School of Myths

Chapter 13: Dragon Clan leader - Drake Draken.

Matapos ang naging paglalaban sa pagitan nina Rain at Sai ay agad ng nag-alisan ang mga istudyanteng nanood. Samantala, buo na ang pasya ni Rain na pumunta sa lugar nina Aron upang magpaturo sa clan leader nila ng ilang mga fire skills. Batid niyang hindi pa sapat ang kaniyang kaalaman, dahil halos kailan lang niya nalaman ang tungkol sa tunay niyang pagkatao. At isa pa ay sinabihan siya ng kaniyang ate na wag gamitin ang tunay niyang kapangyarihan, dahil posibleng madiskubre agad ng kanilang mga kalaban ang tunay niyang pagkatao.

Ilang sandali pa ay nagsimula ng maglakad papaalis ng campus sina Rain. At dahil hindi pa tuluyang nababawi ni Rain ang kaniyang lakas ay kasalukuyan siyang akay-akay nina June at Mark hanggang sa makarating sila sa lugar nina Aron.

Habang naglalakad ang magkakaibigan ay unti-unti ng nakakaya ni Rain na maglakad ng hindi tinutulungan ng kaniyang mga kaibigan. At kahit medyo may kalayuan ang lugar na pupuntahan nila ay nagawa pa rin nilang makarating dito. Isang malaking kastilyo ang tumambad sa kanila ng marating na nila ang malaking gate. At ang kastilyong ito ay tinatawag na "Dragon Empire", dahil dito naninirahan ang lahat ng kasapit sa dragon clan.

"Ang laking kastilyo! Ito na ba ang dragon empire ng dragon clan?" Sambit ni June.

"Tama! Kaya pumasok na tayo sa loob." Tugon ni Aron.

Matapos magsalita ay agad naglakad patungo sa gate si Aron. Matapos nito ay agad niyang inilapat ang kaniyang kanang kamay sa gate at kalaunan ay nagsimula na itong magsalita.

"**kitto.. omoi.. dasu.. koto.. mo.. na..i!**" Sambit ni Aron.

Matapos magsalita ni Aron ay biglang nagbukas ang malaking gate. Agad na siyang pumasok dito at kalaunan ay inaya na niya sina Rain na pumasok sa loob. Agad namang sumunod ang mag kakaibigan at ilang sandali pa ay pumasok na din sila sa loob. Nang tuluyang makapasok ang lahat ay bigla na lang nagsara ang malaking gate.

"Okay lang ba na pati kami ay sumama dito, Aron?" Tanong ni June.

"Wag kayong mag-alala, hindi naman illegal ang pagpasok nyo sa teretoryo na'min. Hangga't kasama nyo ako, wala kayong dapat ikatakot." Tugon ni Aron.

"Sana nga." Sambit muli ni June.

May isang minuto ang nilakad nila para marating ang pinto ng mismong dragon empire. Agad naman itong binuksan ni Aron at dito ay laking gulat niya matapos makita ang kaniyang ama.

"Ama! Sakto po! May ipapakilala po ako sa inyo, wala pong duda na isa din siyang mythical shaman ng elemental fire dragon. Pero hindi po niya alam ang tungkol dito, kaya po gustoka na'ming makausap." Masayang pagkakasambit ni Aron.

"Elemental Fire Dragon na tulad na'tin? Pero, konti lang ang elemental fire dragon sa ating clan." Tugon ni Daigon.

*** Daigon Draken. 31 years old at siya ang pansamantalang gumanap bilang clan leader, habang wala ang kaniyang ama. Isang siyang magaling na pinuno, kaya kahit ang ibang mga mythical shaman ay ginagalang siya.

Matipuno ang pangangatawan ni Daigon, nasa 5'7" ang kaniyang taas, medyo maputi ang kulay ng kaniyang balat at kulay pula na medyo may kahabaan ang kaniyang buhok. ***

"Sa totoo lang po ay hindi ko po talaga alam kung elemental fire dragon ba ako o hindi." Sambit ni Rain.

"Ito nga po pala si Rain Esfalls, siya po yung tinutukoy ko." Sambit ni Aron.

"Magandang gabi po." Sambit muli ni Rain.

"At ang apat namang kasama na'min ay sina: June Swatzron, Mark Lionheart, Annie Lernards at si Selina Oceanus." Sambit muli ni Aron.