Chapter 38
The Other Dimension
Tabitha’s POV
Hindi na natuloy ang 2nd training namin kay Ms. Skye dahil pinatawag siya ni Sir Lyre Alastair, ang head ng vampire clan at ang tatay nina Eros at Ace. Umalis siya agad kaya kami-kami na lang nina Ayame, Jenkyl, Sebby at Xander ang nag-train. Nagpapahinga naman ang apat na hari.
“Good work guys. Konting teamwork and synchronization pa, mas lalakas tayo,” sabi ni Jenkyl habang inaayos ang pana niya.
“Mga atiii~ dito tayo dalii~!,” nilayo kami ni Sebby mula kina Ayame at Xander. “Lovey dovey sila ano po?”
Napailing na lang ako. “Palibhasa wala kang lovelife eh.”
Siniko ako ni Jenkyl. “Meron yan. Si Princess Kaguya, remember?” Natawa kaming dalawa samantalang pinandidilatan kami ni Sebby.
“Oh eh kayo? Meron? Mga charotera kayo. Makalayas at nasasayang ang beauty ko,” nagwalk-out si Sebby at tumawa na lang kami ni Jenkyl. Mas masaya sana kung nandito si Ms. Skye.
Lumabas na lang kami at iniwan sina Ayame at Xander para makapagsolo sila. Habang naglalakad papunta sa kwarto, kinwento ko kay Jenkyl yung kilig moments nila Ayame at Xander nung bata pa sila.
“Meron pang isang beses, inutusan si Ayame na manguha ng prutas. Eh hindi ko alam kung saang lupalop nanguha yung babaeng yun kaya inabot ng gabi. Tapos umulan pa ng malakas, kaya ayun si Xander, sumugod sa ulan at hinanap si Ayame. Susugod na nga lang lahat-lahat, wala pang dalang payong. Ayun, umuwi silang kinabukasan na may sakit. Pero magkasama sila.”
Nagpahinga kami ni Jenkyl sa kwarto at maya-maya, tinawag na kami ni Princess Sebby para sa merienda. Tsaka may announcement daw si Secretary Reodica.
“Oh kamusta na kayo? Recover na ba?,” tanong ni President Jenkyl sa apat na hari nang makarating kami sa sala.
Nagsitanguan lang sila. Mukhang hanggang ngayon, hindi pa rin sila nagkakasundong apat, lalo na sina Ace at Eros.
“Oo nga pala Jenkyl, may ginawa akong device para sayo. Gusto ko sanang i-check mo mamaya,” sabi ni Ayame. Siguro yun yung pinagkakaabalahan niya nitong mga nakaraang araw. Naaabutan ko kasi siyang late nang natutulog. “Pati rin sayo Princess Sebby at Tabby.”
“Cookies everyone! Kainan naaa~” nilapag ni Rai yung dalawang platong punung-puno ng cookies sa table. “Pababa na rin si Secretary. Sa ngayon i-enjoy niyo muna yan. Gagawa lang ako ng juice.”
Natahimik kami habang kumakain ng cookies. Di ko alam na masarap pa lang magbake si Rai ng ganito.
Si Rai nga pala, isang nerdy type chic na pag tinanggal mo yung glasses, hindi mo aakalaing nerd pala. Cosplayer sa human world at madalas na tinatawag na barbie-look alike doon. Hindi kami masyadong close kasi palagi na lang siyang wala sa klase. Palaging kasama ni Secretary Reodica.
Maya-maya, bumaba si Secretary Reodica at seryosong umupo sa harap naming lahat.
“Your second trainer would be here by now, in 10 seconds..” nagcountdown siya habang nakatingin sa orasan. Second trainer? Eto ata yung sinasabi niya saming magtuturo sa pagcontrol ng kapangyarihan.
Biglang nabasag ang malaking glass window at isang lumilipad na kung anong bagay ang pumasok sa loob. Napatayo kaming lahat at naglabas ng sandata.
“Sorry. I broke it,” balewalang sabi nito habang nagpapagpag ng bubog sa damit niya. Batay sa boses niya, isang babae ito na nakatago sa asul na maskarang hinulma sa isang apoy. May suot-suot siyang itim na cloak kaya hindi namin siya masyadong maaninag pero kung titignan pa lang, mukhang maganda yung babae.
