School of Myths

Extra Chapter: Behind the scene story. Part 2

Chapter 29: Fieldtrip - Mundo ng mga tao. Part 2

 

Sa mga oras na ito ay kasalukuyang kumakain ng tanghalian ang magkakaibigan sa isang restaurant, kung saan hindi akalain nila Mark at June na dito nagta-trabaho ang kanilang dating kaklase at kaibigan, si Rio Layrence.

Mabilis na tinapos ni Mark ang kaniyang pagkain. Nais kasi siyang kausapin ni Rio kahit sandali lang, kaya naman agad na siyang nagpaalam sa kaniyang mga kaibigan at mabilis na nagtungo kung nasaan si Rio sa ngayon.

Nagpunta si Mark sa may counter ng naturang restaurant, dito kasi siya maaarong magtanong dito kung nasaan na si Rio sa ngayon. Pero hindi na niya ito nagawa pa, dahil agad na niyang nakita ito. Mabilis naman siyang nilapitan ni Rio at masaya siyang kinausap nito.

“Mark! Tapos ka na bang kumain?” Masayang pagkakasambit ni Rio.

“*Ahh! Oo.. Ano nga pala yung sasabihin mo sa’kin?” Tugon naman ni Mark.

Hindi na nagsalita pa si Rio at agad na ngang hinila si Mark papasok sa loob ng kusina. Wala namang nagawa pa si Mark, kundi ang sumunod na lang kay Rio.

Ilang sandali pa ay pumasok sila sa isang kwarto sa loob ng kusina. Para lang sa mga empliyado ang kwartong ito, base na rin sa nakasulat sa may pinto na “Employee's only”, kaya labis na ang pagtataka ni Mark sa bagay na gustong sabihin ni Rio sa kaniya.

 

“*Umm.. ano.. ano ba talaga ang sasabihin mo sa’kin?” Nagtatakang tanong ni Mark habang kinakamot ang kaniyang patilya.

Pero hindi na siya tinugon ni Rio, bagkus ay agad siyang hinalikan nito. Labis ang pagkagulat ni Mark sa ginawa ni Rio sa kaniya, kaya hindi agad siya nakapagsalita. Hindi naman nagtagal ang ginawang paghalik ni Rio at makalipas lang ang halos ilang segundo matapos niya itong halikan ay agad naman niya itong niyakap. Sa mga oras na ito ay hindi pa rin magawang magsalita ni Mark, dahil sa labis na pagkagulat.

 

“Mabuti na lang at nakita kitang muli. Sobrang saya ko ngayon araw.” Umiiyak ng sambitin ito ni Rio habang yakap si Mark.

Matapos magsalita ni Rio ay biglang hinawakan ni Mark ang mga balikat nito. Ilang sandali pa ay inilayo na ni Mark si Rio, dahilan upang mahinto na ang ginagawang pagyakap nito sa kaniya.

 

“Bakit Mark?” Nagtatakang tanong ni Rio habang patuloy sa pag-agos ang kaniyang mga luha.

 

“Pasensya ka na Rio, pero matagal ko ng kinalimutan ang nangyari sa’tin sa nakaraan.” Medyo malungkot na pagkakasambit ni Mark.

“Ganon ba? *Ha..ha! *Sob! *Sob! Hindi ka dapat humingi ng sorry, dahil ako naman ang may kasalanan eh. Sorry kung nabigla kita.” Sambit ni Rio habang paulit-ulit niyang pinupunasan ang kaniyang mga luha.

“Pasensya na talaga.” Malungkot muling pagkakasambit ni Mark.