"لامـوريــنـــــــــــا🇲🇽🇲🇦"
"𝓛𝓪 𝓶𝓸𝓻𝓮𝓷𝓪🇲🇦🇲🇽"٠ بقلم : ميرا 💆🏻♀️
٠ الجزء : 37ربيعة فالبلاصة وقفات فرحانة و طارت توجدو ليهم ، مخلية راضية مازال داوية معاهم..
راضية : خاص نبداو نعمرو..را غدا غنتحركو زعما !
زفرات كتخمم و تهز فرجليها و رجعات شافت فخالد..
راضية : قوليا أخالد..الأمور مضبوطة كلشي خدام
خالد : كلشي مليح..الديوانات مشريين..الباراجات مسرحين..كنتسناوكم غا نتوما..غا هو..(شاف فمهدي و رجع شاف فيها)..كيبانليا غتشميو غير بجوج
حركات راسها بالنفي و هزات صباعها قدامو..
راضية : بثلاثة !
حدا الدروج كانت هي متكية على الحيط و دموعها نازلين شلال ، مع أخر كلمة نطقاتها راضية و لي كانت واضحة و باينة بلي من خلالها كتعني بلي غتمشي معاها يا بزز يا بالخاطر ، حركات راسها بالنفي و شهقات حاطة ايديها على فمها كاتمة صوتها ، فالبلاصة طلعات كتجري للبيت و تلاحت فوق النموسية دافنة راسها رافضة تيق واقعها لي كيشكل الموت البطئ بالنسبة ليها ، كتنخصص و كتحاول تخوي قلبها لي عمرو اخوا ماحدها داخلة معاهم فهاد العالم لي ولا جحيم بالنسبة ليها ، لاجبدتي ليها "راضية" و "خالد" غتعرفهم شحال عزاز عليها ، و لاجبدتي ليها "مهدي" غتعرفها شحال كتبغيه و كتمو ت عليه ، زيرات على الغطا بايديها حتى تكمش كشوف قدامها فنقطة وحدة ، عينيها حابسين فيهم الدموع و شوفاتها ماشي خوت ! حتى هاد الحب الكبير ماقدرش ايصبرها ، ماقدرش ايبدل الفكرة الوحيدة لي فبالها و لي عمرها غتنازل عليها : "ميمكنش تكمل ولا تمشي معاهم وخا تعرف تخرج على راسها و عليهم..!"
#يتبع..🔥
أنت تقرأ
LA MORENA🇲🇦🔞لامورينــــــــا🇲🇽🔞
Acción"هي" مطالبة من طرف العدالة..و "هو" المطالب بها🔥❗️ لعشاق #الأكشن🔥#التشويق..#الحماس..#الصراع..#تهريب_المخدرات🚬..و المزيد في رواية "لامورينــــا🇲🇦🇲🇽"