*သခင့်ရဲ့ကျေးကျွန်*
မင်္ဂလာပွဲသည် သတို့သမီးအိပ်ပျော်နေရက်နှင့်ပြီးဆုံးသွားသည်ကိုတော့ ရွဲမသိလိုက်။
ကလောမြို့တွင်နာမည်ကြီးနေသည်မှာ
စနိုးဝှိုက်လေးနှင့် လက်ထပ်လိုက်သည့် The King ဟိုတယ်ပိုင်ရှင် ဟူ၍ဖြစ်သည်။
ဂါဝန်အဖြူလေးနှင့် အိပ်ပျော်နေတဲ အရုပ်မလေးကို ကားပေါ်တင်ပြီး ခါးပတ်ပတ်ပေးလိုက်သည်။
ထို့နောက် စက်ရဲ့ကားလေးသည် အိမ်နှင့်ဝေးရာကို တဖြေးဖြေးထွက်ခွာလာခဲ့သည်။
ယခုအစီအစဉ်သည် ဟန်းနီးမွန်းခရီးစဉ်ဖြစ်သည်။
ညနေစောင်းနေပြီဖြစ်သည်။
မင်္ဂလာမဆောင်ခင်တစ်ရက်က မူးကာအိပ်ပျော်နေသော ရွဲသည် ယနေ့မင်္ဂလာဆောင်ပြီး ဟန်းနီးမွန်းထွက်လာသည်အထိမနိုးသေး။
မြို့ပြင်ရောက်သည်နှင့် ညနေဆည်းဆာနှင့်အတူ လေကတဖြူးဖြူး။
လေနုအေးတွေက ရွဲကိုပိုပြီးအိပ်ပျော်အောင်ချော့မြူ နေသလားထင်ရသည်။
စက်ကတော့ ချစ်ရလွန်းသည့် အိပ်ပုတ်သတို့သမီးလေးကို ငဲ့ကြည့်ကာ ပြုံးနေမိသည်။
ဒီကောင်မလေး တကယ်ပိုင်ဆိုင်ရပြီပဲ။
"အင်း …… ဟင့်……ဝှါး……"
"အိပ်ရေးဝလား အိပ်ပုတ်လေး"
"အား …… ဟင် မေ့နေတာ ဒီနေ့မင်္ဂလာပွဲလေ
မဖြစ်ဘူး အိပ်ယာထနောက်ကျနေပြီ"
မျက်လုံးမပွင့်တပွင့်နှင့် ထင်ရာတွေပြောကာ
လက်ကားယားခြေကားယားဖြစ်နေသည်။
အိပ်ယာကတာတဲ့လေ ခါးပတ်ကြောင့် ထမရမှ မျက်လုံးဖွင့်ကြည့်သည်။
"အင်…… ဒါဘယ်ရောက်နေတာလဲ
ဟင် ဦးစက်"
"မြို့ပြင်ရောက်နေပြီ"
"မြို့ပြင်ဘာလာလုပ်တာလဲ"
"ဟန်းနီးမွန်း ထွက်လာတာ"
"အမ်… မင်္ဂလာပွဲမလုပ်ရသေးဘူးလေ
ဟန်းနီးမွန်းကထွက်ပြီလား"
"မင်္ဂလာပွဲကပြီးပြီလေ အခုကဟန်းနီးမွန်း"
"ပြီးပြီ ဘယ်တုန်းကလဲ ရွဲဘာမှမပြင်ရသေးဘူးလေ ဦးစက်ဘယ်သူနဲ့မင်္ဂလာဆောင်လိုက်တာလဲ"
သူပြောမှ ဒီလူကပဲ တခြားသူနဲ့မင်္ဂလာဆောင်လိုက်သလိုဖြစ်နေသည်။
ဘယ်လိုကောင်မလေးပါလိမ့်။
![သခင့်ရဲ့ကျေးကျွန် [Completed]](https://img.wattpad.com/cover/378292238-64-k522210.jpg)