Chapter 11
Rapunzel Tower
~~~**~~~
~Tabitha’s POV~
“Don’t worry. Hindi naman malala ang mga natamo mong sugat. Take some rest then drink this before you sleep. It can help generate your power.” Inabot saakin ni Nurse Lisa ang isang green na tablet. Nakainom na ako nito kanina. Ampait ng lasa.
Nagbow ako sakanya. “Salamat po.” Lumabas siya ng clinic room.
Dito kami dinala matapos ang nangyari sa Nightwood. Mabuti na lang at nakaligtas kami sa tirang iyon nina Skye at Zeke. Hindi rin tuluyang namatay ang Ultimate pero nakatulog ito. Nagpadala na rin ang council ng portal hole para makalabas kami doon. At diretsong dinala kami sa clinic. Pinatawag naman sina Skye at Ayesha ni Mrs. Dammon. Tatlo lang kaming nandito sa clinic room dahil yung ibang grupo ay nasa kanya-kanyang clinic room.
“Girl. Buti na lang at hindi tayo masyadong naapektuhan. Baka natusta tayo ng wala sa oras pag nagkataon.” Sabi ni Princess Sebby na nakaupo sa kabilang higaan.
“San kaya nanggaling yung Ultimate?” tanong naman ni Shontelle. Umupo na rin siya sa tabi ko.
“Huh? Hindi ba kasama sa activity yun?” naguguluhang tanong ni Princess Sebby. Kinuha niya ang isang basong tubig na nakapatong sa side table at ininom.
“Nu-uh. Pinagbawalan na ang pagtratraining laban sa isang Ultimate simula pa lang ng nasa Little Monsters Academy kami. Marami kasing nangyaring aksidente hinggil dito. Kaya ine-eliminate na sila ng council sa mga activity/training ground. Ang nakakapagtaka, pano nakalusot ang Ultimate sa council at saan nanggaling yun?” --Shontelle
“Ay kaloka yan peh. Mystery unsolved ang peg. Bet ko yan.”–Sebby
“May tanong ako. Paano yung ano, yung mga napatay ng Ultimate? Sina Xianna at Nerd. E diba walang force field ang na-set noong dumating ang Ultimate? So walang Monster Fight ang naenggage? Ano, uhm.. Na-nama..” hindi ko na natuloy ang sinasabi ko. Naalala ko kasi yung pagkakatusok ng Ultimate kay Nerd pati na rin ang pagharang ni Xianna at pagsalo niya sa apoy. Nakakatakot isipin na baka namatay sila ng tuluyan sa activity.
“Namatay? Nope. They’re alright. Hindi kasi registered ang Ultimate sa mga pure monster list kaya kapag nagkalabanan ay walang force field ang naeengage. Pero may Clam field ang bumabalot sa buong isla at nakaactivate ito everytime na may activity na gaganapin. Kaya kahit walang force field na bumalot laban sa unknown specie, awtomatically ang laban na nangyayari sa islang iyon ay Monster Fight. At hangga’t nakikita ang life and mana bar ay Monster Fight pa rin yun.” Mahabang pag-eexplain ni Shontelle.
“Geez. Sana okay lang sila.” Mahina kong sambit. Buti na lang at monitored ng council ang laban. Kung hindi, yari kami.
“Ohpuhlease. Matibay mukha ni frogletus noh. Mas nag-aalala ako kay nerd. Kahit na hindi kagwapuhan yun, lalaki pa rin yun.” Sabi ni Princess Sebby.
Biglang pumasok si Ayesha sa clinic room. May dala-dala siyang envelope.
“So what’s up? Anong sabi ni Mrs. Dammon?” tanong ni Sebby nang umupo si Ayesha sa tabi niya.
“Nasaan po si Ms. Skye?” tanong ko. Kasama rin kasi siyang pinatawag.
“Ahh. Pinatawag pala si Skye ni Ms. Reodica. Pinapasabi niya pala na mauna ka na daw. Mukhang matatagalan pa kasi sila at may meeting sila sa principal.”
“Sila?”
“Yeah. Kasama si Zeke.”
“Ah. Salamat po.” Kasama nanaman niya ang lalaking yun. Ano bang meron sakanila?
