﷽
بقلمي ياسمينة حـ55
الشيهانة والعاصوف
ممنونة لتعليقاتكم الحلوة حبايبي لاتنسوني بدعمكم
للبارتات القادمة مابقى غير عدد بارتات شارفنا بيه عالنهاية وطلب اتمنى بيه ترجعون للبارتات الاولى تصوتون عليها اكون ممتنة الكم
٠
٠
٠
بلسان حال الاكثم
واعرفه الماخذك رغاب مو جناي
يشريك الصبح والمغرب يبيعك
٠
٠
٠
صابرين...
فزيت الصبح اول ماصفنت لمكانه لگيته فارغ وبارد.... تثاوبت مستوعبه اني الليلة نمت بحضنه مرته وحلاله ياربي
ابتسمت مجمرة خدودي مغطية عيوني خجلانة
متذكرة شصار بينا البارحة
گمت غسلت وطلعت لبست تراك طويل ناوية اعلم نفسي شوية شوية البس تركات گصيفة بس لازم اتعود عليه اول
صليت الصبح قضاء هالمرة ماحسيت غير الصبح كاشف وفاتتني كملت وطلعت ادوره بعيوني شفت الشقة خالية عرفته طالع انحبطت معنوياتي وين راح؟؟
شغلت الشاشة عالقرآن ونورت الشقة كلها ودخلت غرفتي صفيتها ورجعت ملابسي للكنتور رتبتها
بقت غرفته ماكدرت اوصلها واتصرف لمن هو يطلب
مني احسها صعبة انقل ملابسه من ذاتي... بالذات هو عزل نفسه عني من البداية وبرغبته
كملت شغل وتنظيف وهو ماكو وكلما اتخيل هو اتندم بقراره او راح للمقبرة يشوفها يعتذر منها... تضيگ الدنيا بعيني وينقبض صدري كلش
اني اصلا ماعندي اشكال يزورها والله بس مو بصباحية عرسنا يمر عليها
خلصت وگعدت عالشاشة اشتغل بالتطريز للكوشات وگلبي يحسب وعقلي يراجع
لحد ما تعدى غيابه تلث ساعات الا دخل وكدامه خالي طفرت مستحية من ملابسي سلمت عليه باسني براسي دنگت على ايده بستها
_ بالمبارك يبة عسى زواجة الدهر يبنت الغالية.
_ احمم الله يبارك بيك ويطول بعمرك يارب
حجيتها وباوعت لشهم مستحية بس حسيته ماله خلگ من ملامحه شايل بيده علاگة ريوگ ومسواگ عبرنا ودخل للمطبخ خلاهن ورجع يمنا
خليته يضيفه ويشيل منه عباته عن جتافه وركضت غيرت لبسي لدشداشة مستورة افضل واحسن
طلعت لگيتهم گاعدين ركضت للمطبخ خدرت قوري چاي جاي افتح العلاليگ حسيته اجه صوبي
گلبي صار يركض ركض
_ صباح الخير يابة
اجيت ارد عليه فاجأني من قربني اله وباس راسي
هاي خاصة للصباحية
عضيت شفتي منطيته ظهري ارتب بالاكل
_ الله يبارك بيك
تركني وراح رتب السفرة نقل كلشي تبعته ردت أگعد مسافة عنه اشرلي براسه اگعد بصفه
