LA MORENA🇲🇦🔞لامورينــــــــا🇲🇽🔞

24

"لامـوريــنـــــــــــا🇲🇽🇲🇦"
"𝓛𝓪 𝓶𝓸𝓻𝓮𝓷𝓪🇲🇦🇲🇽"

٠ بقلم : ميرا 💆🏻‍♀️
٠ الجزء : 24

"الخوف" كلمة عميقة بزاف رغم بساطتها ، الكلمة لي أي وحد فينا عرفها فحياتو ، كاين لي غلبو خوفو ، و كاين لي هو غلب عليه ، و كاين لي ماباغي لا يغلب لا ايتغلب ، باغي غير ايهرب..!"

صباح اليوم الموالي ، "فالكافيطيريا" دالكلية كان يالاه داخل خاشي ايدو فجيبو و كيقلب بعينيه عليها ، حتى بانتليه جالسة و هازة فايديها قهوتها ، تبسم بالجنب و مشا حتى هو خدا قهوتو الصباحية عاد توجه لعندها..

أليكس : صباح

حرف الحاء كان كيخرج ليه غا بزز بسبب لكنتو الغربية و سميتها لي خرجات من فمو خلاتها دغيا تلفت عندو كترمش فيه بعويناتها ، رجع شعرو لور
و جلس قبالتها..

أليكس : بويناس دياس..

حناكها توردو بالحشمة و دغيا حنات عينيها ماموالفاش تجلس مع شي وحد و أكثر من ذلك تدوي معاه ، بزز باش نطقات بنبرة شبه مسموعة..

صباح : ب بويناس دياس..

تقاد فالجلسة كيقول فخاطرو أخيرا جا النهار لي غيقدرو ايتعارفو فيه و مد ليها ايديه..

أليكس : أليكس غوثيريز..عشرين عام و كنقرا فالسنة الثالثة

سكتات شوية كتشوف فايديه لي ممدودة ، فاللخر عضات على شفايفها و سلمات عليه بالزربة فأقل من ثانية جمعات ايديها عندها..

صباح : أ أنا مُتوكل صباح..عن عندي ثمنطاش العام و و كنقرا ف فالسنة ا الأولى..

عاود نطق سميتها و هو كيتمعن فيها ، جاتو فشكل و عجباتو..

صباح : صباح..سمية عربية ياك ؟

صباح : سي

أليكس : هي نتي عربية  !

صباح (حركات ليه راسها بالايجاب و جاوباتو بكل هدوء) : مغربية

أليكس (رشف من قهوتو موسع تبسيمتو) : مارويكوس..أحسن بلد عندي !

ظهرات تبسيمة صغيورة على وجهها ، المغرب فالدم وخا تكون فاللخر ديال الدنيا ، كانت مرتاحة و هي كتسمع ليه كيعاود على بلادها..

"مشيت ليه غير هاد الصيف و ماسخيتش نرجع منو.."

صباح (حكات ايديها بإحراج ماعارفة باش تجاوبو) : أ أنا م من نهار جينا هنا..ماعاودت رجعت ليه

أليكس (عقد حواجبو باستغراب و نطق بتساؤل) :
علاش ؟

صباح : ملي يالاه تزاديت و انا هنا..ج جابتني ختي ملي كانو عندي غير شهور قلال ..ختي عمرها ق قالت ليا علاش م ماكنمشيوش..و ولكن كتدوي ليا على المغرب مرة مرة

أليكس : ختك ؟؟

صباح : اه لي جات د داتني البارح

وسع عينيه فيها على الجهد ، كيحس براسو فحال تصرفق..

أليكس : هادييك ختك ؟  كبر منك ؟؟

ضحكات حتى تغمضو عويناتها ، بمجرد ما كتدوي على ختها كتفرح و تحس بالأمان..

صباح : اه هههه كبر مني بطناش العام هي عندها ثلاثين..جاتك صغ صغيرة ياك هههه

ماعرف ايفرح حيث صدقات ختها ماعرف ايسب راسو على الكلاخ لي طاح عليه البارح  ولا ايتقلق حيث مع الشوفة لولة عرف ختها قاصحة..

أليكس : سي سي عندك الحق..عايشين غير بجوج ؟

صباح (جاوباتو بحزن واضح فصوتها) : غير انا وياها..و والدينيا ماتو ملي كانت عندي سبع شهر..د دبا عندي غير هي

هدرتها خلاتو ايقطب حواجبو بتعاطف ماكانش كيصحابليه بلي الامور غاديا عندها بهاد الشكل..

أليكس سمحي ليا ! كندعي لروحهم تلقى السلام

تنهدات على ذكر هاد الموضوع لي كيشكل نقطة ألم فحياتها و وقفات كتشوف فالساعة..

صباح : سمحليا..كيخصني نمشي عندي ح حصة الرسم فالورشة

أليكس : دبا ؟ مابقا والو و ايظلام الحال تبغي نوصلك ؟

صباح :  نو كراسياس..كنمشي دبا و نخرج مع العشرة دليل..مولفة هكا م مرة فالسيمانة..كي كيعاوني الرسم باش ن نخرج من المرض ديالي..كنرتاح

أليكس : المرض عمرو كان عيب..يكفي تكوني راضية بيه و تعايشي معاه و فاللخر غتغلبي عليه (وقف معاها و مد ليها ايديه) نتلاقاو غدا ؟

صباح (تبسمات و صافحاتو بكل لطف) : نتلاقاو غ غدا

ودعاتو بابتسامة و مشات خارجة من الكافيطيريا ، مايل على الطبلة و متبعها بعينيه ، زادت عجباتو بهدوئها و هدرتها الحلوة و عششات ليه فراسو حتى ولا حالف ايزيد ايتقرب منها باشما كان..

❌شوية بشوية غنتعرفو كاملين على الماضي ديال صباح و راضية بالضبط..توقعاتكم❤️🔥