School of Myths

Chapter 30: Hagoweigh - ang mala-paraisong lugar sa mundo ng mga tao.

Ang Hagoweigh ang isang sikat na lugar dito sa loob ng mundo ng mga tao. Makikita ito sa kontinente ng Bulcandia, kung saan matatagpuan din ang Travincial. Marami ang turistang nagpupuntang dito at galing pa sila sa ibang mga bansa para lang magbakasyon. Sa daming magandang lugar na pwedeng puntahan dito sa loob ng Hagoweigh, hindi na kataka-taka na marami talagang tao ang nagpupunta dito. Meron ditong beach at sobrang pino at puti ng buhangin nito. At syempre meron ding mga beach reasort at isa sa mga hotel na ito ang kasalukuyang tinutuluyan ng istudyante ng Olympus university. Meron ding napakagandang bundok dito na dinarayo pa ng mga mountaineer. Mga amusement park, historical places at kung ano-ano pang mga magagandang lugar. Sobrang sagana ng bansang ito at pawang mga may kaya sa lang buhay ang mga nakatira, dahil walang naghirap o walang mahirap dito, dahil na rin sa ganda ng takbo ng kanilang pamumuhay.

Makalipas ang kalahating oras mag mula ng makapasok ang mga magka-kaklase sa kani-kanilang mga kwarto. Sa ngayon ay masayang nagku-kwentuhan sina Rain sa loob ng kanilang kwarto, ngunit ilang sandali pa ay napalingon silang lahat sa may pinto,dahil may kumatok dito. Batid nila kung sino ang mga ito, kaya agad na itong tinungo ni June upang pagbuksan. Sa pagbukas ay agad namang pinapasok ni June ang kanilang mga kaibigan.

"*Oh! Ano na ang plano na'tin? 3:30 pm na at may 3 hours and a half na lang tayo, bago maghapunan." Sambit ni Selina.

"*Hmm.. Kung mag-ikot-ikot muna kaya tayo malapit dito sa hotel?" Sambit ni Annie.

"*Hmm.. Mukhang ganon na nga lang ang magagawa na'tin." Sambit ni Rain.

"Teka lang.. tingnan nyo ito." Sambit ni Mark.

Matapos magsalita ni Mark ay agad nagtinginan ang magkakaibigan sa mapa na hawak niya.

"Wow! May malapit palang amusement park dito sa hotel na'tin eh!" Sambit muli ni Rain.

"Amusement park?" Tanong ni Selina.

"*Ahh.. Ngayon pa nga lang pala nakapunta si Selina sa mundo ng mga tao, kaya hindi pa niya alam ang amusement park." Sambit muli ni Mark.

"Ako din, hindi ko rin alam kung ano ang amusement park." Sambit ni David.

"Ako din." Walang emosyong pagkakasambit ni Alex.

"*Umm.. Ako din eh, first time ko lang din kasing nakapunta dito sa mundo ng mga tao." Sambit ni Melisa.

"*Hah..hah..hah.. Kawawang Selina. Amusement park lang hindi pa alam. *Hah..hah..hah.." Sambit ni Annie.

Biglang tumaas ang kilay ni Selina matapos niyang marinig ang sinabi ni Annie.

"Pero Alex, wag kang mag-alala! Nasisiguro kong matutuwa ka sa mga rides sa loob ng amusement park!" Sambit muli ni Annie.

"Rides?" Walang emosyong pagkakatanong ni Alex.

"Ang mabuti pa, dito na lang tayo pumunta!" Sambit muli ni Mark.

"Tama, matagal na rin akong hindi nakakapunta sa amusement park. Hindi ba Lina?" Sambit muli ni Rain.

"Kung ganon, naaalala mo pa yung mga panahong magkahawak tayo ng kamay habang masayang nakasakay sa ferris wheel?" Sambit ni Lina.

Matapos magsalita ni Lina ay biglang kinilabutan si Rain, dahil nakaramdam siya ng nakakatakot na aura mula sa kaniyang likuran.

"Rain Esfalls?!" Sambit nina Annie at Selina.

Bakas sa tono ng pagkakasambit ng dalawa ang intensyon nilang pumatay, kaya napalunok na lang si Rain. Mabuti na lang at biglang nawala ang masamang aura ng dalawa matapos magsalita ni Melisa.