දෙව්සකුණ | MOURNING AVES | BL |

| 56 |

          " ශොප් එකට දාපු Books Order එක අද එනවා කිව්වා... ඒකයි අයියෙ මම- "

     " සල්ලි ඇති වෙයිද හංස? මදිපාඩුවක් තියෙනවා නම්- "

    " නෑ.. මම ඕල්රෙඩි පේ කරලා තියෙන්නෙ අයියෙ "

      " ඕල්ටෙඩි ප්ලේ කලලා තියෙන්නෙ ඔව්.. "

        කොල්ලා අයියගෙ මේසෙ උඩ වාඩිවෙලා... අයියගෙ ෆයිල්ස් මෙතනින් එතනට.. එතනින් අතනට අහුර අහුර හිටියෙ.

       මම ගෙදරදි පොත් ෆයිල්ස් අහුරන දිහා බලාගෙන ඉදලම පන්ඩිතයා යමක් කමක් ඉගෙනගෙන තිබුණා.

         අයියා හිනා වුණේ කොල්ලගෙ කම්මුල් එකට කරලා මිරිකළා. " ඒ... පන්ඩිතයා. අපි යමුද හම්බු කන්න?.. "

      " තාති හම්බු උයාගෙන ආවෙ "

     මම බෑග් එක ඇදලා කෑම පාර්සලේ අයියගෙ මේසෙ උඩින් තිබ්බා.

          " මං දරුවගෙ බාරයක් ඔප්පු කළේ වසන්තෙ අයියගෙන් සල්ලි ඉල්ලගෙන. ඒක ආපහු දෙන්නත් ඕනකම තිබුණා අයියෙ... "

     " ඔයාට ඒක මං අතේ එවන්නත් තිබුණනෙ හංස. "

       වචනෙන් නොකිව්වත්.. මං අයියගෙන් ආපහු දෙයක් හංගපු එක අයියට ලොකුවට දැනෙන්න ඇති. මම කියලත් නිර්දෝෂී මනුශ්‍යයෙක් නෙවෙයි. මං හොදටම දන්නවා ඒ ගැන.  ඒ නිසා මට බැන්නත් ඉවසන්න මම හිත හදාගෙන තිබුණෙ..

    ඒත් අයියා බැන්නෙත් නැති වෙද්දි මගෙ හිතේ වරදකාරීබව තව දරුණුවට රැව් දෙන්න වුණා.

          " මේ.... පොඩි දරුවට දූවිලිත් යනවා. අනික මේ ගිනි අව්වෙ මහ මිනිහෙකුටවත් ඉන්න හිටින්න පුළුවන්ද කියන්නකො හංස? ඉක්මනට කාලා දෙන්නම ගෙදර යන්න...... මං ඩ්‍රොප් කරලා එන්නං.  "

      " ...... අයියා අතේ එව්වොත් වසන්තෙ අයියා හිතයි මම මහ කෙලෙහෙගුණයක් නැති ගුණමකුවෙක් කියලා අයියෙ. ඇරත්... දැනටම එයා හිතන්නෙ එහෙම. මං දුන්න සල්ලි බල්ලොත් කන්නෙ නෑ කියන්නෙ. "