Slobby Firsts

#12

"Today was fun!" Nakangiting sabi ni Jeron habang naglalakad kami pauwi noong gabi rin na 'yon.

Kakatapos lang namin manood ng fireworks display. Nagkakayaan din agad na umuwi after dahil napagod na ang dalawang dalaga naming kasama.

"Malamang, kasama mo si Mika. Pakiramdam ko nga naging third, fourth, at fifth wheel kaming tatlo e." Sabi ko. By tatlo, ibig kong sabihin ay si Kim, si Thomas at ako.

Thomas nudged me as he agreed, "On point, Narra!"

"Di ba?" I mouthed to him. Nag-high five pa nga kami na walang sound sa likod ni Teng.

Jeron who was now walking three good steps ahead of us turned, "Nakaraan ko pa kayo napapansin ha."

I stiffened. Anong napapansin niya? May dapat ba siyang mapansin? Ashjasjdhakuh. Pinigil kong hindi mapatingin kay Thomas. I kept my gaze straight to Jeron.

"Bakit, Paps?" Thomas asked. He sounded normal though. Kailan pa ako naging pARAnoid?

"You guys are hot and cold towards this whole thing. Minsan, supportive kayo. Pag umeffort na ako, sinasabon niyo naman ako. Ano bang problema?"

Nagtiningan na kami ni Thomas. Paano ba naman, seryosong seryoso ang tanong ni Jeron. Pati kilay niya nagsasalubong pa.

"Nagseselos ba kayo kay Mika?" He asked again.

Ang kapal niya po.

"HAHAHAHAHAHAHA!" We both laughed this time.

"What's so funny?" Inosente nyang tanong.

Kawawa naman si Teng. Siya na nga yung funny hindi pa rin niya gets. Malamang nahawaan na talaga siya ni Thomas. I feel sorry for him.

"Je, hindi kami nagseselos sa kanya." I told him. "Bakit kami magseselos? Ikaw lang naman yan."

"Yun nga e. Dapat magselos kayo kasi AKO ITO."

"Paps, ang hangin." Komento ni Thomas.

Ngumiti si Jeron sa amin. "But guise, seriously... Kahit maging kami na ni Mika, hindi ko kayo kalilimutan. Totoo yan. Promise!" Sabi pa ng Intsik na itinaas ang kanang kamay niya.

Nangarap na naman si Teng. Napailing ako sa samantalang napabuntong hininga na naman si Thomas.

"Teng, itulog mo na yan." Utos ni Thomas. "Para magising ka na rin."

Jeron stopped in front of their gate. He turned to face us, tapos may ngiti sa labi niya. "Okay. Tulog na rin kayo, Babies." Patawa-tawa siyang pumasok sa gate nila at sinara yun.