Chapter 17
The Late Enrollee
~~~**~~~
~Tabitha’s POV~
“Mabuti naman at gising ka na.” Unti-unting luminaw ang paningin ko. Nakita ko si Neo na nag-aayos ng mga prutas. Inalalayan niya akong makaupo pagkatapos ay bumalik na ulit siya sa pag-aayos ng mga prutas. Nasapo ko ulo ko.
Ugh. Ang sakit naman.
“Gusto mo bang ipagtalop kita ng mansanas?” Tumango ako. Pinagmasdan ko ang buong kwarto. Puro puti. Nasa clinic room pala kami. Napadako ang tingin ko sa wall clock sa loob. Alasnuebe na pala ng umaga. Sunday pala ngayon. Buti walang pasok. Napansin ko na may isang kama pa pala sa loob. Mahimbing na natutulog si Yuuki doon. Teka? Ano nga bang nangyari?
Lumapit si Neo sa higaan ko at inabot ang isang platitong puno ng hiwa-hiwang mansanas. Mukhang nabasa niya ang iniisip ko.
“Natagpuan ka na lang namin sa tree house na walang malay. Kaya dinala ka nanamin dito.” Pagsisimula niya. Umupo siya sa isang couch doon at binuksan ang isang laptop. Nagsimula siyang magtipa. Nilantakan ko na rin ang mansanas na binalatan niya.
“Anong nangyari sa mga kalaban?” maya-mayang tanong ko. Ang huli ko na lang natatandaan, yung babaeng nakahood na palaging sunod ng sunod saakin ay kinalaban yung may black cloak na lumulutang. Tapos may narinig akong kakaibang tunog. Tapos nawala yung kalaban at ipinatong nung babaeng nakahood yung kamay niya sa ulo ko.
“Ang totoo nyan. Hindi rin namin alam. Nataranta na lang kami ng nagsisigaw sa headphones si Ice na pinapaalis ka sa tree house. Pupuntahan ka namin dapat ni Yuuki kaso hinaharang kami ng mga kalaban. Sa kalagitnaan ng labanan, may biglang kakaibang tunog ang umalingawngaw sa buong lugar. Tapos yun, bigla na lang silang nawala. Ang daya nga e, matatalo na dapat namin sila.” Napabuntong-hininga na lang si Neo. Kung ganon, parehas lang pala ang nangyari sa amin.
“Anong nangyari kay Yuuki?”
“Wag kang mag-alala, wala namang masamang nangyari sa kanya. Napagod lang siya ng husto dahil sa dami ng kapangyarihang ginamit niya.”
Kumagat ako sa mansanas. Wala naman sigurong nasaktan.
“Sina Skye nga pala, nasa office ni Mrs. Dammon at nagrereport tungkol sa nangyari. Pabalik na rin sila dito.” Narinig kong sabi ni Neo. Patuloy lang akong kumain ng mansanas habang nagtitipa siya. Ang tahimik.
Awkwaaaard >.>
Napatingin ako sakanya. Seryosong-seryoso siya sa ginagawa niya. Ngayon ko lang napansin ang asul niyang mga mata. Parang kaparehas ng kay..Ice? O ako lang nakapansin non? Palagi kasi silang magkasama e.
Itinuon ko na lang ang pansin ko sa pagkain ng mansanas.
Maya-maya, biglang bumukas ang pinto at pumasok si Zeke at Ice.
“O asan yung dalawa?” tanong ni Neo na ang tinutukoy ay si Ace at Ms. Skye. Wag mong sabihing magkasama na naman sila.
“Sinamahan ni Ace si Skye pabalik sa dorm. May kukuhain ata.” Sumalampak sa tabi ni Neo si Ice at inusisa ang ginagawa nito. Ang Ace na yun. Pinopormahan niya ba si Ms. Skye?
Umupo si Zeke sa isa pang couch at natulog. Parang mga puyat sila na hindi lang halata kasi makukulit. Lalo na si Ice at Neo.
“Wahahaha! Level 8 ka lang pala e. Kalalaki mong tao level 8 lang kaya mo? Wahahaha.” Pang-aasar ni Ice.
“Ang kulit mo! Kakasimula ko pa nga lang sabi e!” naiinis na sabi ni Neo.
“Haha. Ang dami mong palusot. Weak ka lang talaga! Aminin mo na! HAHA. Level 8?! Bwahahaha pfft~!”
