Unicode
************
Star is Awakened Part (5)
Flame လူယုတ်မာကြီး၊ အကျင့်ပုတ်ကြီး၊ သက်ကြားအိုအဘိုးကြီး၊ အကြီးဖြစ်ပြီး အငယ်ကိုအနိုင်ကျင့်တဲ့ Vampire ကြီး.....။
ရှိုင်းတစ်ယောက် မီးလျှံကို စိတ်ထဲကနေ မျိုးစုံ အမည်တပ်နေမိသည်။
ရှိုင်း ဒူးထောက်မတတ်တောင်းပန်သဖြင့် အပြင်ကိုလိုက်လာခွင့်ရသော်လည်း ရှိုင်းကို လူစဉ်မမှီတဲ့ကလေးက အရက်သောက်ခွင့်မရှိဟုဆိုကာ မီးလျှံက သူနှင့်အတူ ဘားကောင်တာတွင် ပေးမထိုင်။ ခပ်လှမ်းလှမ်းက စားပွဲတွင် တစ်ယောက်တည်း ထိုင်ခိုင်းထားသည်။
ရှိုင်း တစ်ယောက်ရှေ့က စားပွဲတွင်ချပေးထားသော ပီဇာကိုသာ ဒေါသတကြီးဖိ၀ါးနေရင်း မျက်စိရှေ့ခပ်လှမ်းလှမ်း ဘားကောင်တာတွင်ထိုင်နေသော မီးလျှံကို မကျေမနပ်ပင် လှမ်းကြည့်နေမိသည်။
မီးလျှံကား ရှိုင်းးရှိရာဘက်ကို တစ်ချက်လေးမှပင် စောင်းငဲ့မကြည့် ။ အရက်ကိုသာ တစ်ခွက်ပြီး တစ်ခွက်မော့သောက်နေကာ ရီဝေနေသော မျက်လုံးများဖြင့် လယ်ရီနှင့် စကားအပြန်အလှန်ပြောနေကြသည်။
မီးလျှံရဲ့မျက်နှာနှင့် အမူအယာတွေကို အရိပ်လိုလိုက်ကြည့်နေတတ်တဲ့ ရှိုင်းကတော့ မီးလျှံတွင် စိတ်ညစ်စရာတွေ ရှိနေတယ်ဆိုတာကို သိနေသည်။
မီးလျှံတွင် စိတ်ညစ်စရာတွေရှိနေတယ်ဆိုတာက ထူးဆန်းသော ကိစ္စမဟုတ်။ စုန်းကဝေတွေရဲ့ ပစ်မှတ်တစ်ခုဖြစ်နေသည့်အပြင် ရှိုင်းရဲ့ ဖခင်ဖြစ်သူ နိကိုလပ်စ်က ပါ မီးလျှံကို အသေသတ်ပစ်ရန်ကြံစည်နေသည် မဟုတ်ပါလား။
ဒါကြောင့်ပင် မီးလျှံနောက်က အတင်းလိုက်လာခဲ့ရခြင်းပင်ဖြစ်နေသည်။
ရှိုင်းရဲ့ဖြစ်တည်မှုကို မီးလျှံကို မပြောရဲသည့်အတွက် ကိုယ်ကိုယ်ကို အပြစ်ရှိသလို ခံစားနေရသည်။
အကြောင်းအရာအားလုံးကို အလုံးစုံသိနေပါလျက်နှင့် ဖုံးကွယ်ထားမိသည့် ကိုယ့်ကိုယ်ကိုလည်း မုန်းတီးမိသည်။
ရှိုင်းဟာ မီးလျှံစိတ်ဒုက္ခရောက်နေရခြင်းရဲ့ အကြောင်းအရင်းဇစ်မြစ်တစ်ခုဖြစ်နေတယ်ဆိုတာကို သိသွားပါက သေချာပေါက်ကို ရှိုင်းကိုမုန်းသွားမှာဖြစ်လေသည်။
YOU ARE READING
Star Love (I)
FantasyYou don't have to shine, I will shine for you. '' Shine '' I hate your Love but I love you. '' Flame'' *************** Season (1) of Star Love Star Lov...
