"لامـوريــنـــــــــــا🇲🇽🇲🇦"
"𝓛𝓪 𝓶𝓸𝓻𝓮𝓷𝓪🇲🇦🇲🇽"
٠ بقلم : ميرا 💆🏻♀️
٠ الجزء : 10
ضحكات فوجهها حتى تغمضو عويناتها العسليين و شعرها البني مطلوق مروراها كديه و تجيبو الرياح ، كانت شابة و زوينة ، زوينة بزاف لدرجة حروفها كيريحو النفوس..
صباح (الهدرة معكلة ففمها كتعافر باش تنطقها مقادة) : ختي..صباح الخير
طفات الكارو و جلساتها حداها كدوز بايديها على شعرها عاد نطقات بالعربية..
راضية : صباح النور..ماقارياش اليوم ؟
صباح (حركات راسها بالنفي كترمش فيها) نوو
راضية : مزيان..أنا خاصني نخرج (وقفات كتقاد فحوايجها و خاطباتها بجدية) بلاما نوصيك..ماتعتبيش برا الدار
صباح : و و خا..(عقدات حواجبها)..رازيا ؟
هزات الفورشيط كتشوفيها كيف مشوطة و رجعات شافت فايديها موسعة عينيها..
صباح : حيدتيييه !
شافت مالها لقاتها كتشوف فالجرحة لي فايدها..
راضية ما كاين والو..نوضي تفطري
صباح : (عينيها غرغرو و فالبلاصة وقفات كتقلب ليها فايديها) حيدتيه
راضية (كتشوفيها كيف حزنات): زلقت البارح..مالنا عوتاني ؟
صباح : ب بصح ؟ ما ماتحيديهمش ؟
راضية : مانحيدتهش غا ريحي..سكوندال على الصباح كنقولك ماتبقايش تبكي !! (مسحات ليها وجهها بايديها و عنقاتها بالجنب) غدا عندك رونديفو مع طبيب
صباح (كدور فعويناتها): ولكن أنا ب بريت ؟
راضية : بريتي..خاصك غا تكملي طريطمون
صباح : نمشيو ل أسوسياسيون ديال التوحد ؟
راضية : نوو..هاد الساعة غنمشيو غير عند طبيب..سيري فطري دبا
صباح : نخرج نسقي الورود و الش الشج..(زفرات و زيرات على عينيها مخرجاها بزز)..الشجرة ديالي مع ماكس
راضية (حركات ليها راسها كتشوفيها) : مزيان أنا غنخرج دبا..ردي البال لراسك
صباح : (وسعات ليها تبسيمتها بلطف) وخا ختي
تبعاتها بعينيها حتى دخلات للكوزينة عاد اتاجهات لبيتها لبسات دجينز أسود مع هودي و كاط فنفس لون ، حلات شعرها الأسود حتى تلاح مور ظهره ، سرحاتو مزيان و خلاتو مطلوق كتشوف كي جات ، خنزرات فراسها و رجعات جمعاتو كودشوفال الفوق على طولتو عاد وقفات طلات على صباح لقاتها كتوجد فطورها ، مبغاتش تعاود ديرونجيها و خرجات نيشان بلا هدرة بلا كلام..
شكون قال صباح تقدر تكون أخت وحدة فحال راضية ؟ فحالا حطيتي وردة منورة مع عشبة حارقة !
الشوفة لولة فالزنقة خلاتها تعقد حواجبها و تحرك خارجة من الدرب ، ماكانتش دوزا عادية ، ماشي أي وحد دايز من الدرب ، راه السبونسورا ديالهم هادي ، لي مزلوط و مقودة عليه كيقصدها دير معاه حل ، السلعة المخيرة كتبيعها ليهم و شحال من طبلة طالعة هنا غا بفضلها هي ، الطريق كلها و هي كتسمع "بويناس دياس رازية" ، "كيطال رازية" ، "سويرطي رازية" ، ماكاينش لي مكيقدرهاش حيت ماكاينش لي ماسرفاتش فيه الخير فهاد الناس ، لي وقف عليها كيلقاها واقفة معاه وقفة صحيحة ، بزاف هما الناس لي دارت فيهم الخير فهاد الدرب ، بزاف لي قدروه و بزاف لي نكروه ، كاين لي عندو عزيزة و كاين لي مامسروطاش ليه و كاين لي ماحاملهاش و باغي غير السبة منين ايدوز ليها ، دير لي درتي مع بنادم عمرو ايتراضى معاك..
كانت واقفة فالشارع حتى بدا التيليفون كيصوني و فالبلاصة جاوبات بعدما قرات السمية..
راضية : مهدي ؟
مهدي : فينك ؟
راضية : بلاتي بقا معايا..(علات عينيها فالشخص لي قدامها)..سوارت موجودين ؟
.."(مدهم ليها) هاهوما أختي"
كمشات ليه فلوس فايديه و شيرات ليه بعينيها..
"بلاما نوصي"
الشخص : (دار ايديه على فمو) أبّاه ! "
مهدي : مالك أش كاين ؟؟
راضية : (ركبات فلوطو) ماكاين والو..خديت غا سوارت
مهدي : ما حالة ما والو..و ايلا بيعو بيك..را النصارا هادو !
راضية : ايلا بيعو بيا..ماغانجبدش سميتك
هز حاجبو كيلعب بالكاس فايديه ، ماغايزيدش ايجبد معاها الهدرة فهاد الموضوع حيت عارف أش غتقول..
"غادا عند خوصي "
راضية : سي..ياكما باغي شي حاجة ؟
مهدي : (تنهد) لا..تهلاي..نتلاقاو فالعشية عند متولي !
أنت تقرأ
LA MORENA🇲🇦🔞لامورينــــــــا🇲🇽🔞
Acción"هي" مطالبة من طرف العدالة..و "هو" المطالب بها🔥❗️ لعشاق #الأكشن🔥#التشويق..#الحماس..#الصراع..#تهريب_المخدرات🚬..و المزيد في رواية "لامورينــــا🇲🇦🇲🇽"
