"لامـوريــنـــــــــــا🇲🇽🇲🇦"
"𝓛𝓪 𝓶𝓸𝓻𝓮𝓷𝓪🇲🇦🇲🇽"٠ بقلم : ميرا 💆🏻♀️
٠ الجزء : 32بقا غا كيشوف قدامو و عقلو غايب مع لي جاي ، و هي حتى كانت غتمشي عاد رجعات تفكرات الهدرة لي مازال ماقالت ليه..
راضية : خاصنا سطوك ديال هاد القراعي..و قوليهم ايوجدو لينا "البنوات" دوز غدا فالعشية غتلقاني كاينا
وقف كيقاد فتجاكيطة و خدا من عندها القرعة الخاوية باش ايجيب منها و ايشري عليها..
مهدي : متولي شرا الطريق و ضمنها..السلعة قربات توجاد..ايوى ايمتى غنتحركو..؟
راضية : نهار الخميس بليل..غنوصلو مور تلتيام
ضرب بصبعو فالقرعة كيحسب ليها ، شوية حتى تبسم بالجنب..
مهدي : نهار الحد..مع راس العام
بادلاتو نفس الابتسامة و حركات ليه راسها بالإيجاب ، فعلا لامشا كلشي كيف يغار ليلة "راس العام" غيوصلو ! و مغيجي فين ايدخل العام الجديد حتى غيكونو مجموعين و كيحتافلو..
_"صباح اليوم التالي.."
كانت مغمضة عينيها و غارقة فنعاسها ، البارح غير مشا مهدي فحالو دخلات لبيتها و طاحت دودة من بعد يومين ديال التعب ، يومين بلا نعاس بلا راحة من المعقول ترتاح دبا ، لكن الحياة ديما كتعطيك رأي أخر..!
حلات عينيها على وسعهم ملي سمعات شي وحد كيردخ فباب الدار ، فالبلاصة ناضت قافزة من بلاصتها و خرجات لصالون ، لقات ختها حتى هي فايقة مضهشرة و مافاهمة والو كثر منها ، حتى شوية بداو كيسمعو الغوات و المعيور على الجهد و مرة مرة الباب كيتردخ حتى كيبغي ايتفرع ، ديك الساعة صباح بدات كتبلع فريقها و تفتف بالخلعة..
صباح : أ أ أش واقع"
من الغوات عرفات القضية فيها إنّ و حتى مول الصوت ماغريبش عليها ، هزات راسها و جاوباتها و هي كتشوف فالباب..
راضية : دخلي لبيتك
فالخارج كان وحد الرجل ، سمر و مبندر وجهو ساخط و كيهلهل حدا الدار حتى كشاكشو كيخرجو ، قدامو جوقة ديال الدراري كيدفعو فيه و هو حرام واش بغا ايتزعزع ولا ايحشم..
"دياغو..فوت عليك هاد الدار"
"دياغو" قرب منو مكشكش و شنق عليه من الكول، وجهو حمر و عروق راسو غيتفركعو ، بدا كيدي و ايجيب فيه و ايغوت..
دياغو : مااغااانتحرررركش لامااخرجاتش قدااامي..رااااازيييييية!!!
غوت بسميتها بأقصى جهدو ، خلا الدرب كامل ايسمعو و حتى هي سمعاتو من الداخل ، بداو الدراري برا كيتشانقو معاه وحد من هنا و وحد من لهيه ، و هو مازال كيغوت و كملها ملي بدا مضارب معاهم..
صباح شهقات حاطة ايديها على فمها و هي كتسمع فديك الحيحة لي نايضة برا ، و من الغوتة لي غوت دياغو بسمية ختها عرفاتها حتى هي داخلة فهاد العذاب ، يالاه دورات راسها جيهتها و هي تلقاها حاطة ايديها على جنبها كتغزز فشفايفها..
راضية : دخلي البيت و سورتيه عليك
صباح : و ولكن..
قاطعاتها ملي جراتها من ايديها دخلاتها للبيت و لاحت عليها الساروت باش تسد على راسها ، ماقدراتش تزيد معاها الهدرة و سداتو بالبكى ، بقات غير هي بوحدها برا ، دورات عينيها جهة باب الدار لقات وحد "البوطة" صغيرة محطوطة موراه ، يالاه جابتها عامرة و وافية ، جمعات شعرها الفوق مخنزرة قدامها وحد التخنزيرة ديال الله ايحضر السلامة ، كانت لابسة غير سروال كارو ديال و ديباردور الفوق كاع الوشام لي فايديها كيبان ، و فالبلاصة تحركات خارجة عندهم..
❌🔥غتشخض ديال بصح🔥🔥#أراااائكم
أنت تقرأ
LA MORENA🇲🇦🔞لامورينــــــــا🇲🇽🔞
Acción"هي" مطالبة من طرف العدالة..و "هو" المطالب بها🔥❗️ لعشاق #الأكشن🔥#التشويق..#الحماس..#الصراع..#تهريب_المخدرات🚬..و المزيد في رواية "لامورينــــا🇲🇦🇲🇽"