"لامـوريــنـــــــــــا🇲🇽🇲🇦"
"𝓛𝓪 𝓶𝓸𝓻𝓮𝓷𝓪🇲🇦🇲🇽"٠ بقلم : ميرا 💆🏻♀️
٠ الجزء : 23السيد (مابقاش قادر ايتحرك كيبغي ايدوي كيلقا فمو تراجل بالخلعة) : بوورفافور خليني بعيد على هدشي..ك كنحلف ليك مانعلم البوليس !
على ذكر اسم "البوليس" ، نزلات راسها كضحك شحال عاد رجعات هزاتو..
راضية كندوي معاك بالعقل..كون حتى نتا بعقلك و خليها خدمة دايزة
حرك راسو بالزربة رافض هاد الفكرة لي ركبات فيه الرعب بطريقة هستيرية..
السيد : مانقدرش..مانقدرش !!
و هنا عرفات بلي الهدرة كتاكل الجهد ، هزات ليه راسو بالجهد باديها حتى كمش عينيه بألم..
راضية : شوف فيا..
ماقدرش ايحل فيها عينيه مازال غير كيحرك راسو بالنفي ، الزكير لي شد معاها خلاها تبدا تحس بالتفوار فالراس و تزيد تزير عليه حتى طرطق عينيه بزز منو..
راضية : شوف فيا القلا وي !!
انفعالها قدام وجهو خلاه ايسد فمو حابس فيه النفس ، بغا غير ايغوت لقا لسانو تدعق و خاف لايصدق مقصر عمرو بايديه ، اما حتى باش ايدافع على راسو الخلعة فشلاتو و هي قدامو مجهدة..
"غتخدم معايا.."
رجعات قابلات ليه وجهو مع وجهها و ومات ليه براسها كتزيد تأكد على كل حرف..
راضية : غتخدم معايا ماشي حيت نتا بغيتي..(شيرات لراسها بصبعها مكملة كلامها)..حيت أنا بغيت
السيد : بووورفا..
راضية (قاطعاتو) : مكنعرفش ندي و نجيب مع بنادم فالهدرة..غتخرج ليا سبعمية كيلو..لاجينا نحطو بكل وحدة نص خنشة غتجي ديك ألفين و صرف غتسدهم ليا بخيط..زويويقات و دكشي راك فاهم
السيد : أ أنا عمري خدمت فالممنوعات
راضية : غناك الله ! مية ألف كلها ديالك..أش قلتي
السيد : أ أ أش نقوليك
سكتات كتشوفيه هو لي زفر بالجهد ، وخا مخلوع و كيقفقف ولكن الفلوس عشا الطمع خصوصا إلا ما كان بإيديك حيلة كتولي تقول اللهم سلاك ولا الهلاك..
اكتفى أنه ايرمش فيها بعينو و ايحرك ليها راسو بالإيجاب ، حركة كانت كافية تخليها ترخف حجبانها لي من صباح و هما معقودين ، كيعجبها ملي كيدخل معاها بنادم نيشان فالغرض..
راضية : بغيتهم فهاد اليومين..غنجيب ليك السلعة غدا مع الجوج
بلع ريقو و عطاها القبول بخفوت لسانو كلاه المش ، و راضية تقادات فالوقفة كتشير ليه لوجهها..
راضية : شوف فوجهي مزيان..
السيد شافيها دغيا كيرمش فصمت ، و هي رجعات نطقات..
"شفتيه"
نطق ب "اه" خفيفة و بوحد الخلعة و خوف كبار كيشوفها شنو غدير ، حتى كتبانليه جبدات "سلاح" من جيبها لوراني بهدوء كتقادو قدام عينيه لي خرجو..
راضية : مزيان..غيكون هدا أخر وجه غتشوفو لاقالك راسك عيط لبوليس
مع لقات عليه هاد الخطاب مع خرجات راجعة فحالها لدار ، خلاتو موراها كيفيبري ، عينيه تلفو و داخو ، زغبو وقف و فمو بياض بالخلعة حياتو كلها و هو خدام فهاد الدرب المشبوه ، شاف العجب المتعجب و عمرو دخل راسو فيه ولا طلب منو شي وحد ايدخل ، عمر شي وحد طاحت عليه هاد الفكرة لي بكثرة ما كتبان معقدة بكثرة ما هي بسيطة و ماكرة ، كان عند بالو بلي الصوفة صالحة ليها غير غبرة وحدة فهاد الدنيا ، حتى تسلطات عليه هي..!
❌❌صافي دبا غندخلو للمشحر ❤️🔥 غتشوفو كيف غتكون الخطة لي هاربة لأبد حدود..و مازال جايين وحد الصدمات غتبقاو غير مطرطقين عينيكم..تحاليلكم أحبابي و توقعاتكم كيهموني😘❤️
أنت تقرأ
LA MORENA🇲🇦🔞لامورينــــــــا🇲🇽🔞
Hành động"هي" مطالبة من طرف العدالة..و "هو" المطالب بها🔥❗️ لعشاق #الأكشن🔥#التشويق..#الحماس..#الصراع..#تهريب_المخدرات🚬..و المزيد في رواية "لامورينــــا🇲🇦🇲🇽"