"နင်တော်သင့်ပြီချမ်းမြှေ့....အဲ့လိုတွေကြပ်ကြပ်လုပ်နေ...စောစောသေနေမယ်သိရဲ့လား"
ချိုကချမ်းမြှေ့သောက်နေတဲ့အရက်ပုလင်းကိုဆွဲလုသည်။ထိုအခါချမ်းမြှေ့က သူ့အိတ်ကပ်ထဲကဆေးလိပ်ဘူးအားထပ်ထုတ်လာသည်။
"စောစောသေတော့လည်းမကောင်းဘူးလားချိုရယ်"
ပြောလည်းပြော ချမ်းမြှေ့ကသူ့မူပိုင်မဲ့ပြုံးလေးကိုပြုံးလာသေးသည်။
"သန်မာတာနဲ့မိုက်ရူးရဲဆန်တာမတူဘူးဟဲ့မတူဘူး...ငါတို့ရဲ့မိုက်ရူးရဲဆန်မှုတွေကြောင့် ဒီထပ်ပိုပြီး ဟိုးအောက်ဆုံးထိကို မနစ်မွန်းချင်တော့ဘူးချမ်းမြှေ့....နင်အဲ့လောက်ထိမိုက်ရူးရဲဆန်မနေစမ်းပါနဲ့ဟာ"
ကဗျာဆန်လွန်းလှတဲ့ 'အချစ်'ဆိုတဲ့စကားလုံးလေးက မာယာလည်းများတတ်သလို ပရိယာယ်လည်းများတတ်သေးသည့်ထောင်ချောက်လှလှလေးနဲ့ဆင်တူသည်။သကြားထင်ပြီးထည့်လိုက်မိတဲ့ဆားတစ်ဇွန်းဟာ အချစ်ဆိုတဲ့စကားလုံးလေးအတိုင်းပါပဲ။ချိုမယ်ထင်ခဲ့ပေမယ့်လက်တွေ့မှာ အချစ်ကသကြားထက် ဆားတွေဖြစ်သွားတတ်သည်။ငန်လွန်းလှတဲ့ထိုအရသာကို ကြိတ်မှိတ်လို့ မြိုချလိုက်ရတာဟာလည်း ကိုယ့်ကိုနာကျင်စေတဲ့လူကိုမှ ကြိတ်ချစ်နေရသလိုမျိုးပေါ့။'ငါကြတော့သကြားနဲ့ဆားကိုမှားထည့်မိတဲ့လူမဟုတ်ဘူးဝေယံ...အစထဲကဆားကိုထည့်မိတဲ့ငါက ငန်မယ်မှန်းသိပါလျက် အချစ်ဆိုတဲ့ပရိယာယ်မာယာနွံလေးထဲ နစ်သထက်နစ်လို့နေတဲ့အချစ်ရူးလေးတစ်ယောက်ပေါ့'
"အခုရောနင်ကဘာလို့အရက်သောက်နေရပြန်တာလဲ...ဒီရက်ပိုင်းတွေနင်သောက်နေတာ ရက်ဆက်ပဲနော်ချမ်းမြှေ့"
"ဝေယံကငါ့ကိုမချစ်တော့ဘူးဟ...သူငါ့အပေါ်ကိုတကယ်ကြီးမချစ်တော့ဘူး"
ခပ်တိုးတိုးထွက်လာသော အသံတို့ကဆေးလိပ်ငွေ့တို့ကြားကပင်။ဇက်ပြုတ်ကျမတတ်မူးနေတဲ့ချမ်းမြှေ့လက်ထဲမှ ဆေးလိပ်အားဆွဲလုလို့ ပြာခွက်ထဲဖိချကာ ငြှိမ်းသတ်လိုက်သည်။
"ဘာလုပ်တာလဲချိုရာ...ပြန်ပေးစမ်းပါ"
"နင်အခုလိုတွေဆက်ပြီး မိုက်ရူးရဲဆန်နေလိုက် ငါပါနင့်ကိုစိတ်ပျက်မိတော့မယ်ချမ်းမြှေ့"
YOU ARE READING
ရမ္မက်နွံထဲဝယ်
Romantizm"အချစ်...ဟက်...အလကားအရေးမပါလိုက်တာ" "အချစ်ဆိုတာ မီးတောက်တစ်ခုထက်မပိုဘူး...အချစ်ဆိုတာရုပ်ရှင်မဆန်ဘူး...အချစ်ဆိုတာ ကဗျာဆန်မနေဘူး....ပြီးတော့အချစ်ဆိုတာ ငါ့အတွက်လည်းမလိုအပ်ဘူး"