Chapter 46
The Master
Tabitha's POV
"O-oy Zeke."
Nanatili lang siyang nakahiga doon at walang-malay. Halos mawalan na siya ng kulay sa sobrang lamig ng temperatura niya. Naalarma ako nang hinawakan ko ang pulso niya at maramdamang mahina ang pagtibok dito. Ganito ba epekto ng ressurection process? Agad-agad kong tinapat ang kamay ko sa dibdib niya at nagsimulang magsambit ng spell.
Nagulat na lang ako nang bigla siyang maghabol ng hininga matapos ang ilang minuto. Lalo kong nilakasan ang spell na ginamit ko sakanya.
"Zeke, naririnig mo ba ako?" maya-mayang tanong ko. Medyo naging normal na ang paghinga niya pero parang hirap na hirap pa rin siya.
Inayos ko siya ng upo at sinandal sa pader. Ang lamig-lamig pa rin niya, parang ilang oras siyang nakakulong sa loob ng yelo. Inilabas ko ang 'absolute ring' at isinilid ito sa daliri niya. Pinagpatuloy ko ang panggagamot sakanya gamit ang isang kamay ko.
Nilabas ko ang espadang binigay sa akin ni Lord Hales, ang light sword Seif. Naalala ko pa noong unang araw namin sa Monster Academy, ang light sword Seif ang magiging reward ng kung sino mang grupo ang makakatapos sa task na 'Catch the Falling Star'. Ang alam ko, natira ang grupo namin at grupo nina Zeke noon. Kaso hindi natuloy ang activity dahil sa lumabas na Ultimate.
Awtomatikong nagliwanag ang Seif at ito ang nagsilbing ilaw namin. Bumagsak kami ni Zeke sa kwartong ito na halos walang laman maliban sa iilang torches na nakadikit sa dingding. Mahina lang ang apoy na umiilaw dito kaya maraming parte sa kwarto ang hindi ko maaninag.
Wala na rin ang mga kasama ko kanina. Mukhang may binabalak na naman ang Sirenade at pinaghiwa-hiwalay kami.
Nag-iisip ako ng paraan kung paano kami makakaalis dito nang bigla akong hawakan ni Zeke sa kamay. Pakiramdam ko, parang may taong yelo ang humawak sa akin.
Sinubukan niyang hilahin yung kamay ko kaso mukhang naubusan siya ng lakas. Wala akong nagawa kundi lumapit sakanya.
"Zeke, anong nararamdaman mo? Anong masakit sa'yo?"
Hindi siya sumagot at nanatiling nakasandal sa pader. Naramdaman ko ulit yung paghila niya kaya lumapit ulit ako.
Bumitaw siya sa pagkakahawak sa akin at dahan-dahang itinaas ang kamay niya papunta sa likod ng ulo ko. Nabigla ako nang hinila niya ako papalapit lalo sakanya at ipinatong ang noo niya sa noo ko.
"Z-zeke."
Nagsalita siya kaso hindi ko masyadong naintindihan. Ang narinig ko lang, 'stay' 'temperature' at 'warm'.
Naghahanap ata siya ng pwedeng makapagpatanggal sa lamig niya.
Hindi ko alam kung ilang minuto kaming nanatili sa ganoong pwesto. Hindi ko magawang gumalaw kahit na nangangawit na ako dahil parang komportableng-komportable siya.
Humiwalay lang ako nang bigla akong makarinig ng mga yabag.
"You made it here," walang emosyon niyang sabi.
"Skye."
Lumipat ang tingin niya mula sa akin papunta kay Zeke at pabalik sa akin.
"It has been a while, Tabitha."
Bigla kong hinawakan ang Seif nang lumabas ang scythe niya. Bigla akong nakakita ng parang glint sa mga mata niya nang makita ang hawak-hawak ko.
"Mm? It's pretty unusual to see you holding a deadly weapon," amused niyang sabi. "I remember how you used to be scared touching one, saying it might hurt the others around you. As far as I remember, you are afraid of them, right?"
