Your heart is mine ¡! [ចប់]

Part 23 [ គ្រួសារតែមួយ✿ ]

បន្ត>>

(ម៉ោងប្រាំបីព្រឹក)

"ថ្ងៃនេះលោកមិនទៅធ្វើការទេ?" Jungwon ចុះមកដល់ឃើញ Jay អង្គុយតែម្នាក់ឯង នាយក៏សួរនាំបន្តិចទៅកុំឲថាអត់ចិត្តពេក

"អត់ទេ ថ្ងៃនេះបងចង់នាំអូនទៅលេងម៉ាក់ប៉ារបស់បង" Jay រហ័សងើបឈរដើរទៅជិតរាងតូច

"ហ៎!! ពិតមែនឬ? នេះខ្ញុំមិនទាន់បានត្រៀមខ្លួននោះទេ" Jungwon

"មិនបាច់ត្រៀមអីទេ អ្នកម៉ាក់គ្រាន់តែនឹក ចង់ជួបអូនចឹងហើយបងក៏គិតថានាំអូនទៅតែម្ដងទៅនឹងអាលណែនាំឲប៉ាបងស្គាល់ផង" រាងតូចគ្រាន់តែឮថា Jay ចង់ណែនាំខ្លួនឲប៉ាគេស្គាល់ក៏ចាប់ផ្តើមភ័យព្រោះមិនដឹងថាតើប៉ារបស់រាងក្រាសនឹងចូលចិត្តខ្លួនដូចជាអ្នកម៉ាក់ឬអត់!

"តោះឆាប់ទៅៗ" Jay ក៏បានកាន់ដៃរាងតូចដើរចេញសំដៅទៅឡានរបស់ខ្លួន

សភាពក្នុងឡានពេលនេះគឺស្ងប់ស្ងាត់រាងតូច Jungwon អង្គុយធ្មឹងមិនដឹងគិតដល់ណាហើយទេ ឯរាងក្រាសក៏រវល់ផ្តោតអារម្មណ៍លើការបើកបរ តែក៏មិនមែនថាមិនសង្កេតមើលរឹកពាររាងតូចដែរ

"មិនបាច់ភ័យទេ ចាត់ទុកថាគ្រួសារបងក៏ដូចជាគ្រួសារអូន ធ្វើដូចធម្មតាទៅ" Jay យកដៃម្ខាងរបស់ខ្លួនមកកាន់ដៃរាងតូចនឹងអង្អែលខ្នងដៃតិចៗជាការលួងលោមនឹងផ្តល់កម្លាំងចិត្ត

Jungwon ងាកមកមើលមុខ Jay បន្តិចដោយមិននិយាយអ្វីទាំងអស់ តែចិត្តនាយពេលនេះពិតជារំភើបណាស់ នាយមិននឹកស្មានថានឹងបានបុរសល្អដូចជា Jay មកស្រឡាញ់ខ្លួនឡើយព្រោះខ្លួនត្រឹមតែជាក្មេងប្រុសសាមញ្ញធម្មតាម្នាក់ គ្មានបងគ្មានប្អូនគ្មានគ្រួសារត្រឹមត្រូវដូចគេ ដើមកំណើតធំធាត់ឡើងនៅមណ្ឌលកុមារកំព្រា ចំណេះដឹងក៏មិនសូវជាមាន តែហេតុអីក៏ Jay មកមើលឃើញខ្លួនទៅវិញ មនុស្សស្រីស្អាតៗកូនអ្នកមានម៉ាគគោកមេចក៏គេមិនយកភ្នែកមើល!

មិនយូរប៉ុន្មានទាំងពីរនាក់ក៏បានមកដល់ អ្នកស្រី Park ដែលឈរចាំមើលផ្លូវកូនៗទាំងពីរក៏ប្រញាប់រត់មកទទួលជាមួយនឹងអ្នកបម្រើពីរបីនាក់ទៀតផងដែរ

"មកហើយៗ ម៉ាក់នឹកកូនណាស់ Jungwon" គ្រាន់តែនាយតូចចុះពីឡានភ្លាម អ្នកស្រី Park ក៏ប្រញាប់ចូលទៅឱបនាយតូចដោយក្ដីនឹករលឹក