သခင့်ရဲ့ကျေးကျွန် [Completed]

1

ဦးစက်နဲ့ရွဲလေးကို အရင်ကnormalဖတ်တဲ့သူတော်တော်များများသိကြမယ်။
အခုကတော့ Wattpadမှာ အမှတ်တရလာသိမ်းထားတဲ့သဘောပါပဲ။
fbမှာကျပြန်ရှာရတာနည်းနည်းခက်လို့။
Bl verအနေနဲ့ဆို EXO Fanfic (ChanHun)အနေနဲ့တင်ထားတာရှိပါတယ်။

*သခင့်ရဲ့ကျေးကျွန်*Part(1)

"ရွဲ" ဘုရားတင်ဖို့အတွက်နှင်းဆီနီနီလေးတွေကို ကတ်ကြေးသေးသေးလေးနဲ့ညှပ်ဖို့အတွက်ပြင်လိုက်သည်။

ပန်းလေးတွေအပင်ပေါ်မှာတင့်တယ်လှပနေတာကို
ရွဲ က ညှပ်ပစ်ဖို့သင့်ရဲ့လား။
သူတို့လေးတွေအလှပျက်သွားလေမလား။

အို အလှမပျက်ပါဘူးလေ။ ရွဲ က
သူတို့လေးတွေကိုဖျက်စီးပစ်တာမှမဟုတ်တာ။
ဘုရားတင်မှာပဲကို။ သူတို့တွေအရင်ကထက်တောင်ပိုပြီးတင့်တယ်မှာပါလေ။

ဒီနှင်းဆီနီနီလေးတွေကိုအပင်ကနေယူပြီး
ဘုရားမှာတင်လိုက်လို့သူတို့ပိုပြီးတင့်တယ်နေသလို
ရွဲ ဘဝလေးလဲအခုထက်ပိုပြီးတင့်တယ်ချင်မိသည်။
ဘုရားဝတ်ပြုတိုင်း ရွဲ ဆုတောင်းတာတစ်ခုပဲရှိသည်။
ရွဲ ဘဝ ပန်းလေးတစ်ပွင့်သာဖြစ်ချင်ပြီး
သာမန်ပန်းတစ်ပွင့်တော့မဟုတ်ဘဲ ဆူးရှိတဲ့ပန်းတစ်ပွင့်သာဖြစ်ချင်သည်။
တစ်ပါးသူကိုဒုက္ခပေးလိုတာကြောင့်မဟုတ်။
ရွဲ ကိုယ့်ကိုကိုယ်ကာကွယ်နိုင်ဖို့အတွက်ဖြစ်သည်။

ဆူးရှိတဲ့နှင်းဆီတစ်ပွင့်ဖြစ်ပါရစေလားကွယ်။

ရွဲကဗျာ ဆိုသည့်သူမလေးကကိုယ့်မျက်စိရှေ့မှာတင်
အပျိုဖြန်းကလေးအရွယ်ရောက်လာခဲ့သည်။
အခုဆိုသူမကလှသွေးကြွယ်နေသည့်ကောင်မလေးပင်ဖြစ်နေသည်။
သူမလေးအသက်ပင် 19နှစ်ရှိနေပြီပဲ။
သူမလေး 9နှစ်အရွယ်လောက်က
စက်ရဲ့အိမ်သို့ခေါ်လာခဲ့တာဖြစ်သည်။

ဒီနေ့ဒီအချိန်ထိဆိုရင်သူမလေးစက်အိမ်ကိုရောက်တာ 10နှစ်တင်းတင်းပင်ပြည့်ခဲ့ပြီ။

စက်က သူမနှင့်ဆို အသက်10နှစ်ကျော်ကွာသည်။
သူမအသက်က19နှစ် စက် ရဲ့အသက်က29ဖြစ်သည်။
မကြာခင်အသက်30ပင်ပြည့်တော့မည်။

စက်ရဲ့မျက်စိရှေ့တွင်ပန်းတွေကိုခူးနေသည့်သူမလေး။
ဒူးသာသာရှိသည့်ဂါဝန်ဖြူဖြူ ဖွေးဖွေးလေးကိုဝတ်ထားပြီး
လည်ဂုတ်ခန့်သာရှိသည့်တိုနံ့နံ့ဆံပင်လေးကိုထိပ်ကစုစည်းထားသေးသည်။
စက် ဝယ်ပေးထားသည်ခြေညှပ်ဖိနပ်အနက်လေးကိုစီးထားသည်။
ပန်းခြင်းလေးကိုင်ပြီးတောင်ဘက်ပြေးလိုက်မြောက်ဘက်ပြေးလိုက်လုပ်နေပုံက ကလေးပေါက်စလေးလိုပင်။