School of Myths

Chapter 25: Pagliligtas - Kanino?

May ilang minuto rin ang tinakbo nina Rain, Lina at Chris bago nila marating ang ospital kung saan isinugod si Annie. Agad naman nilang nakita sina June at Mark sa likod ng isang kwarto, kaya dali-dali na nila itong nilapitan.

"Oi Mark, June! Kamusta na si Annie?" Tanong ni Rain.

Hindi nagawang tumugon ng dalawa at napayuko na lang ang mga ito. Samantala, batid na ni Rain na hindi maganda ang kalagayan ni Annie ngayon, kaya mabilis na niyang pinasok ang kwarto kung nasaan ito.

"Annie!" Sambit ni Rain.

Napaluha na lang si Rain matapos makita ang kalagayan ng kaibigan at kalaunan ay mabilis niya itong nilapitan. Agad namang sumunod sa kaniya ang kaniyang mga kaibigan at pati na rin si Chris.

"Patawad Annie, kasalanan ko ito." Sambit ni Rain.

"Kamusta na ang kalagayan ni Annie?" Tanong ni Lina.

"Maraming dugo ang nawala sa kaniya at malalim din ang natamo niyang sugat sa likod. At ang sabi ng doctor ay kailangan ng siyang mailipat sa Ceto city, kung saan kumpleto ang pasilidad para gamutin ang mga tao." Tugon ni June.

"Teka, hindi ba kayang pagalingin ng mga nurse-elf ang mga sugat ni Annie?" Tanong ni Chris.

"Hindi makakaya ng katawan ni Annie ang paraan para magamot ang kaniyang sugat ng mga nurse-elf, kaya dapat sa normal na proseso siya dumaan. Yun ang pagpapaliwanag ng doctor sa'min." Tugon muli ni June.

Sandali natahimik ang apat sa pagkakataong ito at kalaunan ay napatingin kay Rain.

"Teka! Tama! Rain! Ang mga luha mo! Ipainom mo ang mga luha mo kay Annie!" Sambit muli ni June.

Agad napalingon si Rain sa mga kaibigan, matapos niya itong marinig.

"Tama si June, kung maiinom ni Annie ang mga luha mo ay gagaling na siya!" Sambit ni Lina.

Sa pagkakataong ito ay napangiti si Rain at Ilang sandali pa kinusot na niya ang kaniyang mga mata. At ang daliring nabasa ng kaniyang luha ay mabilis niyang isinubo sa bibig ni Annie.

"Gumising ka Annie, gumising ka!" Sambit ni Rain derekta sa kaniyang isipan.

Ngunit ilang sandali pa ay laking gulat ng magkakaibigan ng biglang napasigaw si Rain.

"Araaaaay!" Sigaw ni Rain.

Agad hinila ni Rain ang kaniyang daliri at kalaunan ay hinapan, dahil bigla siyang kinagat ni Annie. Samantala, ilang sandali pa ay bumangon na si Annie at nagtaka matapos makita ang kaniyang mga kaibigan na umiiyak.

"*Areh?! Ano ang nangyari sa inyo? Teka, nasaan ba ako?" Tanong ni Annie.

Ngunit matapos niyang magsalita ay labis siyang nagulat dahil bigla siyang niyakap Rain. Hindi niya maintindihan kung bakit, ngunit nagustuhan naman niya ang mga nangyayari ngayon.

"Teka, Rain? Ano ba ang nangyayari?" Tanong muli ni Annie.

Matapos magsalita ni Annie ay bumitiw na sa kaniyang pagkakayakap si Rain at kalaunan nagsimula ng magsalita.

"Patawad Annie, kasalan ko kung bakit ka nasaktan." Sambit ni Rain.

Muli ay hindi maunawaan ni Annie ang mga nangyayari, ngunit ilang sandali pa naalala na niya ang mga nangyari.

"Tama! Naalala ko na. Nasaksak nga pala ako ng mga lalaking humabol sa'min." Sambit ni Annie.

(Note: Nahiwa si Annie, hindi nasaksak! Yun lang yung akala niyang nangyari. xD)