"لامـوريــنـــــــــــا🇲🇽🇲🇦"
"𝓛𝓪 𝓶𝓸𝓻𝓮𝓷𝓪🇲🇦🇲🇽"
٠ بقلم : ميرا 💆🏻♀️
٠ الجزء : 14
جمع ايديه و وقف خارج فحالو و عاقد حواجبو مخليها موراه غتسطا ، مبلوكية و مصدومة مكترمش قدامها ، دورات راسها جهة متولي كترمقو بعينين حمرين ، باكيين و شوفاتهم كلهم لوم ، و يالاه حل فمو باش ايدوي معاها حتى كيلقاها وقفات و خرجات تابعاهم..
بدات كتمشا بالزربة و شادة راسها بزز باش مايخواواش بها رجليها ، مسحات وجهها بنترة حتى حمرات و غوتات بكل جهدها..
سكينة : ماااااااااهدددددي !!
كان يالاه وصل عند راضية و خالد لبرا ، سميتو لي خرجات على شكل صرخة قوية من فمها خلاتو إيضور وجهو نص دورة جيهتها ، هي لي جات بالزربة و جراتو بالجهد من الكول كتحرك راسها بالنفي بهستيريا..
سكينة : هداا ماانسوا عندكم ؟؟ هدا مانسوا عندك ؟؟! غتخليني أمهدي ؟؟ (غوتات بالجهد عند وجهو حتى حمارت جبهتها) صاااافي غتخليييييني ؟؟!
زاد عقد حواجبو و حيد ليها ايديها بهدوء و بنبرة صارمة نطق..
مهدي : و نتي غتخليهم..غتخلي الناس لي كبرتي معاهم !!
ماحسش حتى لقا راسو مخنزر فيها ، بالنسبة ليه هما عائلة ، و العائلة مقدسة ممنوع ايتخلاو عليها !
أكيد رفضها للتضحية على ود العائلة خلاه ايتعصب، علاش غتخاف و هو معاها ؟ فين عمر تقاصت منها الشعرة فحضورو ؟ ماعرفش بلي هدشي صعيب تقبلو سكينة خاصة مورا مواصلات لهاد الحالة و تضغطات بهاد الطريقة ، راضية ضورات مزيان هدرتها فراسها ، من رفضها ، للخوف لي سكنها ، و دبا ، للحالة الهستيرية لي وصلات ليها ، عاد قربات جهتهم و وقفات قبالتها..
راضية : سكينة..
هزات فيها عينيها بلاما دوي غير صوت شهقاتها لي مسموع ، و راضية زادت قربات منها حتى مابقا كيفصلهم والو عاد تنهدات عند وجهها..
راضية : عارفة بلي ملي كتكون الخدمة..كلشي كيخاصو ايكون..
هدرتها غير مازادت على ما بيها و خلاتها تعاند و فالمقابل تورك بكلامها حتى هي عند وجهها..
سكينة : ماغنمشييش كتسمعي..مااغااداش أراضيية..ماغااداش
تبسمات وحد التبسيمة غامضة كتشوفها كيف شادة فهدرتها ، قبل ماتجمع ديك التبسيمة بالخف و تضربها بردخة بوحد الغفلة مع الحيط خلات خالد ايوسع شوفتو و مهدي ايجري باش ايشد سكينة بالزربة قبل ماطيح فالأرض و ايغوت مزيير على سنانو..
مهدي : رااااضيييية!!
راضية (اتجاهلاتو و وخا كانت بين ايديه عاودات قربات منها) : ماحدك معايا..داخلة فخدمتي..مشاركاني فحياتي..لي كنقولها ليك هي لي تكون..نقولك سيري سيري نقوليك موتي موتي..(حطات جبهتها على حنكها كتنهد)..سكينة..فلوسي ميمكنش ايضيعو على ودك..كتفهمي ؟ ميمكنش !
مهدي رجع جر سكينة موراه و زاد خنزر فراضية ، عارف بلي مافيها ثقة ، و عارف بلي ميمكنش ايخليها قريبة ليها ، حيت سكينة دخلات فوحد الحالة لي ولات غير جيب يا فم و قول ، و بديك الهدرة غدفع راضية تعاود ديك الردخة على خمسة المرات !
مهدي : مااتمرضييش دييلمي
نبرتو كانت قاصحة و حادة ، ولكن مادوراتش وجهها لجهتو و ماشافتش ، شحال و هي حاطة جبهتها على حنك سكينة كتسمع فأنفاسها لي تسارعو ، قلبها لي بدأ كيتهز و ايتحط وسط صدرها و الرجفة لي زادت جهدات فجسمها ، و ماراحماهاش ! غير مكتزيد تورك عليها و كتزيد تأكد ليها بلي يا بزز يا بالخاطر غتمشي ، و بلي أبدا واش كانت كضحك فاش خرجات جملة "فلوسي مغيضيعوش على ودك" ، طبطبات ليها على حنكها بالشوية و قلبات الدورة غاديا فحالها ، خلاتها مزيرة على دراع مهدي و كلها كترعد ، هو لي دور فيها راسو و نطق معصب..
مهدي : هدرة وحدة تقالت
وحد الوجع غير عادي تسلط عليها تحت كرشها ، و بكثرة ما تجمع عليها كلشي دقة وحدة ماحساتش براسها حتى كانت دفعاتو بالجهد و وقفات كتغوت و تبكي..
سكينة : بعد منييي..بعدوووو منييي كاااامليييين....تفررررقو عليياااا..خلييييوني فحااالي..ايييحرق أصل مهااا الحياااة لي جمعااااتنا
لاحت ليه هدرتها و مشات شادة فكرشها و مبعدة لداخل خلاتو متبعها بعينين شاعلين ، غيتفركع و غير كيزير على ايديه ، و يالاه نوا ايتبعها ايوريها الهدرة كيدايرا حتى شدو خالد من كتافو..
خالد : ساعةُ الله أمهدي ! غيرها راك عارفها كيدايرا..حتى تبرد القضية و دويو"
زير على راسو حتى زير فاللخر ضرب وحد الفاز برجليه حتى تلاح من الفوق و تشخشخ فالارض ، خرجو داك الغضب كامل فراسو و زاد متاجه لطوموبيلتو ، بقا خالد غير كيشوفيه و فهاد الحالة لي وصل ليها ،بقا حاشيه حتى كسيرا و مشا و فاللخر هز النفس حتى هزها عاد طلقها كيشوف فالسما و ايفكر فهدشي لي واقع و لي غيزيد ايوقع..!
❌❌عمركم تلاقيتو بشي وحد قادر ايصفيها ليك ايلا تعكستي معاه و وقفتي فطريقو ؟ لا ؟ إذن مازال ماتلاقيتو مع راضية👌🏻😂
أنت تقرأ
LA MORENA🇲🇦🔞لامورينــــــــا🇲🇽🔞
Action"هي" مطالبة من طرف العدالة..و "هو" المطالب بها🔥❗️ لعشاق #الأكشن🔥#التشويق..#الحماس..#الصراع..#تهريب_المخدرات🚬..و المزيد في رواية "لامورينــــا🇲🇦🇲🇽"
