Chapter 34
Executed
~~~**~~~
Tabitha’s POV
“Po?! T-Teka lang ho! Hindi naman po ata pwede yun! Saglit lang--!” napatigil ako sa pagsasalita nang bigla niya akong tutukan ng sandata.
“We are the law. We would abide the decision of the higher council. You have no right to fight against the rule,” matigas na sabi nito.
“Saan niyo siya dadalhin?! Pag-usapan muna natin to!,” hysterikal na sigaw ni Eusebio. “Hindi niyo siya pwedeng basta-basta kuhain sa amin!”
“Back off! Or I’ll shoot!,” napaatras kami. Anong gagawin ko? Anong gagawin ko?! Nasa panganib siya! Bakit? Ba’t ganito? Masaya naman kami kanina ah! Paano napunta sa sitwasyon na to?
Nakita kong naglakad muli sila palayo sa amin. Hindi ko na namalayan na nilusob na ni Eusebio ang ilang mga sundalo. Alam kong sa dami at lakas nila, wala kaming laban dito. Pero hindi namin pwedeng hayaan na makuha siya ng walang eksplanasyon.
“Ms. Skye! Ms. Skye! Bakit ayaw mong lumaban?! Ms. Skye!,” mangiyak-ngiyak kong sabi. Ni hindi niya kaming magawang lingunin. Bakit Ms. Skye?! Anong bang ginawa mo? Bakit ka nila nilalayo sa amin?!
“Ms. Skye! Ms. Skye!,” sinubukan ko silang habulin ngunit huli na. Nakaramdam na lang ako ng isang malakas na hampas sa aking mukha. Hinang-hina akong napahiga sa lupa.
Ang huli ko na lang nakita ay ang papaalis na sasakyan ni Ms. Skye.
“Ms. Skye! Ms. Skye! Ms. Skye!”
“Tabitha!”
“Ms. Skye! Ms. Skye, bumalik ka dito! Huwag niyo syang kunin!”
“Tabitha!”
“Hindi pwede to! Ms. Skye!”
“TABITHA!”
Bigla na lang akong napabangon sa aking higaan. Naramdaman ko nanaman ang kirot sa aking mukha. Napatingin ako sa gilid at bumungad sa akin ang pagod na pagod na mukha ni Eusebio.
“Princess Sebby...” napayakap ako sakanya. Hindi ko na napigilan pa ang mga nagbabadyang luha na kanina pa gustong tumulo. Bakit kasi nagkaganito eh?!
“Shh.. Tama na Tabby. Babalik din si Skye. Babalik siya. Alam ko,” narinig kong bulong ni Princess Sebby na umiiyak na rin. “Ang mabuti pa ay magpahinga na muna tayo. Sina Jenkyl na ang bahala sa pag-aayos ng pagbabalik natin sa Monster Academy.”
“Ano bang ginawa ni Ms. Skye, Princess Sebby? Bakit siya hinuli ng mga sundalo ng Council?” Hanggang ngayon, hindi ko pa rin alam kung ano ang nangyari. Naging mabilis ito kaya hindi nagrehistro sa utak ko. Parang kanina lang, ang saya-saya naming nagkakainan dahil nanlibre kami ni Zeke noong nanalo kami sa Wedding Wreckage Booth. Tapos, bigla na lang dumating yung mga sundalong iyon at hinatak si Ms. Skye palabas ng restaurant. Ano bang kasalanan niya?
“Hindi ko rin alam Tabitha. Hindi ko alam. Pero bukas, makakausap natin si Lord Hales. Siya na ang mag-eexplain sa’tin,” hinang-hina niyang sagot.
Kumalas ako sa pagkakayakap at humiga. Nagpaalam saakin si Sebby na kukuha muna siya ng gatas pampakalma para makatulog. Hindi ko siya sinagot at patuloy na tumingin sa kawalan.
Sana maging okay ka lang, Ms. Skye. Antayin mo kami dyan. Ibabalik ka namin.
