ကျွန်တော်ပျိုးထောင်ခဲ့သောထိပ်သီးHunterလေးများ

Part - 7

<Hunterအစည်းအရုံး (၁)>

Bak Yerimကိုသွားမရှာခင် စွမ်းရည်နိုးထသူအဖြစ်စာရင်းသွင်းဖို့နဲ့ စာချုပ်ဝယ်ဖို့ Hunterအစည်းအရုံးကို အရင်သွားလိုက်တယ်။

ကိုရီးယားHunterအစည်းအရုံး။

အစိုးရကပြဌာန်းတဲ့ စွမ်းရည်နိုးထသူမှတ်ပုံတင်ဌာနအဖြစ်နဲ့ စတင်ခဲ့ပြီးတော့ အကြီးဆုံးဂိုဏ်းသုံးဂိုဏ်းရဲ့အင်အားနဲ့ ပေါင်းစည်းခဲ့ပြီးနောက်မှာ အစည်းအရုံးတစ်ခုဖြစ်လာခဲ့တယ်။ တခြားနိုင်ငံတွေမှာရှိတဲ့အစည်းအရုံးတွေကလည်း ဒီပုံစံအတိုင်းပဲပေါ်ပေါက်လာတာဖြစ်တယ်။ လောလောဆယ်တော့ အစိုးရက 51%သောရှယ်ယာတွေကိုရထားလို့ ၎င်းကအစိုးရပိုင်အေဂျင်စီဖြစ်နေပြီးတော့ ဂိုဏ်းကြီးသုံးခုက 30%နဲ့ ကျန်တဲ့ဂိုဏ်းတွေက 19%ကို ပိုင်ဆိုင်ကြတယ်။ ဒါပေမဲ့နောက်၅နှစ်ကြာပြီးရင်တော့ ဂိုဏ်းတွေရဲ့အင်အားကကြီးထွားလာပြီး များစွာသောရှယ်ယာတွေကို လက်ဝါးကြီးအုပ်သွားလိမ့်မယ်။

အတိအကျပြောရရင်တော့ Haeyeonဂိုဏ်းက အဲ့ရှယ်ယာတွေကိုယူသွားလိမ့်မယ်။

'ငါတွေးလေလေ အချိန်နောက်ပြန်မသွားခင်ကတည်းက အဲ့ကောင်Yoohyunက စိတ်ဖောက်ပြန်နေတယ်လို့ ထင်လေလေပဲ'

အဲ့လိုမျိုး မယုံနိုင်ဖွယ်ရာဂိုဏ်းတစ်ခုရဲ့ ခေါင်းဆောင်က သူ့ရဲ့အသုံးမကျတဲ့Hyungကိုကယ်ဖို့ အသက်ပေးသွားမယ်လို့ တွေးဖို့က...နားမလည်ပေးနိုင်စရာပဲ။

ဒါပေမဲ့လည်း သူ့ကိုကျေးဇူးတင်ရမယ်။ ကျွန်တော်အသက်ရှင်ပြီးတော့ အတိတ်ကိုပြန်ရောက်လာတယ်။ Lအဆင့်စွမ်းရည်ဂုဏ်ပုဒ်နှစ်ခုတောင် အဆစ်ရလိုက်သေးတယ်။ အဲ့တော့ Yoohyun-ieဘယ်လောက်ပဲ ရူးသွပ်စရာတွေလုပ်လုပ် ကျွန်တော်က သည်းညည်းခံရမှာပဲ။ ဘာလို့လဲဆိုတော့ ကျွန်တော်လဲ သည်းခံရုံအပြင် ကျန်တာဘာမှမတတ်နိုင်ဘူးလေ။

ဒီနေ့က စနေတနင်္ဂနွေ ပိတ်ရက်မို့ထင်တယ် Hunterအစည်းအရုံး မှတ်ပုံတင်ဌာနရဲ့ နားနေခန်းမှာ လူတွေပြည့်ကျပ်လျက်ရှိနေတယ်။ စွမ်းရည်နိုးထသူအများစုရဲ့ စွမ်းရည်နဲ့ခွန်အားတွေက Fအဆင့်တွေဖြစ်ပြီးတော့ FFလို့ခေါ်ကြတယ်။ အဲ့လိုလူတွေအတွက်ကျ Hunterအနေနဲ့အလုပ်လုပ်ဖို့မဖြစ်နိုင်တော့ဘူး။ ဒါပေမဲ့လူတွေက မှတ်ပုံတင်ဖို့လာကြတုန်းပဲ။ ဘာလို့လဲဆိုတော့ မှတ်ပုံတင်ဖို့လာကြတဲ့လူတွေကို အစိုးရက ထောက်ပံ့ကြေးငွေတွေပေးတာကြောင့်မို့ပါ။