Unicode
************
The Origin Part 5
အိပ်ခန်းထဲက ထွက်ပေါ်လာသော အလင်းရောင်တွေကြောင့် အေဗာ နှစ်နှစ်ခြိုက် ခြိုက် အိပ်ပျော်နေရာမှ ရုတ်တရတ် လန့်နိုးလာမိလေသည်။
ကမန်းကတန်းထကြည့်လိိုက်မိတော့ အေဗာ့ စာကြည့်စားပွဲခုံတွင်တင်ထားသော အဖြူရောင်ကျောက်တုံးမှ အဖြူရောင် အလင်းတန်းတွေ ဖြာထွက်နေတာ။
ထိုကျောက်တုံးအဖြူရောင်မှာ ကြယ်လေးရဲ့ စိတ်အခြေအနေကို ဖော်ပြနေသော ကျောက်တုံးဖြစ်လေသည်။
ရုတ်တရတ် စိတ်ထဲထင့်ခနဲဖြစ်သွားလေသည်။ ရှိုင်းမအိပ်ခင် ဂါထာဖြင့်စည်းချထားသော်လည်း ဘာကြောင့်ရယ်မသိ အေဗာ အန္တရာယ်တစ်ခုခုလာနေပြီဆိုတာကို သိနေသလိုလို။
ဒါကြောင့် သားဖြစ်သူရှိုင်းရဲ့ အခန်းထဲကို ကြည့်ရန် ဝင်လာခဲ့လိုက်မိသည်။
ရှိုင်းရဲ့ အခန်းတံခါးကို ဖွင့်ကြည့်လိုက်မိတော့ အခန်းထဲတွင် ရှိုင်းရှိမနေ ကုတင်ပေါ်မှာ စောင်လေးက ဒီအတိုင်းခေါက်တင်ထားလျက်။ အဝတ်ဗီရိုလေးကလည်းပွင့်လျက်။
အေဗာ့မျက်လုံးများ ပြာဝေသွားသည်အထိ ထိတ်လန့်သွားမိလေသည်။ ကျောက်အဖြူရောင်က အလင်းရောင်တောက်နေတာကြောင့် ရှိုင်းက အသက်ရှင်နေသေးသည်။ ဒါ့အပြင် ပျော်နေသည်ဆိုတာကို သိနေနိုင်သည်။ လက်ရှိအချိန်တွင် စုန်းကဝေတွေ လာဖမ်းသွားတာ မဟုတ်တာကို အနည်းငယ်စိတ်အေးသွားမိသော်လည်း စည်းသားထားသော ပတ်ဝန်းကျင်တွင်် ရှိုင်းရှိနေတာ မဟုတ်တာကြောင့် အလင်းရောင်တွေ တောက်နေသည်ဆိုလျှင် စုန်းကဝေတွေ အာရုံခံမိတော့မှာ အသေအချာ။
စိုးရိမ်ထိတ််လန့်သွားခြင်းနှင့်အတူ တစ်အိမ်လုံးကို ပတ်ပြီး ရှိုင်းကို လိုက်ရှာသော်လည်း မတွေ့။
ညနေက မီးထွန်းပွဲတော် မသွားရသဖြင့် စိတ်ကောက်သွားသော ရှိုင်း မိမိမသိအောင် အိမ်ကခိုးထွက်သွားသည်ထင်သည်။
ခြံရှေ့တွင် တွေ့လိုက်ရသော မြင်ကွင်းကြောင့် အေဗာ့မျက်လုံးများ ပြူးကျယ်ဝိုင်းစက်သွားလေတော့သည််။
YOU ARE READING
Star Love (I)
FantasyYou don't have to shine, I will shine for you. '' Shine '' I hate your Love but I love you. '' Flame'' *************** Season (1) of Star Love Star Lov...
