*သခင့်ရဲ့ကျေးကျွန်*Part(25)
စက်ဟိုတယ်ကနေအိမ်ပြန်လာခဲ့တော့
အိမ်မှာရွဲကဗျာရှိမနေ။
"စောနောင်"
"ဗျာသခင်လေး"
"ရွဲကဗျာဘယ်မှာလဲ"
"မမရွဲအိမ်ထဲမှာလေသခင်လေး"
"အိမ်မှာမရှိဘူး သူဘယ်သွားတာလဲ"
"ဗျာ ... မမရွဲဘယ်မှမသွားပါဘူးသခင်လေး"
စောနောင်ကလဲစက်ကိုကြည့်ကာမအူမလည်။
"ဒါဆိုအိမ်ကိုဘယ်သူလာသေးလဲ"
"ဘယ်သူမှမပါဘူးသခင်လေး"
"ဟိုဘက်အိမ်ကကောင်ရောရှိလား"
"ရှိတယ်ထင်တယ်သခင်လေး"
စောင်နောင်ကရှိတယ်ပြောပေမဲ့
တဖက်ခြံတွင်ခေါင်မရှိတာအသေအချာ။
ခေါင်မရှိတဲ့အကြောင်းအရင်းကိုစက်ရိပ်မိထားပြီးသား။
ခေါင်ကသူ့အိမ်မှာမရှိတာရွဲကဗျာနဲ့မဆိုင်တာကိုလဲသိသည်။
သူမကဘယ်သွားတာလဲ။
"စောင်နောင် သွားအိမ်မှာရှိသမျှအခန်းအကုန်လိုက်ရှာ
ရွဲကဗျာရှိလားမရှိလားငါသိချင်တယ်"
"ဟုတ်သခင်လေး"
စက်အိမ်ထဲပြန်ဝင်ခဲ့ပြီးထမင်းစားခန်းဘက်ဝင်ခဲ့သည်။
စားပွဲပေါ်တွင်သူမချက်ပြုတ်ထားတာဘာမှရှိမနေ။
သူမမနက်ကတည်းကအိမ်မှာမရှိတာလား။
"သခင်လေး မမရွဲကိုမတွေ့ဘူး"
စောနောင်ကပြန်ဆင်းလာပြီးပြောသည်။
"မနက်ကစျေးကိုရွဲကဗျာတစ်ယောက်ထဲသွားတာလား"
"ဟုတ်တယ်သခင်လေးကျနော်လိုက်ပို့မယ်ဆိုတာကိုမမရွဲကလက်မခံဘူး
တစ်ယောက်ထဲသွားမယ်ဆိုပြီးထွက်သွားတာ"
"သူနဲ့ဘာသွားတာလဲ"
"ခြေထောက်နဲ့ပါသခင်လေး"
"စောင်နောင် မင်းမိထွေးကခြေထောက်နဲ့မသွားတော့ကင်းမီးကောက်ထောင်သွားရမှာလားငါမေးတာ taxiငှားသွားတာလားမေးတာ"
အရေးထဲဒီကောင်ကတစ်မျိုး။
"taxiနဲ့မဟုတ်လောက်ဘူးသခင်လေး
မနက်ကခြံရှေ့မှာဘယ်taxiမှမဖြတ်ဘူး"
![သခင့်ရဲ့ကျေးကျွန် [Completed]](https://img.wattpad.com/cover/378292238-64-k522210.jpg)