Chapter 43
[Harry’s POV]
“So bati na kayo?” Tanong ni Ian. Kumunot ang noo ko. Pa’no nila nalaman? Tinawanan nila ako ni Nathan. “Iba kasi ang ngiti mo ngayon e.” Binigyan nila ako ng beer at kinuha ko naman at ininom.
“Yeah, we’re fine.”
“That’s great.” Nathan said. “Pero alam mo dude, mukhang may gusto ‘yang si Carl kay Aya. Nakita mo ba ‘yung cellphone ni...” Sinamaan ko siya ng tingin kaya hindi niya na natuloy ‘yung sasabihin niya.
“Don’t remind me of that thing.” Nakakainis maalala ‘yun.
May binulong pa si Nathan kaya binato ko na siya ng unan pero tinatawanan lang nila ako habang umiiling.
Biglang nag-ring ang cellphone ko kaya kinuha ko ‘yun sa bulsa. Tiningnan ko ‘yun and it was Aya. Napangiti ako. Miss niya na ako agad?
“Pustahan tayo tol, si Aya ‘yung tumawag.” Hindi ko nalang pinansin ‘yung dalawa at sinagot nalang ang tawag.
“Hello, baby.”
[“H-Harry.”] Napatayo nalang ako dahil sa boses niya. Napatigil sa pagtatawa ‘yung dalawa at binalingan nila ako ng tingin.
“What happened? Bakit ganyan ang boses mo?” Kinakabahan ako dahil sa kanya. May nangyari bang masama?
[“Tulungan mo ako.”]
“Why? Where are you?”
“Dude, anong nangyari?” Tanong ni Ian ngunit hindi ko siya pinansin.
[“Nandito ako sa bahay mo, m-may...”] Hindi ko na siya pinatapos sa sasabihin niya kasi binaba ko na. Fuck.
“Bakit?”
Kinuha ko ang leather jacket ko sa upuan at tumakbo palabas. “Let’s go!” Sigaw ko sa kanila at sumunod naman sila sa’kin. “Nasa bahay si Aya at alam kong may ginawa na naman ang daddy ko.” Paliwanag ko sa kanila habang nagmamaneho.
