School of Myths

Chapter 15: Fenrir - Mark at Ryan Lionheart.

Sa loob ng opisina ng principal ay kasalukuyang nag-uulat si Driego kay Zeus.

"Nagbalik na po si uncle Drake sa dragon clan. At muli ay pinamumunuan niya po kami." Sambit ni Driego.

"Ganon ba, magandang balita ito." Nakangiting pagkakasambit ni Zeus.

Samantala, muntik ng mahuli sa klase si Rain nang makarating ito sa kanilang classroom. Agad siyang napansin ng kaniyang mga kaklase, dahil sa mga benda niya sa katawan.

Habang naglalakad patungo sa kaniyang upuan si Rain ay napansin niyang parang malungkot ang kaibigan niyang si Mark. Hindi na niya ito binati pa at nagpatuloy na lang sa paglalakad patungo sa kaniyang upuan. Ngunit may ilang hakbang pa ay bigla siyang napahinto ng biglang humarang sa kaniyang harapan si Krystine. Labis niya itong kinagulat, kasabay sa paghawak ni Krystine sa kaniyang mga kamay.

"Okay ka lang ba Rain? Pasensya ka na kung hindi pa ganon kalakas ang healing magic ko." Sambit ni Krystine.

"Sye..sye..syempre naman! Okay na okay na ako! At wag mong sisihin ang sarili mo, Krystine. Dahil kung hindi dahil sa kapangyarihan mo ay hindi ako makakapasok ngayon at natitiyak kong nasa ospital ako at wala dito." Tugon ni Rain.

"Mabuti naman!" Nakangiting pagkakasambit ni Krystine.

Matapos magsalita ay mabilis na niyakap ni Krystine si Rain na siyang ikinagulat ng lahat. Hindi maunawaan ni Rain ang nangyayari, ngunit gustong-gusto niya ang nangyayaring ito. Subalit ilang sandali pa ay..

*** SFX: PO..PO..PO..POINKS! **

"ARAAAAAY!" Sigaw ni Rain.

Tatlong hindi tukoy na bagay ang sunod-sunod na tumama sa ulo ni Rain sa magkakaibang derektsyon. Hindi naman ito napansin ni Krystine at dahil sa ginawang pagsigaw ni Rain ay inakala niyang siya ang may dahilan kung bakit ito sumigaw.

"Sorry, nakalimutan kong may mga sugat ka pa nga pala. Sorry talaga.." Sambit ni Krystine.

Matapos magsalita ay lumuluhang bumalik si Krystine sa kaniyang upuan. Ikinagulat ito ni Rain at dahil dito ay hindi na niya nagawa pang magsalita. Nakaramdaman siya ng galit dahil sa pangyayaring ito, kaya agad niyang hinanap ang mga bumato sa kaniya. Subalit ang galit na kaniyang nararamdaman ay mabilis na naglaho, dahil nakita niya ang lahat ng kaniyang mga kaklaseng lalaki ay masamang nakatingin sa kaniya. Sa mga sandaling ito ay napakamot na lang siya ng ulo at ilang sandali pa ay naglakad na muli patungo sa kaniyang upuan.

Nang tuluyan ng makaupo si Rain ay napansin niyang medyo badtrip si Selina, kaya hindi muna niya ito kinausap dahil baka ibaling na naman sa kaniya ang inis nito.

Habang nakaupo ay nagmasid-masid si Rain at napansin niyang may ilang mga kaklase pa siyang hindi na kikilala. Sakto naman dahil ilang sandali pa ay nilapitan na siya ni June upang kamustahin.

"Yow, Rain?! Kamusta na ang mga sugat mo?" Sambit ni June.

"Ito, okay na naman." Tugon ni Rain.

"June, sino yung lalaki na nasa tabi ni Sai?" Tanong ni Rain.

Agad namang hinanap ni June ang lalaking tinutukoy ni Rain at nang matukoy ay agad itong nagsalita.

"Ah si Blyde? Siya si Byde Titania at isa siyang mythical shaman ng Cyclops. Galing siya sa Gaia clan." Sambit ni June.

*** Blyde Titania. 16 years old at hindi siya sociable, kaya madalas itong mag-isa. Wala masyadong nakakaalam sa tunay niyang personalidad, dahil ang iba ay umiiwas sa kaniya sa hindi maipaliwanag na dahilan.