Unicode
**********
The Origin Part 2
ခြောက်ခြားဖွယ်တောနက်ကြီး..။ စုန်းကဝေတွေနှင့် ၄င်းတိို့၏လက်အောက်ခံ သမန်းဝံပုလွေ( Werewolf) တို့ အုပ်စိုးသော တောနက်ကြီးထဲတွင်ဖြစ်သည်။
အချိန်က ညသန်းခေါင်ကျော်ရုံလေး...။
ထိုတောနက်ကြီးထဲတွင် အန္တရာယ်ကို မမူနိုင်ဘဲ တစ်ယောက်လက်ကို တစ်ယောက် ကိုင်ဆွဲကာ ပြေးလွှားနေကြသော အေဗာနှင့် နိကိုလပ်စ်တို့ချစ်သူနှစ်ဦး..။
ယစ်ပူဇော်ခြင်းကို ဖျက်ဆီးလိုက်ပြီးနောက် မြေအောက်ခန်းမှတဆင့် တောနက်ကြီးထဲကို ထွက်ပြေးလာကြတာဖြစ်သည်။
နောက်က မားကပ်စ်နှင့် စုန်းကဝေတွေ လိုက်လာကြသည်ကိုသိသဖြင့် သေလုအောင် မောပန်းနေတာတောင် နှစ်ယောက်လုံး မရပ်နားနိုင်သေး..။
နိကိုလပ်စ်အတွက်က အဆင်ပြေသော်လည်း.. မိန်းကလေးဖြစ်သော ပြီးတော့ ကိုယ်ဝန်သည်ဖြစ်သော အေဗာအတွက်ကတော့ အဆင်မပြေ။ အေဗာကိုယ်တိုင်ကလည်း အားနည်းသူဖြစ်ပြီး ကလေးကိုလည်းထိခိုက်မှာစိုးသောကြောင့် စိတ်ရှိတိုင်းမပြေးနိုင်။ နိကိုလပ်စ်သည်လည်း အေဗာကိုဖေးမနေရသဖြင့် ထင်သလောက် ခရီးကမပေါက်။
ဒါကြောင့် အေဗာ့ကိုပွေ့ချီလိုက်ကာ ဆက်ပြေးသည်။ တောနက်ကြီးထဲက ထွက်နိုင်ပြီဆိုလျှင်တော့ စုန်းကဝေတွေရဲ့ ပိုင်နက်မဟုတ်ဘဲ လူသားတွေကြားထဲကို ရောက်သွားပြီဖြစ်တာကြောင့် အနည်းငယ်တော့ အန္တရာယ်ကင်းနိုင်ပြီဖြစ်လေသည်။
နောက်က မြေခွေးအူသံနှင့်အတူ စုန်းကဝေတို့ရဲ့လက်အောက်ခံ သမန်းဝံပုလွေတို့ရဲ့ အချင်းချင်း အချက်ပေးသံ တို့ကိုကြားလာရတာကြောင့် သမန်းဝံပုလွေတွေလည်း မိမိတို့နှစ်ဦးကိုလိုက်ရှာနေကြပြီဆိုတာ သဘောပေါက်လိုက်ပြီဖြစ်သည်။
ထို့နောက် စုန်းကဝေတို့လည်း နီးကပ်လာနေပြီဆိုတာကို နိကိုလပ်စ်အာရုံခံစားမိလိုက်သည်။
ထို့အပြင် အေဗာ့ခန္ဓာကိုယ်မှ ထွက်နေသော ကြယ်လေးရဲ့ အလင်းရောင်တွေကလည်း အခုအချိန်ထိ မပျောက်သေးပေ။ ဒါကြောင့် အေဗာ့ဆီမှ ကြယ်စွမ်းအင်ကို အာရုံခံနိုင်ကာ မိမိတို့နှစ်ဦးရှိရာနေရာကို မြန်မြန်ခြေရာခံနေနိုင်တာဖြစ်သည်။
VOUS LISEZ
Star Love (I)
FantasyYou don't have to shine, I will shine for you. '' Shine '' I hate your Love but I love you. '' Flame'' *************** Season (1) of Star Love Star Lov...
