Chapter 1
Welcome to Monster Academy
~~~**~~~
Lumabas ang isang babaeng may asul na buhok mula sa estate ng mga Einzbern at tinahak ang daan papuntang garden. Nakasuot siya ng uniporme ng bagong eskwelahan na papasukan nila. May pagka-Japanese style ito. Sa likod ng makapal na salamin na suot niya, makikita ang kakaibang kulay ng kanyang mga mata. Dumiretso siya sa pinakagitna ng garden kung saan may isang bilog na lamesa doon at may tatlong upuan. Naghihintay doon ang isang lalaki na kanina pa nagpapalakad-lakad dahil sa sobrang kaba. Nakasuot din ito ng uniporme ng eskwelahan.
“Itutuloy po ba natin?” kinakabahang tanong ng babae sa kasama. Umupo siya sa tabi nito at nilabas ang tatlong puting envelope.
“Wait lang Tabitha! Capital O with the M and the G! My heart is beating so fast! Matatanggal na siya! Meghad! Help me!” maarteng sabi ng lalaki sabay pahawak effect pa sa dibdib nito. Umupo ito at hindi pa nakakatagal ay tumayo ulit.
Biglang umilaw ang pulang pendant ng kwintas na suot ng babaeng nagngangalang Tabitha. Ilang sandali lamang ay naging itim ito at mula sa bilog na pula lumabas ang isa nanamang babae. Kasing puti ng buhok nito ang snow habang kasing pula naman ng mga mata nito ang dugo. Ito ang nag-iisang anak ng mag-asawang Einzbern at ito rin ang amo ni Tabitha.
“Tch.” Inabot niya ang isa sa mga puting envelope at binuksan ito. Lumapit sa kanya ang dalawa at sabay sabay na binasa ang nakasulat sa loob ng envelope.
~~~**~~~
WARNING:
This form happens to be visible to MONSTERS ONLY. If you are interested in becoming a part of our school, please fill up the application form.
Note: Once you completed the application form, there is no turning back. You shall be transported to the school immediately to take the entrance exam.
************************
Monster Academy Student Application Form
Name:
Gender:
Age:
Type of Monster:
Ability:
Brief Description About Yourself:
************************
~~~**~~~
Tiningnan niya ang dalawa at inabot dito ang natitira pang envelope.
“Seryoso ka talaga girl? Parang gusto kong mag-back out. Baka masira pa ang beauty ko sa Entrance Exam. I’m so nervous! Gosh! Wag na tayo tumuloy please!” nagmamakaawang sabi ng lalaki. Pinukol siya ng matalim na tingin ng babae kaya naman agad niyang pinalitan ang sinabi niya.
“Oo na! Eto na. Ang sungit mo no. Kahit parang di ko carry! For the sake of world peace and my beauty!” inabot nito ang isang envelope. Binigay naman niya ang isa pang envelope kay Tabitha.
Nagulat sila ng may sumipot na maliit na pulang kahon sa gitna ng lamesa. May simbolo ito ng mismong school. May mahabang hiwa ito sa ibabaw at sapat na para ilusot ang mga application forms. Sa gilid nito nakatali ang isang ballpen. Kinuha iyon ng babaeng puting buhok at ibinigay sa lalaki.
“Grabe?! Ako kaagad?! Agad agad?! I Don—“ hindi niya na natuloy ang sinasabi niya dahil binigyan nanaman siya ng masamang tingin ng babae. “Okay! Chill! Eto na. Pasalamat ka.. nakakapagtimpi ang beauty ko sayo ha! Kanina mo pa ko binibigyan ng iyong deadly glares. Hmp!” kinuha niya ang ballpen at nagsimula nang magsulat.
