للحمام قدات حاجتها و خدات دوش صباحي عاد خرجات لاوية عليها فوطة ، حطات حوايجها فالسلة ديال التصبين حتى تجي و تصبنهم بايديها و حلات البلاكار لي كانو فيه حويجاتها مستفين على حقهم و طريقهم جبدات منهم دكشي لي غتلبس و رجعات سداتو ، كيف مولفة ديما النقا و توايل ، لبسات حويجاتها و نشفات شعرها مشطاتو و خلاتو مطلوق على ضهرها ، لبسات مونطوها و يالاه بغات تخرج و هي تسمع الباب تحل..
أنت تقرأ
LA MORENA🇲🇦🔞لامورينــــــــا🇲🇽🔞
Action"هي" مطالبة من طرف العدالة..و "هو" المطالب بها🔥❗️ لعشاق #الأكشن🔥#التشويق..#الحماس..#الصراع..#تهريب_المخدرات🚬..و المزيد في رواية "لامورينــــا🇲🇦🇲🇽"