Unicode
***************
Star is Awakened Part (4)
"အရမ်းခေါင်းမမာပါနဲ့ မာဂရက်(Magret).. အခုက ခင်ဗျားဆီမှာ ဘာအင်အားမှမရှိတော့ဘူး. ကျုပ်ပြောတာကိုသာ လုပ်ပေးပါ.. "
ဆိုဖာပေါ်တွင် ခြေချိတ်ထိုင်လိုက်ရင်း မျက်စိရှေ့က ချုပ်နှောင်ခြင်းခံထားရသူ အမျိုးသမီးကို ကြည့်ကာ ပြောလိုက်သည်။
မားကပ်စ်သည် နိကိုလပ်စ်၏ တည်နေရာနှင့် အကြံအစည်များကို သိလိုသဖြင့် ဖန်လုံးကြည့်နိုင်သော စွမ်းရည်ရှိသည့် တစ်ဦးတည်းသော စုန်းကဝေဖြစ်သည့် အရင်ကစုန်းကဝေခေါင်းဆောင်ဖြစ်ခဲ့သူ မာဂရက်ကို ခြိ်မ်းခြောက်ကာ သလင်းကျောက်ဖန်လုံးကို အတင်းကြည့်ခိုင်းနေခြင်းဖြစ်သည်။
မားကပ်စ်သည် စုန်းကဝေအမျိုးသမီးကို အင်အားဖြင့် လက်တစ်ဖက်တစ်ချက်ဆီတွင် ရုန်းကန်လို့မရအောင် ချုပ်နှောင်ခိုင်းထားလေသည်။ စွမ်းအားကြီးခဲ့သော စုန်းကဝေခေါင်းဆောင်တစ်ယောက်ဖြစ်ခဲ့တာကြောင့် မှော်ပညာကို သုံးကာ မလှုပ်နိုင်အောင် ချုပ်ခိုင်းထားခြင်းဖြစ်လေသည်။
ချုပ်ထားသော လက်များမှ အစိမ်းရောင်အလင်းတန်းများထွက်ကာ အဆိပ်သင့်နေသကဲ့သို့နာကျင်နေလှသော်လည်း စုန်းကဝေအမျိုးသမီးကတော့ နည်းနည်းလေးမှ ကြောက်ရွ့ံတုန်လှုပ်ဟန်မရှိပေ။ တဖျတ်ဖျတ်တောက်နေသော မျက်လုံးများဖြင့် မားကပ်စ်ကို စူးရဲစွာ ပြန်ကြည့်ကာ ပြောလေသည်။
"ငါ ဘယ်နှစ်ခါပြောရမလဲ မားကပ်စ်... ဖန်လုံးကြည့်တယ်ဆိုတာက ကောင်းတဲ့ အကြံအစည်နဲ့သာ ကြည့်ပါမယ်လို့ သစ္စာဆိုထားရတာ.. မင်း ကြည့်ချင်တယ်ဆိုတာ ဘယ်နည်းနဲ့မှ ကောင်းတဲ့ အကြံအစည်နဲ့ မဖြစ်နိုင်ဘူး ဒါကြောင့် ငါမကြည့်ပေးနိုင်ဘူး... "
မားကပ်စ် လောကတွင ် အမုန်းဆုံးသည် ခေါင်းမာလွန်းသည့် လူများပင်ဖြစ်သည်။
နှုတ်ခမ်းကို တွန့်ရုံတစ်ချက်ပြုံးလိုက်သည်။
"ကျုပ်က ခေါင်းမာတဲ့လူတွေကို သိပ်စိတ်မရှည်တတ်ဘူး မာဂရက်.. အသားမနာချင်ရင် အေးအေးဆေးဆေး ကြည့်ပေးပါ.. မဟုတ်ရင်တော့ အသားနာလိမ့်မယ်... "
YOU ARE READING
Star Love (I)
FantasyYou don't have to shine, I will shine for you. '' Shine '' I hate your Love but I love you. '' Flame'' *************** Season (1) of Star Love Star Lov...
