Unicode
**************
Flame Started To Burn Part (5)
"ငါ ညကျရင် ပြန်ရောက်ချင်မှ ပြန်ရောက်မယ် . မင်းတစ်ယောက်တည်း သတိထားနေ.. "
"ဟုတ်.. "
"အပြင်က ဘာသံကြားကြားထွက်မကြည့်နဲ့.. တံခါးကိုလည်း မဖွင့်ပေးနဲ့.. ကြားလား."
"ဟုတ်... "
မြေအောက်ခန်းနှင့် ဥမင်လိုဏ်ခေါင်းကိုဆက်ထားသော တံခါးဝတွင် ရပ်ကာ သူ့ကိုမျက်လုံးလေးတွေ ပုတ်ခတ်ပုတ်ခတ်ဖြင့် ကြည့်နေသော ရှိုင်းကို မီးလျှံ မှာတမ်းချွေနေရသည်။
မမှာလိို့က မရ။ ဒီချာတိတ်လေးက ခြံပြင်မှာ ယုန်တွေ့ရင်လည်း သနားရ၊ အစာကျွေးချင်ရ။ အစာရှာထွက်သော ဝံပုလွေများနဲ့တွေ့ရင်လည်း အကောင်ကြီးတွေ လှတယ်ဆိုပြီး ထွက်ကြည့်ချင်ရနှင့် ဘယ်လိုမှ စိတ်မချရပေ။ Nebbia တောအုပ်ဆိုသည်မှာ သားရဲတိရစ္ဆာန်တို့ရဲ့ အန္တရာယ်အပြင် တခြား သဘာဝလွန် ဖြစ်ရပ်တွေပါ ပြည့်နှက်နေသော နေရာဖြစ်တာကြောင့် သာမန်လူသားလေးတစ်ယောက်အတွက် မဆင််မခြင်နေလို့ မသင့်တော်သော နေရာဖြစ်လေသည်။ ဒါကြောင့် အလုံခြုံဆုံးနေရာအဖြစ်ဖန်တီးထားသော မီးလျှံရဲ့အိမ်ကြီးကသာ ရှိုင်းအတွက် စိတ်အချရဆုံးဖြစ်တာကြောင့် သေချာ မှာနေရခြင်းပင်ဖြစ်သည်။
"ပါးစပ်ကချည်းဘဲ ဟုတ်မနေနဲ့.. လူကလည်း ပြောတဲ့အတိုင်းသေချာ လိုက်နာ .... "
"ဟုတ်ကဲ့ပါဗျာ.. ကျွန်တော် အပြင်ထွက်ပြီးတော့လည်း ဘာမှလုပ်စရာမရှိပါဘူး.. "
စိတ်မရှည်ဟန်ဖြင့် ဆောင့်ကြီးအောင့်ကြီးဖြေလိုက်သော ရှိုင်းကို မီးလျှံ ကြည့်ကာ ရင်မောစွာဖြင့် သက်ပြင်းတစ်ချက်ချလိုက်သည်။ စကားနားထောင်တာကို သိသော်ငြား စိတ်ပူနေတာကိုတော့ မရပ်တန့်နိုင်။
မီးလျှံရဲ့ ဘဝတွင် တစ်စိတ်တစ်ပိုင်းပါဝင်ပတ်သက်လာပြီဖြစ်သော ရှိုင်းအတွက် အစစအရာရာ လုံခြုံမှုပေးနိုင်ရန်အတွက် တာဝန်ရှိသည်လို့ပင် အပြည့်အဝမှတ်ယူထားမိလေပြီဖြစ်သည်။ ဘာကြောင့်လဲဆိုတာကို တော့ မစဉ်းစားမိ။ မစဉ်းစားချင်။ မစဉ်းစားသင့်သေးပေ။
YOU ARE READING
Star Love (I)
FantasyYou don't have to shine, I will shine for you. '' Shine '' I hate your Love but I love you. '' Flame'' *************** Season (1) of Star Love Star Lov...
