"لامـوريــنـــــــــــا🇲🇽🇲🇦"
"𝓛𝓪 𝓶𝓸𝓻𝓮𝓷𝓪🇲🇦🇲🇽"
٠ بقلم : ميرا 💆🏻♀️
٠ الجزء : 30
فالمجموع دخلو ربعة ديال الكرارس عامرين و حطوهم حدا ألات النسيج لي كانو طافيين ، مهدي بدا كيضرب على الخناشي مفتاخر بهاد الكمية الهائلة لي هازين معاهم ، و راضية وقفات قبالت الألات هازة ايديها و كتسمي فالله..
راضية : بسم الله
السيد خدم الألات حتى بداو كيدورو و اينسجو بطريقة سريعة و هي متبعة معاهم بعينيها..
"مهدي"
دور راسو و شافيها بمعنى أش تما ، قربات خطوة و مدات ليه ايديها..
"عطيني خنشة"
مدها ليها و قرب حداها باش ايشوف اش غتصنع ، حلاتها قدام عينيه بالشوية حتى بان "الكوكايين" هكاك نقي كيشعل ، قربات من الألة و بدات كترش فيه شوية بالشوية ، كلما كترش كلما الغبرة كتخلط مع النسيج و مكتبقاش تبان لدرجة مهدي بقا مصدوم بالجهد ، دقائق قليلة حتى كانت كملات ديك الخنشة و وقفات كتسنى فديك الكرة ديال الصوفة تكمل فالنسيج ، و فعلا على الفور كملات و تدورات بخيط خفيف مكيبانش ، تقدمات جيهتها و هزاتها فايديها كتشوفيها بتحقيق ، ساستها و عاودات بالجهد باش تشوف واش الغبرة كطيح ، و هنا عرفات بلي خطتها نجحات ! الغبرة مكطيحش
و مالاصقاش فايديها الشئ لي كيعني أنها شادة ، شافت فمهدي بعينين كيلمعو و رجعات كتشوف فالصوفة..
راضية : قرب تشوف
كان صامت ، منباهر من أش كيشوف و مركز مع كلامها..
راضية : الغبرة مكطيحش..ولكن الا حيدنا هدا و بقينا كنسوسو..(جرات داك الخيط الخفيف قدام عينيه حتى طاح فالارض) غيطيح نص كيلو كامل !
بدات كتسوس فديك الكورة مرارا و تكرارا دقائق عاد بدات الغبرة كطيح فوق الخشبة حتى تساست كلها ، حتى من السيد كان مخرج عينيه من أش كيشوف حيث هاد الخطة بالضبط باش طيح ليك فالبال خاص ايكون "هارب ليك"..و باش تصدق ليك خاصك تكون "راضية"..!
تنهدات مغمضة عينيها براحة ، كانت كتحس بوحد الإحساس فشكل مورا هاد الإنجاز ، تكات على الألة و ضرباتو جوج ضربات بايديها حتى قفز..
راضية : هدا سميتو الفن..عاود معايا أشريكي
كان مازال حال عينيه و موسعهم ، رمش كيحك فراسو و نطق بصدمة مازال مامتيق عينيه..
السيد : الفن..!
❌توقعاتكم🔥هاهو الكوكايين لقاو ليه بلانو 💡
أنت تقرأ
LA MORENA🇲🇦🔞لامورينــــــــا🇲🇽🔞
Acción"هي" مطالبة من طرف العدالة..و "هو" المطالب بها🔥❗️ لعشاق #الأكشن🔥#التشويق..#الحماس..#الصراع..#تهريب_المخدرات🚬..و المزيد في رواية "لامورينــــا🇲🇦🇲🇽"
