Chapter 15
Investigation
~~~**~~~
~Tabitha’s POV~
Tinakpan ko ang bibig ni Yuuki. Pigil ang hininga naming dalawa. Sana hindi siya narinig ni Xianna. Ang lakas ng kabog ng dibdib ko. Hindi kasi gumagalaw sa kinatatayuan niya si Xianna.
Parehas kaming nakahinga ng maluwag nang tumayo na si Xianna. Pinunasan niya ang dugo sa gilid ng labi niya at naglakad papunta sa grand staircase.
Akala ko, ligtas na kami ni Yuuki.
Mali pala.
Naging mabilis ang pangyayari. Naglabas si Xianna ng limang pana at sabay-sabay na tinira ito sa kinatataguan namin. Napayakap na lang kami sa isa’t isa ni Yuuki at napapikit.
Sa isang iglap, biglang may humawak sa balikat ko at tinakpan ang aking bibig. Napahawak ako sa kamay niya at aalisin sana ito pero mabilis siya at nahila niya ako paalis sa kinatataguan namin ni Yuuki. Kasabay ng paghila sa akin ay isang anino ang lumabas sa kinatataguan namin at sinalag ang mga panang ibinato ni Xianna.
“HMP—hmmhp!” pilit ako kumakawala sa pagkakahawak niya saakin. Tinakpan niya ang mga mata ko at patuloy ang paghila saakin sa kung saan. Ang higpit ng hawak niya, hindi ako makahinga.
Nakarinig na lang ako ng pagbukas ng isang sliding door. Hinila niya ako at marahas na isinandal sa pader.
“Sht! You—Argh!” napasabunot na lang si Zeke sa buhok niya. Humarang sa gitna namin si Ice. “Chill Zeke. Plan B!” pagkasabi niya noon ay agad na lumabas sa kwarto si Zeke. Natulala na lang ako kay Ice na noo’y nakaharap na saakin.
“Tabitha, paanong.. nevermind.” gulong-gulo siya. Naglakad siya papunta sa isang table na may tatlong laptop. Sumunod na ako sakanya at umupo sa tabi niya nang bigla na lang akong maalarma.
Si Yuuki?!
Napatayo ako. “Ice! Si Yuuki!”
Hindi niya inalis ang tingin niya sa mga screen. “She’s already with Ace and Skye.”
Nakahinga ako ng maluwag. Mukhang pagod na pagod si Ice. Wala siyang sa mood sumagot ngayon at isa pa ay ang namumula niyang mga mata.
“Ano bang nangyayari?” hindi ko natiis na magtanong. Tinitigan ko lang ang mga screen sa laptop, mga video na magagalaw at nakakahilo. Parehas na may hinahabol sa dalawang video. Si Xianna at yung kasama niya. Ayon kay Ice, nakakabit kay Zeke at Neo ang mga camera kaya magulo. Sa huling screen naman, itim lang ang nandito at may nagsasalita. Kaso hindi ko naman maintindihan.
“I’ll explain it to you later.”
~~~**~~~
Patuloy sa paghabol ang dalawang lalaki na sina Zeke at Neo. Nasira kasi ang Plan A nila dahil sa hindi inaasahang pagsulpot nina Yuuki at Tabitha kaya ipinagpatuloy nila ang Plan B. Hindi nila aakalain na gagamitin nila iyon.
Mukhang alam ng mga hinahabol nila ang pasikot-sikot dito sa Rigel Dungeon. Isa pa, handang handa ang dalawang ito dahil iba’t ibang patibong. Mukhang planado na ito.
Iniharang ni Neo ang kanyang mga nasummon na skeleton soldiers. Isang malakas na pagsabog ang nagpatalsik sa mga buto nito.
“Badtrip naman to!” reklamo ng binata. Kanina pa kasi siya nagsu-summon ng nagsu-summon pero patuloy lang itong pinapasabog ng hinahabol nila. Humarap sakanila si Xianna at sabay-sabay na tinira ang pitong pana. Mabilis na sinalag ito ni Zeke gamit ang kanyang itim na espada. Patuloy lang ang habulan.
