"لامـوريــنـــــــــــا🇲🇽🇲🇦"
"𝓛𝓪 𝓶𝓸𝓻𝓮𝓷𝓪🇲🇦🇲🇽"٠ بقلم : ميرا 💆🏻♀️
٠ الجزء : 39لداخل كانت أميمة واقفة كتسنا فيها بفارغ الصبر ، حتى غوتات بفرحة ملي بانت ليها جايا جارة فاليزتها..
أميمة : صبااااااااااح..!
صباح فالبلاصة طلقات ماكسي لي طار كيجري فرحان و مشات هي عندها ضاحكة و زربانة حتى عنقاتها..
أميمة (كتنقز بالفرحة) : توحشتك..توحشتك..توحشتك
بادلاتها العناق كتضحك ، عندها عزيزة كثر من القياس..
صباح : حتى أنا ههه..
ربيعة : (هابطة مع الدروج) شوف شوف شكون جا عندنا ، لالات البنات العزيزة صباح
صباح فصلات العناق ، شدات لربيعة فايديها و عنقاتها مخشية فيها..
صباح : تِيّا ، توحشتكم ب بزااف
ربيعة : (جراتها لصالون) الكلام المتول و معامن جا يالالة ، أجي جلسي حدايا راني توحشتك
أميمة جلسات حداها من الجنب الثاني و رجعات عنقاتها فرحانة بيها..
أميمة : ماتصوريش شحال طلبتهم باش ايجيبوك عندي..هاد السيمانة ماكاين غير النشاااط
ربيعة : (هزات فيها حاجبها) مشا خويا جا جاري هي هادي ديالك ؟ والله لاكانت و لاكاانت ليك
أميمة وقفات كترجع فشعرها طويل لور و كتعبر بايديها..
أميمة : هاديني الله و الحمدالله ! على فكرة..كاينا وحد البارتي فهاد اليومين لي بغا ايمشي معايا مرحبا
ختماتها ليهم بغمزة و طلعات كتصفر لبيتها خلات صباح غير كتحرك راسها بلا حول على هاد البنت لي من نهار عقلات عليها مابغت تبدل ولا تحيد منها هاد الفيس و ربيعة حداها مفقوصة ، كتشير بصبعها فالسما و الذهب لي فايدها كولو كيتحرك معاها..
ربيعة : باالله لاكانت ليييها..والله لاعاودات خرجات على ظهري"
ضربات ايد فوق ايد و راسها لصباح مطرطقة عينيها..
"وا هانتي شهدي على الحالة لي معيشاني فيها..فينما ايغبر خوها تطغى..تاكل ليا دماغي و تزيد تخليني واحلة..لامشا حتى ساق خوها الخباار ايينحرها و ايتبعني ليها (عضات على لسانها بخوف على إتر هاد الفكرة و ضربات بايديها فوق طبلة)
شكييكو !صباح سكتات لثواني ، مجرد التفكير فأن مهدي ايسيق ليها الخبار كيخلعها ، شدات لربيعة فايديها و نطقات كطمنها..
صباح : تِيّا بورفافور ما ماتخلعيش (تنهدات) ايكون خ خير..
❌هاد لالة أميمة مازال غتشوفو معاها العجب المتعجب😂👌🏻🔥
أنت تقرأ
LA MORENA🇲🇦🔞لامورينــــــــا🇲🇽🔞
Aksiyon"هي" مطالبة من طرف العدالة..و "هو" المطالب بها🔥❗️ لعشاق #الأكشن🔥#التشويق..#الحماس..#الصراع..#تهريب_المخدرات🚬..و المزيد في رواية "لامورينــــا🇲🇦🇲🇽"