Star Love (I)

Chapter (38)

Unicode

***********

Flame's Hatred Part (4)

မိုးရွာခါစ ပတ်ဝန်းကျင်ဆိုသည်မှာ အမြဲတစေ စိုစွတ်အုံမှိုင်းနေတတ်လေသည်။ မှောင်မိုက်နေသော ပတ်ဝန်းကျင်နှင့် လိုက်ဖက်ညီစွာရှိနေသော မြူအုပ်ကြီးများက အရာအားလုံးကို ရှင်းလင်းစွာ မမြင်ရအောင် ကူညီပေးနေသလို။

တစ်ခြမ်းသာ ရှိသော လရဲ့အလင်းရောင်ကို အားပြုကာ အစာရှာထွက်လာကြသော သားရဲတိရစ္ဆာန်တွေရှိသဖြင့် Nebbia တောအုပ်သည် အန္တရာယ်ရှိသော နေရာတွေထဲက တစ်ခု။

တစ်ခြမ်းသာရှိိသော လခြမ်းရဲ့အရိပ်ထင်နေသော ရေကန်ငယ်။

ထိုရေကန်ငယ်လေးဟာ တောအုပ်အတွင်းရှိ တိရစ္ဆာန်လေးများအတွက်တော့ အားကိုအားထားပြုရာနေရာဖြစ်လေသည်။

ထိုရေကန်ငယ်လေးရဲ့ရေစပ်နားကိုဆင်းကာ ရေသောက်နေသော ဝံပုလွေတစ်ကောင်။ သန်မာသော အသွင်ရှိသည့် အညိုရောင် ဝံပုလွေကြီးသည် သူ့ရဲ့အနောက် ထင်းရှူးပင်ကြီးတစ်ပင်ရဲ့အကွယ်တွင် စောင့်ဆိုင်းနေသော အန္တရာယ်ကိုမမြင် စိတ်အေးလက်အေးဖြင့် ရေဆင်းသောက်နေလေသည်။

ထိုဝံပုလွေကြီးက ရေဆင်းသောက်နေစဉ်မှာပင် အသက်ရှူသံပြင်းပြင်းတစ်ခုနှင့် သွေးနံ့တိို့ကို ရလိုက်သည်ထင့် ရေသောက်နေရာမှ နောက်ကိုလှည့်ကြည့်လာသည်။ ထိုအခါ တွေ့လိုက်ရသည်က နီရဲတောက်နေသော မျက်လုံးများဖြင့် ဝံပုလွေကြီးကို နောက်က ချောင်းနေသော လူတစ်ယောက်။

ထိုလူက ထင်းရှူးပင်နောက်တွင်ရပ်နေရာမှ တဖြေးဖြေးနှင့် ရေစပ်နားက ဝံပုလွေကြီးရှိရာကိုတိိုးကပ်လာလေသည်။ ထိုသူမှာ မီးလျှံဖြစ်သည်။

မီးလျှံရဲ့ အသွင်သဏာန်ကိုမြင်လိုက်တာနှင့် သာမန်အင်အားနည်းသော လူသားတစ်ယောက်မဟုတ်နိုင်ဆိုတာကို ဝံပုလွေကြီးက သဘောပေါက်နေဟန်။ မိမိကို အနရာယ်ပြုဖိို့ရောက်လာနေတာကို သဘောပေါက်ဟန်ဖြင့် ဝံပုလွေကြီးက ပြေးပေါက်ကိုရှာဖွေသည်။

သို့သော် မီးလျှံရဲ့မျက်လုံးများနီရဲလာပြီး ကြောက်စရာကောင်းသော သွားစွယ်နှစ်ချောင်းပါထွက်လာကာ ထွက်ပြေးရန်ကြံစည်နေသော ဝံပုလွေကြီးကို ဝုန်းခနဲ အရှိန်ပြင်းစွာဖြင့် ခုန်အုပ်လိုက်ကာ လည်ပင်းကို အငမ်းမရ ကိုက်ခဲလေတော့သည်။